AIIMS દિલ્હીમાં એડમિશન માટે કેટલા માર્ક્સ જોઈએ? જાણો કોર્સ, પ્લેસમેન્ટ અને સ્ટાઈપેન્ડની વિગતો
જો તમે મેડિકલનો અભ્યાસ કરવાનું વિચારી રહ્યા હોવ, તો એક નામ એવું છે જે દરેક વિદ્યાર્થીના મોઢે સૌથી પહેલા આવે છે— AIIMS (ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ), નવી દિલ્હી. આ માત્ર એક કોલેજ નથી, પરંતુ દેશના લાખો યુવાનો માટે એક ઝનૂન છે. શ્રેષ્ઠ શિક્ષણ, વિશ્વસ્તરીય સંશોધન (Research) અને આધુનિક તબીબી સુવિધાઓને કારણે AIIMS દિલ્હીને ભારતની સૌથી પ્રતિષ્ઠિત મેડિકલ સંસ્થા માનવામાં આવે છે.
તાજેતરમાં જાહેર થયેલા NIRF રેન્કિંગ 2025માં પણ આ સંસ્થાએ બાજી મારી છે અને મેડિકલ કેટેગરીમાં નંબર 1 રેન્ક પ્રાપ્ત કર્યો છે. ચાલો વિગતવાર સમજીએ કે શા માટે આ કોલેજમાં પ્રવેશ મેળવવો આટલો મુશ્કેલ છે અને ત્યાં કેવી સુવિધાઓ છે.
AIIMS દિલ્હીની પ્રતિષ્ઠા: શા માટે તે સૌથી ખાસ છે?
ભારતમાં મેડિકલ એજ્યુકેશનની વાત હોય અને AIIMS દિલ્હીનો ઉલ્લેખ ન થાય તે શક્ય જ નથી. આ સંસ્થા તેના ઉચ્ચ સ્તરીય અભ્યાસ, અનુભવી ફેકલ્ટી અને આધુનિક મેડિકલ ઈન્ફ્રાસ્ટ્રક્ચર માટે સમગ્ર વિશ્વમાં પ્રખ્યાત છે. દર વર્ષે લાખો વિદ્યાર્થીઓ ડોક્ટર બનવાનું સપનું લઈને તેની પ્રવેશ પરીક્ષાની તૈયારી કરે છે, પરંતુ સખત સ્પર્ધા અને મર્યાદિત બેઠકોને કારણે માત્ર પસંદગીના હોનહાર વિદ્યાર્થીઓ જ અહીં પહોંચી શકે છે.
NIRF રેન્કિંગ 2025માં ટોચનું સ્થાન મેળવવાની સાથે સાથે, ઓવરઓલ કેટેગરીમાં પણ તે ભારતની ટોચની સંસ્થાઓમાં પોતાનું સ્થાન જાળવી રાખ્યું છે. અહીંથી ભણીને નીકળેલા ડોક્ટરો માત્ર ભારતમાં જ નહીં પરંતુ વિદેશોમાં પણ મોટી હોસ્પિટલો અને સંશોધન કેન્દ્રોમાં પોતાની સેવાઓ આપી રહ્યા છે.
એડમિશન પ્રોસેસ: કેવી રીતે મળે છે પ્રવેશ?
AIIMS દિલ્હીની રાહ સરળ નથી, આ માટે વિદ્યાર્થીઓએ સખત મહેનત અને સાચી વ્યૂહરચનાની જરૂર હોય છે.
-
MBBSમાં એડમિશન: પહેલા AIIMS પોતાની અલગ પરીક્ષા આયોજિત કરતી હતી, પરંતુ હવે નિયમો બદલાઈ ગયા છે. MBBS કોર્સમાં પ્રવેશ મેળવવા માટે વિદ્યાર્થીઓએ NEET-UG પરીક્ષા આપવી પડે છે. આ પરીક્ષામાં મેળવેલા રેન્કના આધારે કાઉન્સેલિંગ થાય છે અને મેરિટ મુજબ સીટ ફાળવવામાં આવે છે.
-
પોસ્ટગ્રેજ્યુએટ કોર્સ (MD/MS): PG કોર્સમાં એડમિશન માટે વિદ્યાર્થીઓએ INI-CET પરીક્ષા પાસ કરવી પડે છે. આ પરીક્ષા દ્વારા દેશની અન્ય મુખ્ય મેડિકલ સંસ્થાઓમાં પણ PG એડમિશન મળે છે.
-
યોગ્યતા: એડમિશન માટે વિદ્યાર્થીએ ધોરણ 12માં ફિઝિક્સ, કેમિસ્ટ્રી અને બાયોલોજી (PCB) વિષયો સાથે પાસ થવું અનિવાર્ય છે. સાથે જ, વય મર્યાદા અને લઘુત્તમ ટકાવારીના નિયમોનું પાલન કરવું પણ જરૂરી છે. વધુ માહિતી માટે વિદ્યાર્થીઓ હંમેશા સત્તાવાર વેબસાઇટ aiims.edu ચેક કરી શકે છે.
AIIMS દિલ્હીમાં ઉપલબ્ધ મુખ્ય કોર્સ
AIIMS દિલ્હીમાં ઉપલબ્ધ મુખ્ય કોર્સઅહીં માત્ર ડોક્ટરી જ નહીં, પરંતુ મેડિકલ સાયન્સ સાથે જોડાયેલા અન્ય ઘણા ઉચ્ચ સ્તરીય કોર્સ પણ કરાવવામાં આવે છે:
-
MBBS: સૌથી લોકપ્રિય અંડરગ્રેજ્યુએટ પ્રોગ્રામ.
-
MD / MS: પોસ્ટગ્રેજ્યુએશન માટે.
-
DM / M.Ch: સુપર-સ્પેશિયાલિટી કોર્સ.
-
B.Sc અને M.Sc નર્સિંગ: નર્સિંગ ક્ષેત્રે કરિયર બનાવવા માંગતા લોકો માટે.
-
PhD (મેડિકલ સાયન્સ): રિસર્ચ અને ડોક્ટરેટ માટે.
પ્લેસમેન્ટ અને કરિયર: કમાણીની બાબતમાં પણ નંબર 1
AIIMS દિલ્હીની પ્લેસમેન્ટ સિસ્ટમ અન્ય કોલેજોની સરખામણીમાં ઘણી અલગ અને સારી છે. અહીં અભ્યાસ પૂર્ણ કર્યા પછી વિદ્યાર્થીઓએ કરિયર માટે ભટકવું પડતું નથી.
-
મધ્યસ્થ (Median) પેકેજ: NIRF રિપોર્ટ 2025ના આંકડા મુજબ, UG (MBBS) પ્રોગ્રામના વિદ્યાર્થીઓનું સરેરાશ પેકેજ અંદાજે વાર્ષિક 16 લાખ રૂપિયા રહે છે. જ્યારે, PG કોર્સના વિદ્યાર્થીઓનું મીડિયન પેકેજ વાર્ષિક 34 લાખ રૂપિયા સુધી જોવા મળ્યું છે.
-
ઈન્ટર્નશિપ: MBBS પછી વિદ્યાર્થીઓ માટે 1 વર્ષની અનિવાર્ય ઈન્ટર્નશિપ હોય છે. આ દરમિયાન વિદ્યાર્થીઓને અંદાજે દર મહિને 26,000 થી 30,000 રૂપિયા સ્ટાઈપેન્ડ (Stipend) પણ આપવામાં આવે છે.
-
તકો: અહીંના 95% થી વધુ વિદ્યાર્થીઓ કાં તો મોટી હોસ્પિટલોમાં સીધા નિમાય છે અથવા ઉચ્ચ શિક્ષણ અને રિસર્ચ માટે વિદેશી સંસ્થાઓમાં જાય છે.
શું તમે પણ કરી રહ્યા છો તૈયારી?
AIIMS દિલ્હીમાં ભણવું એ માત્ર કરિયર માટે જ નહીં, પરંતુ સમાજ સેવાના દૃષ્ટિકોણથી પણ ગૌરવની વાત છે. અહીં ફી ઘણી ઓછી છે અને સુવિધાઓ વિશ્વની કોઈપણ મોટી હોસ્પિટલથી ઓછી નથી. જો તમારામાં મહેનત કરવાનું ઝનૂન છે અને તમે ડોક્ટર બનીને દેશની સેવા કરવા માંગો છો, તો AIIMS દિલ્હી તમારું શ્રેષ્ઠ ડેસ્ટિનેશન હોઈ શકે છે.
