નીતિશ સરકારમાં BJPનો ‘જાતિ જાદુ’! 3 OBC, 3 EBC અને 1 ભૂમિહાર: શું છે આ ફોર્મ્યુલાનો અર્થ?
બિહારમાં નીતિશ કુમારની આગેવાની હેઠળ બનેલી નવી સરકારમાં BJP ના ૧૪ ધારાસભ્યોએ મંત્રી પદના શપથ લીધા. JDU ક્વોટામાંથી ૮, LJP(R) માંથી ૨, HAM અને RLM માંથી એક-એક મંત્રી બનાવવામાં આવ્યા.
પટનાના ઐતિહાસિક ગાંધી મેદાનમાં નીતિશ કુમારે ૧૦મી વખત મુખ્યમંત્રી પદના શપથ લીધા. બિહારની નવી સરકારમાં BJP ના સૌથી વધુ મંત્રી બન્યા. જ્યારે JDU ને મુખ્યમંત્રી સહિત ૯ પદ મળ્યા. BJP એ મંત્રી પદની વહેંચણીમાં મંડલ અને કમંડલ (જાતિગત અને ધાર્મિક સંતુલન) નું ખાસ ધ્યાન રાખ્યું છે. નીતિશ કુમાર સીએમ બન્યા, તો વળી વિજય કુમાર સિંહા અને સમ્રાટ ચૌધરીને ઉપમુખ્યમંત્રી બનાવવામાં આવ્યા.
નીતિશ સરકારમાં આ ધારાસભ્યો બન્યા મંત્રી
શપથ લેનારા મંત્રીઓમાં વિજય કુમાર ચૌધરી, વિજેન્દ્ર કુમાર યાદવ, શ્રવણ કુમાર, મંગલ પાંડે, દિલીપ જયસ્વાલ, અશોક ચૌધરી, લેશી સિંહ, મદન સહની, નિતિન નવીન, રામકૃપાલ યાદવ, સંતોષ કુમાર સુમન, સુનીલ કુમાર, મોહમ્મદ જમા ખાન, સંજય સિંહ ટાઇગર, અરુણ શંકર પ્રસાદ, સુરેન્દ્ર મહેતા, નારાયણ પ્રસાદ, રમા નિષાદ, લખેન્દ્ર કુમાર રૌશન, શ્રેયસી સિંહ, પ્રમોદ કુમાર, સંજય કુમાર, સંજય કુમાર સિંહ અને દીપક પ્રકાશ હતા. રાજ્યપાલ આરીફ મોહમ્મદ ખાન એ પાંચથી છ સભ્યોના ગ્રુપમાં વારાફરતી નવનિર્વાચિત મંત્રીઓને બોલાવીને પદ અને ગુપ્તતાના શપથ લેવડાવ્યા.
BJP ના મંત્રી અને જાતિગત સમીકરણ (મંડલ-કમંડલ સંતુલન)
| મંત્રીનું નામ | જાતિ / વર્ગ | નોંધ |
| વિજય સિંહા | ભૂમિહાર | સવર્ણ (ઉચ્ચ જાતિ) |
| સમ્રાટ ચૌધરી | કુશવાહા | OBC |
| દિલીપ જયસ્વાલ | વૈશ્ય | OBC |
| મંગલ પાંડે | બ્રાહ્મણ | સવર્ણ (ઉચ્ચ જાતિ) |
| શ્રેયસી સિંહ | રાજપૂત | સવર્ણ (ઉચ્ચ જાતિ) |
| સંજય ટાઇગર | રાજપૂત | સવર્ણ (ઉચ્ચ જાતિ) |
| નિતિન નવીન | કાયસ્થ | સવર્ણ (ઉચ્ચ જાતિ) |
| અરુણ શંકર પ્રસાદ | સુડી | OBC |
| રામ કૃપાલ યાદવ | યાદવ | OBC |
| સુરેન્દ્ર મહેતા | ધાનુક | EBC (અતિ પછાત) |
| રમા નિષાદ | મલ્લાહ | EBC (અતિ પછાત) |
| નારાયણ શાહ | બનિયા | OBC |
| પ્રમોદ કુમાર ચંદ્રવંશી | અતિ પછાત | EBC (અતિ પછાત) |
| લખેન્દ્ર પાસવાન | પાસવાન | SC (અનુસૂચિત જાતિ) |
આ ચૂંટણીમાં BJP ૮૯ બેઠકો સાથે સૌથી મોટી પાર્ટી બનીને ઉભરી. ત્યારબાદ JDU ને ૮૫, જ્યારે LJP (રામવિલાસ) ને ૧૯, હિન્દુસ્તાની આવામી મોર્ચા (HAM) ને ૫ અને રાષ્ટ્રીય લોક મોર્ચા (RLM) ને ૪ બેઠકો મળી. LJP(R) ના ભાગે ૩, HAM માંથી એક અને RLM માંથી એક મંત્રી બનાવવામાં આવ્યા.
My best wishes to all those who have taken oath as Ministers in the Bihar Government. This is a wonderful team, with dedicated leaders who will take Bihar to new heights. Wishing them the very best. pic.twitter.com/ZEfE9zpFhM
— Narendra Modi (@narendramodi) November 20, 2025
PM મોદીએ આપ્યા અભિનંદન
વડાપ્રધાન મોદીએ ‘X’ (અગાઉ ટ્વિટર) પર પોસ્ટ કરીને કહ્યું, “બિહાર સરકારમાં મંત્રી તરીકે શપથ લેનારા તમામ સાથીઓને હાર્દિક અભિનંદન. આ સમર્પિત નેતાઓની શાનદાર ટીમ છે, જે બિહારને નવી ઊંચાઈઓ પર લઈ જશે. સૌને મારી શુભેચ્છાઓ.” સમારોહના અંતે વડાપ્રધાને પોતાની ચિરપરિચિત અદામાં ગમછો હવામાં લહેરાવીને ઉપસ્થિત જનસમૂહનો ઉત્સાહ વધાર્યો હતો.
