CBSE ધોરણ 10નું પરિણામ 2026: ડિજીલોકર પર માર્કશીટ જોવાની આ રહી સૌથી સરળ રીત
CBSE બોર્ડની ધોરણ 10ની પરીક્ષા આપીને પરિણામની આતુરતાથી રાહ જોઈ રહેલા લાખો વિદ્યાર્થીઓ માટે મહત્વના સમાચાર છે. સેન્ટ્રલ બોર્ડ ઓફ સેકન્ડરી એજ્યુકેશન (CBSE) ટૂંક સમયમાં જ સત્તાવાર વેબસાઇટ પર પરિણામો જાહેર કરવા જઈ રહ્યું છે. આ વર્ષે 17 ફેબ્રુઆરીથી 11 માર્ચ દરમિયાન યોજાયેલી પરીક્ષાઓમાં દેશભરમાંથી લાખો વિદ્યાર્થીઓએ પોતાની કિસ્મત અજમાવી છે. જોકે બોર્ડ દ્વારા હજુ સુધી કોઈ ચોક્કસ તારીખ જાહેર કરવામાં આવી નથી, પરંતુ પાછલા વર્ષોના ટ્રેન્ડ મુજબ મે મહિનાના બીજા સપ્તાહમાં પરિણામ જાહેર થવાની પૂરેપૂરી શક્યતા છે.
કઈ વેબસાઇટ પર પરિણામ જોઈ શકાશે?
જ્યારે પરિણામ જાહેર થાય, ત્યારે ભારે ટ્રાફિકને કારણે વેબસાઇટ ધીમી પડી શકે છે. આવા સમયે તમે નીચેની સત્તાવાર લિંક્સનો ઉપયોગ કરી શકો છો:
- cbse.gov.in
- cbseresults.nic.in
- results.cbse.nic.in
- digilocker.gov.in
પરિણામ જોવા માટે વિદ્યાર્થીઓએ પોતાનો રોલ નંબર, સ્કૂલ નંબર અને એડમિટ કાર્ડ ID તૈયાર રાખવા પડશે, જે તેમના હોલ ટિકિટ પર લખેલા હોય છે.
DigiLocker પર પરિણામ અને માર્કશીટ કેવી રીતે ડાઉનલોડ કરવી?
CBSE હવે ડિજીટલ માર્કશીટને વધુ મહત્વ આપી રહ્યું છે. DigiLocker એ પરિણામ મેળવવાનો સૌથી સુરક્ષિત અને ઝડપી રસ્તો છે. તેની પ્રક્રિયા નીચે મુજબ છે:
- સૌ પ્રથમ DigiLocker ની સત્તાવાર વેબસાઇટ (digilocker.gov.in) પર જાઓ અથવા તેની એપ ડાઉનલોડ કરો.
- તમારા રજિસ્ટર્ડ મોબાઈલ નંબર અથવા આધાર કાર્ડ વિગતો સાથે Login કરો. (જો એકાઉન્ટ ન હોય તો નવું બનાવી લો).
- હોમ પેજ પર ‘Education’ સેક્શનમાં જઈને ‘CBSE’ પર ક્લિક કરો.
- ત્યાં ‘Class X Marksheet’ ના વિકલ્પને પસંદ કરો.
- તમારો રોલ નંબર અને પરીક્ષાનું વર્ષ (2026) દાખલ કરો.
- સબમિટ કરતા જ તમારી ડિજિટલ માર્કશીટ સ્ક્રીન પર દેખાશે, જેને તમે ડાઉનલોડ કરીને સેવ કરી શકો છો.
ગયા વર્ષના પરિણામો પર એક નજર
જો આપણે છેલ્લા ત્રણ વર્ષના ઈતિહાસ પર નજર કરીએ તો CBSE હંમેશા સમયસર પરિણામ જાહેર કરવા માટે જાણીતું છે. 2023, 2024 અને 2025 એમ સતત ત્રણેય વર્ષોમાં બોર્ડે 12મી અને 13મી મેના રોજ પરિણામ જાહેર કર્યા હતા. આ જોતા એવું કહી શકાય કે આ વર્ષે પણ મે મહિનાના મધ્યમાં વિદ્યાર્થીઓની રાહનો અંત આવશે.
વિદ્યાર્થીઓ માટે ખાસ સૂચના
પરિણામ જાહેર થયા બાદ તરત જ વેબસાઇટ પર રિઝલ્ટ જોવાની ઉતાવળમાં ઘણીવાર સર્વર ડાઉન થઈ જાય છે. આવા સમયે ગભરાવાને બદલે થોડી રાહ જોવી અથવા SMS અને ઉમંગ (UMANG) એપ જેવા વૈકલ્પિક રસ્તાઓનો ઉપયોગ કરવો હિતાવહ છે. ભવિષ્યના એડમિશન અને સંદર્ભ માટે પરિણામની પ્રિન્ટ આઉટ લેવાનું ભૂલશો નહીં.
