ભારતીય IT પ્રોફેશનલ્સ માટે ખતરાની ઘંટડી: શું છે નવો ‘H-1B વિઝા એબ્યુઝ એક્ટ 2026’?

H-1B વિઝા પર મોટું સંકટ: શું છે ‘એન્ડ H-1B વિઝા એબ્યુઝ એક્ટ 2026’? જાણો ભારતીયો પર તેની ગંભીર અસરો

અમેરિકામાં સ્થાયી થવા અને ત્યાં નોકરી કરવાનું સપનું જોતા લાખો ભારતીયો માટે એક ચિંતાજનક સમાચાર સામે આવ્યા છે. રિપબ્લિકન સાંસદોના એક જૂથે યુએસ કોંગ્રેસમાં ‘એન્ડ H-1B વિઝા એબ્યુઝ એક્ટ ઓફ 2026’ રજૂ કર્યો છે. આ બિલનો મુખ્ય હેતુ H-1B વિઝા પ્રોગ્રામમાં ધરમૂળથી ફેરફાર કરવાનો છે. જો આ બિલ કાયદો બનશે, તો તે દાયકાઓથી ચાલી આવતી વિઝા પ્રણાલીને સંપૂર્ણપણે બદલી નાખશે.

H-1B વિઝા પ્રોગ્રામ શું છે?

H-1B એ એક બિન-ઈમિગ્રન્ટ વિઝા છે જે યુએસ કંપનીઓને સૈદ્ધાંતિક અથવા ટેકનિકલ કુશળતા ધરાવતી વિશિષ્ટ વ્યવસાયોમાં વિદેશી કામદારોને નોકરી પર રાખવાની મંજૂરી આપે છે. ટેકનોલોજી કંપનીઓ ભારત અને ચીન જેવા દેશોમાંથી દર વર્ષે હજારો કર્મચારીઓની ભરતી કરવા માટે આ વિઝા પર નિર્ભર રહે છે. સામાન્ય રીતે, આ માટે લઘુત્તમ બેચલર ડિગ્રી હોવી અનિવાર્ય છે.

નવા બિલ પાછળનો તર્ક અને પ્રસ્તાવકો

એરિઝોનાના રિપબ્લિકન પ્રતિનિધિ એલી ક્રેન દ્વારા રજૂ કરવામાં આવેલ આ બિલને બ્રાયન બેબિન, બ્રાન્ડન ગિલ અને પોલ ગોસર જેવા કટ્ટરપંથી સાંસદોનું સમર્થન મળ્યું છે. આ નેતાઓનું માનવું છે કે મોટી કોર્પોરેટ કંપનીઓ અમેરિકન કામદારોને બદલે સસ્તા વિદેશી શ્રમનો ઉપયોગ કરવા માટે H-1B સિસ્ટમનો દુરુપયોગ કરી રહી છે.

ટ્રમ્પનો મોટો ખુલાસો: ઈરાન સાથેની દુશ્મની વચ્ચે અમેરિકાએ નક્કી કરી દીધી લક્ષ્મણ રેખા

પાકિસ્તાન સાથેની મિત્રતા પર તુર્કિએનું ખુલ્લું સમર્થન: ભારત માટે શું છે સંદેશ?

સાંસદ એલી ક્રેને સ્પષ્ટ શબ્દોમાં કહ્યું છે કે, “ફેડરલ સરકારે મહેનતુ નાગરિકો માટે કામ કરવું જોઈએ, નહીં કે મોટી કંપનીઓના પ્રોફિટ માર્જિન માટે.” તેમના મતે, આ બિલ અમેરિકન કામદારોના હિતોનું રક્ષણ કરશે.

બિલની મુખ્ય દરખાસ્તો: જે મુશ્કેલીઓ વધારી શકે છે
આ બિલમાં એવા અનેક કડક નિયમો સૂચવવામાં આવ્યા છે જે વિદેશી કામદારો માટે અમેરિકાના દરવાજા લગભગ બંધ કરી શકે છે:

વિઝા કેપમાં ધરખમ ઘટાડો: હાલમાં દર વર્ષે 65,000 H-1B વિઝા આપવામાં આવે છે, જેને ઘટાડીને માત્ર 25,000 કરવાની દરખાસ્ત છે. આ ઘટાડો સીધો 60% થી વધુ છે.

ભંગી લઘુત્તમ વેતન: H-1B ધારકો માટે લઘુત્તમ વાર્ષિક પગાર $200,000 (આશરે ₹1.65 કરોડથી વધુ) નક્કી કરવાની જોગવાઈ છે. આટલો મોટો પગાર આપવો મધ્યમ સ્તરની કંપનીઓ માટે અશક્ય બની જશે.

પરિવાર પર પ્રતિબંધ: સૌથી આઘાતજનક જોગવાઈ એ છે કે વિઝા ધારકોને તેમના ડિપેન્ડન્ટ્સ (પત્ની કે બાળકો) ને અમેરિકા લાવવાની મંજૂરી આપવામાં આવશે નહીં.

“જો હું ન હોત તો તું જેલમાં હોત…” – ડોનાલ્ડ ટ્રમ્પે ઇઝરાયેલી પીએમ નેતન્યાહૂને કેમ આપવી પડી આવી કડક ચેતવણી?

મધ્ય-પૂર્વમાં ફરી યુદ્ધના ભણકારા: બૈરૂત પર હુમલો થયો તો ઈરાન નહીં બેસે ચૂપ

ગ્રીન કાર્ડનો રસ્તો બંધ: આ બિલ H-1B ધારકોને કાયમી રહેઠાણ એટલે કે ગ્રીન કાર્ડ મેળવતા અટકાવવા માંગે છે.

OPT પ્રોગ્રામની નાબૂદી: ભારતીય વિદ્યાર્થીઓ જે અભ્યાસ પછી અમેરિકામાં કામ કરવા માટે ‘ઓપ્શનલ પ્રેક્ટિકલ ટ્રેનિંગ’ (OPT) નો ઉપયોગ કરે છે, તેને સંપૂર્ણપણે બંધ કરવાની દરખાસ્ત છે.

ફરજિયાત સ્વદેશ વાપસી: જો કોઈ વ્યક્તિએ પોતાનો વિઝા કેટેગરી બદલવી હોય, તો તેણે પહેલા ફરજિયાતપણે અમેરિકા છોડીને પોતાના દેશ જવું પડશે.

ભારતીય પ્રોફેશનલ્સ પર તેની શું અસર થશે?

ભારતીય આઈટી (IT) પ્રોફેશનલ્સ H-1B વિઝાના સૌથી મોટા લાભાર્થી છે. આ બિલ જો પસાર થાય છે, તો તેની સૌથી વધુ અસર ભારતીયો પર પડશે:

પારિવારિક વિખૂટાપણું: વિદેશમાં એકલા રહેવું અને પરિવારને સાથે ન રાખી શકવાની શરત ઘણા કુશળ ભારતીયોને અમેરિકા જતા અટકાવશે.

નોકરીની તકોમાં ઘટાડો: $200,000 ના પગારની શરતને કારણે ઘણી કંપનીઓ ભારતીય એન્જિનિયરોને હાયર કરવાનું ટાળશે, કારણ કે તે આર્થિક રીતે પોસાય તેમ નથી.

વિદ્યાર્થીઓ માટે મુશ્કેલી: OPT બંધ થવાથી જે ભારતીય વિદ્યાર્થીઓ લાખો રૂપિયાની લોન લઈને અમેરિકા ભણવા જાય છે, તેમને ત્યાં કામ કરીને લોન ભરવાની તક મળશે નહીં.

અનિશ્ચિત ભવિષ્ય: ગ્રીન કાર્ડ પર પ્રતિબંધનો અર્થ એ છે કે તમે ગમે તેટલા વર્ષો અમેરિકામાં કામ કરો, તમે ક્યારેય ત્યાંના નાગરિક કે કાયમી નિવાસી બની શકશો નહીં.

પ્રોજેક્ટ ફાયરવોલ અને વર્તમાન સ્થિતિ

આ બિલ પહેલા જ, સપ્ટેમ્બર 2025 માં યુએસ ડિપાર્ટમેન્ટ ઓફ લેબરે ‘પ્રોજેક્ટ ફાયરવોલ’ શરૂ કર્યો હતો. આ પ્રોજેક્ટનો હેતુ પણ અમેરિકન કામદારોના વેતન અને અધિકારોનું રક્ષણ કરવાનો છે. આ તમામ ઘટનાક્રમ દર્શાવે છે કે અમેરિકા હવે તેની ઇમિગ્રેશન નીતિઓને અત્યંત કડક બનાવી રહ્યું છે.

નિષ્ણાતોનો મત

ઇમિગ્રેશન પોલિસી નિષ્ણાત રોઝમેરી જેન્ક્સ, જેમણે આ બિલ તૈયાર કરવામાં મદદ કરી છે, તેમનું કહેવું છે કે, “H-1B વિઝા એ ટૂંકા ગાળાની શ્રમ અછત પૂરી કરવા માટે હતા, કાયમી વસવાટ માટે નહીં.” જો આ બિલ અમલમાં આવશે, તો કંપનીઓએ ફરજિયાતપણે અમેરિકનોને તાલીમ આપીને નોકરીએ રાખવા પડશે.