સોનામાં રોકાણ કરનારાઓ માલામાલ! એક જ દિવસમાં ભાવમાં મોટો ઉછાળો, જાણો તમારા શહેરના લેટેસ્ટ રેટ

શું સોનું 2 લાખે પહોંચશે? આંતરરાષ્ટ્રીય બજારમાં ભડકો થતા ભારતમાં સોના-ચાંદીના ભાવ આસમાને

આજે એટલે કે 7 મે 2026 ના રોજ ભારતીય અને વૈશ્વિક બજારોમાં કિંમતી ધાતુઓના ભાવમાં જોરદાર ઉછાળો જોવા મળી રહ્યો છે. ઘરેલુ રિટેલ બજારથી લઈને મલ્ટી કોમોડિટી એક્સચેન્જ (MCX) અને આંતરરાષ્ટ્રીય સ્તર સુધી સોના અને ચાંદીના ભાવ આસમાને પહોંચ્યા છે. લગ્નસરાની મોસમ વચ્ચે સોનાના વધતા ભાવે મધ્યમ વર્ગની ચિંતામાં વધારો કર્યો છે.

આંતરરાષ્ટ્રીય બજારમાં સોનાના ભાવમાં 3 ટકા અને ચાંદીમાં 6 ટકાથી વધુની તેજી નોંધાતા તેની સીધી અસર ભારતીય બજાર પર જોવા મળી રહી છે.

રિટેલ બજારમાં સોના-ચાંદીની સ્થિતિ

આજે સવારથી જ રિટેલ માર્કેટમાં ગ્રાહકોને સોના-ચાંદીના ભાવમાં મોટી વૃદ્ધિનો સામનો કરવો પડી રહ્યો છે.

હવે ઝેરોધામાં શેર ટ્રાન્સફર કરવા પર મળશે રાહત: જાણો શું છે નવો નિયમ અને તેનો ફાયદો

ભારતીય શેરબજારમાં ઘટાડો: નિફ્ટી 23,300 ની નીચે, રોકાણકારોમાં સાવચેતીનો માહોલ

• સોનું: 24 કેરેટ સોનાનો ભાવ પ્રતિ 10 ગ્રામ દીઠ અંદાજે 1,53,210 રૂપિયા પર પહોંચી ગયો છે, જેમાં ગઈકાલની સરખામણીએ 480 રૂપિયાનો વધારો થયો છે.

• ચાંદી: ચાંદીના ભાવમાં પણ મોટો ઉછાળો જોવા મળ્યો છે. રિટેલ બજારમાં 1 કિલો ચાંદીનો ભાવ 2,55,830 રૂપિયા સુધી પહોંચી ગયો છે, જેમાં પ્રતિ કિલોએ 1,750 રૂપિયાની તેજી જોવા મળી છે.

MCX બજારના લેટેસ્ટ રેટ

વાયદા બજાર (MCX) માં પણ સોના-ચાંદીમાં તેજીનો માહોલ છે.

1. ગોલ્ડ જૂન કોન્ટ્રાક્ટ: MCX પર સોનાનો 5 જૂન 2026 નો કોન્ટ્રાક્ટ 0.38% ના વધારા સાથે 1,52,715 રૂપિયા પર ટ્રેડ કરી રહ્યો છે.

2. સિલ્વર જુલાઈ કોન્ટ્રાક્ટ: ચાંદીનો 3 જુલાઈ 2026 નો કોન્ટ્રાક્ટ 1.01% ના ઉછાળા સાથે 2,55,826 રૂપિયા ના સ્તર પર પહોંચી ગયો છે.

આંતરરાષ્ટ્રીય બજારની વાત કરીએ તો, સોનું 4,703.94 ડોલર પ્રતિ ઔંસ પર કારોબાર કરી રહ્યું છે, જે વૈશ્વિક સ્તરે સોનાની મજબૂતી દર્શાવે છે.

ગુજરાતના મુખ્ય શહેરોમાં સોનાના ભાવ (પ્રતિ 1 ગ્રામ)

ગુજરાતના મુખ્ય શહેરોમાં સોનાના ભાવમાં થોડો તફાવત જોવા મળી રહ્યો છે. વડોદરા અને અમદાવાદમાં ભાવ નીચે મુજબ છે:

મુંબઈ, દિલ્હી અને બેંગલોર જેવા મેટ્રો શહેરોમાં પણ 24 કેરેટ સોનાનો ભાવ ₹15,214 થી ₹15,229 ની વચ્ચે જોવા મળી રહ્યો છે, જ્યારે ચેન્નાઈમાં સૌથી વધુ ₹15,383 ના ભાવે સોનું વેચાઈ રહ્યું છે.

સોલર સેક્ટર માટે ગેમ-ચેન્જર નિર્ણય: ૨૦૦ GW ક્ષમતા છતાં કેમ ભારત હજુ પણ છે ચીન પર નિર્ભર? જાણો સંપૂર્ણ સત્ય

રાજેશ એક્સપોર્ટ્સ પર SEBIનો મોટો પ્રહાર: 99% આવક શંકાના ઘેરામાં, પ્રમોટર પર પ્રતિબંધ

ચાંદીના ભાવ: શહેરો મુજબ વિગત

ચાંદીના ભાવમાં પણ સ્થાનિક ટેક્સ અને પરિવહન ખર્ચને કારણે શહેરોમાં તફાવત જોવા મળે છે:

• અમદાવાદ અને વડોદરા: આ શહેરોમાં 1 કિલો ચાંદીનો ભાવ અંદાજે 2,65,100 રૂપિયા રહ્યો છે.

• મુંબઈ અને દિલ્હી: અહીં પણ 1 કિલો ચાંદી ₹2,65,100 ના ભાવે ઉપલબ્ધ છે.

• ચેન્નાઈ અને હૈદરાબાદ: દક્ષિણ ભારતના આ શહેરોમાં ચાંદીનો ભાવ સૌથી વધુ એટલે કે 2,75,100 રૂપિયા પ્રતિ કિલો સુધી પહોંચ્યો છે.