ભરૂચ રેલ્વે સ્ટેશન પર મોબાઈલ અને પાકીટ ની ચોરી

ભરૂચ રેલ્વે સ્ટેશન ના પ્લેટફોર્મ નંબર ૪ ઉપર ઉભી રહેલ જોધપુર બેંગ્લોર એક્સ.ટ્રેન ના જનરલ ડબ્બા માંથી મોબાઈલ અને પાકીટ ની ચોરી કરતા બે ને ભરૂચ રેલ્વે પોલીસે ઝડપી પાડ્યા હતા …
મળતી માહિતી મુજબ તારીખ ૭:૦૧:૨૦૧૭ ના રોજ સાંજ ના સમયે પ્લેટફોર્મ નંબર ૪ ઉપર ઉભી રહેલ જોધપુર બેંગ્લોર એક્સ.ટ્રેન ના જનરલ ડબ્બા માં પેસેંજરો ની ગીર્દી નો લાભ લઇ લોકો ના ખિસ્સા માંથી મોબાઈલ તેમજ પાકીટ ની ચોરી કરતા મહંમદ આસીમ શેખ .ઉ ૨૧ રહે મિલત નગર શાહ આલમ અમદાવાદ તેમજ શાહરુખ જાફર શેખ ઉ ૨૦ શાહ આલમ લીમડા અમદાવાદ નાઓ ને ભરૂચ રેલ્વે પોલીસે ઝડપી પાડી તેઓ ની પૂછપરછ હાથ ધરી હતી….
બનેવ ની પૂછપરછ અને તલાસી લેતા તેઓ પાસે થી ત્રણ જેટલા મોબાઈલ ફોન તેમજ છુટક રોકડ મળી ૧૭ હજાર ઉપરાંત નો મુદ્દામાલ કબ્જે કરી આરોપીઓના રીમાંડ મળવવા ની તજવીજ હાથ ધરી હતી ….
અત્રે ઉલ્લેખનીય છે કે રેલ્વે સ્ટેશનો તથા ટ્રેનો માં વધતા જતા મોબાઈલ ચોરી તથા પાકીટ ચોરીઓ ના બનાવો સામે રેલ્વે પોલીસ ની આવા ગઠિયા ઓ સામે થયેલી લાલ આંખ આગામી દિવસો ગુનેગારો માં ફફડાટ ફેલાવે તે વાત પણ નકારી શકાય તેમ નથી……