ગુજરાતમાં મતદાર યાદીની ખાસ સઘન સુધારણા ઝુંબેશ પૂર્ણ, આખરી મતદાર યાદી પ્રસિદ્ધ

સાડા ત્રણ માસની SIR ઝુંબેશ બાદ ગુજરાતમાં 4.40 કરોડ મતદારો સાથે આખરી મતદાર યાદી જાહેર

ભારતના ચૂંટણી પંચની સૂચના મુજબ ગુજરાતમાં હાથ ધરવામાં આવેલી મતદાર યાદીની ખાસ સઘન સુધારણા ઝુંબેશ (SIR) ના અંતે આજે આખરી મતદાર યાદી જાહેર કરવામાં આવી છે. ૧લી જાન્યુઆરી ૨૦૨૬ની લાયકાતની તારીખના આધારે તૈયાર થયેલી આ યાદીમાં રાજ્યના કુલ મતદારોનો આંકડો ૪,૪૦,૩૦,૭૨૫ પર પહોંચ્યો છે. મુસદ્દા યાદીની પ્રસિદ્ધિ બાદ આશરે ૫.૬૦ લાખ મતદારોનો નેટ ઉમેરો (Net Addition) થયો છે, જે ચૂંટણી તંત્રની સાડા ત્રણ માસની સખત મહેનતનું પરિણામ છે.

ડિજિટલાઇઝેશન અને ડોર-ટુ-ડોર સર્વેની સફળતા

મુખ્ય નિર્વાચન અધિકારી હારીત શુક્લાએ જણાવ્યું કે, આ ઝુંબેશને સફળ બનાવવા માટે ૫૦,૦૦૦થી વધુ BLO અને હજારો અધિકારીઓએ મિશન મોડ પર કામ કર્યું છે:

• ચોકસાઈભરી યાદી: ડોર-ટુ-ડોર સર્વે દ્વારા અવસાન પામેલા, સ્થળાંતરિત થયેલા અને બે જગ્યાએ નોંધાયેલા મતદારોને ઓળખી યાદી શુદ્ધ કરવામાં આવી છે.

• ડિજિટલ ડેટા: ૪.૩૪ કરોડથી વધુ મતદારો પાસેથી મળેલા ગણતરી ફોર્મનું સંપૂર્ણ ડિજિટલાઇઝેશન કરવામાં આવ્યું છે.

• પારદર્શિતા: જે મતદારોના ફોર્મ પરત નહોતા મળ્યા, તેમની યાદી વેબસાઇટ પર મૂકી રાજકીય પક્ષોના એજન્ટો સાથે બેઠકો યોજીને ખરાઈ કરવામાં આવી હતી.

તમારું નામ આ રીતે ચકાસો

નાગરિકો પોતાની વિગતો આખરી મતદાર યાદીમાં છે કે નહીં તે વિવિધ માધ્યમો દ્વારા જાણી શકે છે:

૧. ઓનલાઇન પોર્ટલ: http://ceo.gujarat.gov.in અથવા voters.eci.gov.in પર લોગઇન કરીને.

પીએમ મોદી આવતીકાલે સુરતમાં: વડાપ્રધાનના સ્વાગત માટે આખું શહેર સજ્જ, પોલીસે ઉપાડ્યું સફાઈ અભિયાન

સુરત: “હું અધિકારી છું” કહી નશામાં ધૂત કારચાલકે સર્જ્યો અકસ્માત, ગુસ્સે ભરાયેલા લોકોએ ઘેરી લીધી કાર

૨. મોબાઇલ એપ: ‘ECINET App’ દ્વારા ઘરે બેઠા વિગતો ચકાસી શકાય છે.

૩. સ્થાનિક કચેરી: જે-તે મતદાન કેન્દ્ર પર BLO પાસેથી અથવા જિલ્લા ચૂંટણી અધિકારીની કચેરીએથી માહિતી મેળવી શકાય છે.

નામ નોંધણી અને સુધારાની તક હજુ પણ ખુલ્લી છે

જે યુવાનોએ ૧ જાન્યુઆરી ૨૦૨૬ના રોજ ૧૮ વર્ષ પૂર્ણ કર્યા હોય અને તેમનું નામ હજુ યાદીમાં ન હોય, તેઓ હજુ પણ ફોર્મ ભરી શકે છે:

• નવું નામ: ફોર્મ નં. ૬ ભરીને ઓનલાઇન કે ઓફલાઇન અરજી કરી શકાય છે.

• વિગતોમાં સુધારો: જો નામ કે સરનામામાં ભૂલ હોય તો ફોર્મ નં. ૮ ભરી શકાય છે.

• વાંધો રજૂ કરવા: મતદાર યાદીમાં કોઈ નામ સામે વાંધો હોય તો ફોર્મ નં. ૭ નો ઉપયોગ કરવાનો રહેશે.

ચૂંટણી તંત્ર દ્વારા તમામ માન્ય રાજકીય પક્ષોને યાદીની નકલો સુપ્રત કરવામાં આવી છે. આગામી સમયમાં મતદારોના લેટેસ્ટ ફોટોગ્રાફ્સ સાથેની અધ્યતન યાદી પણ પ્રસિદ્ધ કરવામાં આવશે, જે લોકશાહીના પર્વને વધુ સશક્ત બનાવશે.

સુરતના મોટા વરાછામાં માનવતાને શરમાવતી ઘટના: દિવ્યાંગ વ્યક્તિની કેબિનને તસ્કરોએ બનાવી નિશાન

મામાના ઘરે વેકેશન ગાળવા આવેલા ભાણેજ પર વીજળી બનીને ત્રાટકી કાળ, પરિવારમાં છવાયો શોક