IND vs PAK U19: વિરરેન્દ્ર સહેવાગના પુત્ર આર્યવીર સહેવાગ પર સૌની નજર, પાકિસ્તાન સામે મેદાનમાં ઉતરી હતી ટીમ ઈન્ડિયા
ક્રિકેટમાં ભારત અને પાકિસ્તાન વચ્ચેની ટક્કર હંમેશાં રોમાંચક રહે છે. જ્યારે આ મુકાબલો અંડર-19 સ્તરે હોય ત્યારે યુવા ખેલાડીઓની પ્રતિભા અને ભવિષ્યના સ્ટાર્સને જોવાની તક મળે છે. ACC મેન્સ અંડર-19 એશિયા કપ 2026માં 8 નવેમ્બરે ભારત અને પાકિસ્તાનની યુવા ટીમો વચ્ચે જોરદાર મુકાબલો રમાયો હતો. આ મેચમાં સૌથી વધુ ચર્ચા પૂર્વ ભારતીય ઓપનર વિરરેન્દ્ર સહેવાગના પુત્ર આર્યવીર સહેવાગની થઈ રહી હતી. નેપાળ સામેની પ્રથમ મેચમાં શાનદાર અડધી સદી ફટકાર્યા બાદ આર્યવીર પાસેથી પાકિસ્તાન સામે પણ મોટી ઇનિંગ્સની અપેક્ષા રાખવામાં આવી રહી હતી. જોકે, આ વખતે તેઓ માત્ર 22 રન બનાવીને આઉટ થયા હતા. બીજી તરફ, ભારતીય ટીમના યુવા બેટ્સમેન અર્જુન રાજપૂતે શાનદાર સદી ફટકારીને સૌનું ધ્યાન ખેંચ્યું હતું. તેમ છતાં પાકિસ્તાને ત્રણ વિકેટથી જીત મેળવી હતી.
આ મુકાબલો ઓમાનના અલ અમરાત ક્રિકેટ ગ્રાઉન્ડ (મિનિસ્ટ્રી ટર્ફ-2) ખાતે રમાયો હતો. ભારતીય ટીમનું નેતૃત્વ લક્ષ્ય રાજેશ રાયચંદાની કરી રહ્યો હતો, જ્યારે પાકિસ્તાનની કમાન ફરહાન યુસુફના હાથમાં હતી. બંને ટીમો આ ટૂર્નામેન્ટમાં સારા પ્રદર્શન સાથે ઉતરી હતી, જેના કારણે આ મેચને લઈને ક્રિકેટ ચાહકોમાં ભારે ઉત્સુકતા હતી.
આર્યવીર સહેવાગે પ્રથમ મેચમાં બતાવી હતી પોતાની પ્રતિભા
વિરરેન્દ્ર સહેવાગના પુત્ર આર્યવીર સહેવાગ ભારતીય અંડર-19 ટીમના મહત્વના બેટ્સમેન તરીકે ચર્ચામાં છે. નેપાળ સામેની પોતાની પ્રથમ મેચમાં તેમણે શાનદાર બેટિંગ કરી હતી. આર્યવીરે માત્ર 52 બોલમાં અણનમ 70 રન બનાવ્યા હતા. તેમની ઇનિંગ્સમાં સાત ચોગ્ગા અને ચાર છગ્ગાનો સમાવેશ થયો હતો.આર્યવીરની આ ઇનિંગ્સને કારણે ભારતીય ટીમે નેપાળ સામે 10 વિકેટથી સરળ જીત મેળવી હતી. તેમની આક્રમક બેટિંગે દર્શાવ્યું હતું કે તેઓ શરૂઆતથી જ વિરોધી બોલરો પર દબાણ બનાવવાની ક્ષમતા ધરાવે છે.
પાકિસ્તાન સામેની મેચમાં પણ આર્યવીર પાસેથી આવી જ રમતની આશા હતી. જોકે, આ મુકાબલામાં તેઓ 40 બોલમાં 22 રન બનાવીને નિકાબ શફીકની બોલિંગમાં આઉટ થયા હતા. આમ છતાં ટૂર્નામેન્ટમાં તેમની પાસેથી આગળ પણ સારા પ્રદર્શનની અપેક્ષા રાખવામાં આવી રહી હતી.ભારતીય ટીમમાં એક અન્ય ખાસ નામ અન્વય દ્રવિડનું પણ હતું. તેઓ પૂર્વ ભારતીય કેપ્ટન રાહુલ દ્રવિડના પુત્ર છે અને વિકેટકીપર તરીકે ટીમનો ભાગ હતા. નેપાળ સામેની પ્રથમ મેચમાં તેમને બેટિંગ કરવાની તક મળી નહોતી. પાકિસ્તાન સામેની મેચમાં પણ તેમની ભૂમિકા મહત્વપૂર્ણ માનવામાં આવતી હતી.
ભારત અને પાકિસ્તાનની સંભવિત પ્લેઇંગ-11માં આ ખેલાડીઓ હતા સામેલ
પાકિસ્તાને પણ ટૂર્નામેન્ટની શરૂઆત શાનદાર રીતે કરી હતી. UAE સામેની પોતાની પ્રથમ મેચમાં પાકિસ્તાની ટીમે નવ વિકેટથી એકતરફી જીત મેળવી હતી. આથી ભારત સામેની મેચમાં બંને ટીમો આત્મવિશ્વાસ સાથે મેદાનમાં ઉતરી હતી.ભારતીય ટીમની સંભવિત પ્લેઇંગ-11માં આર્યવીર સહેવાગ, અન્વય દ્રવિડ, અર્જુન રાજપૂત, ઈશાન સૂદ, કાવ્ય પટેલ, લક્ષ્ય રાજેશ રાયચંદાની (કેપ્ટન), મનાલ ચૌહાણ, મોહિત ઉલ્વા, યશવીર ગૌડ, વીકે વિનિત અને યશવર્ધન ચૌહાણનો સમાવેશ થતો હતો.
પાકિસ્તાનની સંભવિત પ્લેઇંગ-11માં અબ્દુલ કાદિર, અહમદ હુસૈન, અલી રઝા, હમઝા ઝહૂર (વિકેટકીપર), હસનૈન અબ્બાસ ડાર, જહાંગીર બિલાલ, મોહમ્મદ સૈયમ, ફરહાન યુસુફ (કેપ્ટન), નિકાબ શફીક, રિઝવાનુલ્લાહ અને ઉસ્માન ખાન સામેલ હતા.ભારત માટે અર્જુન રાજપૂત, આર્યવીર સહેવાગ અને ઈશાન સૂદ જેવા ખેલાડીઓ મહત્વપૂર્ણ હતા, જ્યારે પાકિસ્તાન તરફથી ફરહાન યુસુફ અને ઉસ્માન ખાન પર નજર હતી.
YOUR DIWALI PLANS? WE’VE GOT ‘EM COVERED! 🪔🔥
Nothing says festive fireworks quite like an India-Pakistan showdown! 👊
Watch India U19 take on Pakistan U19 in the DP World Men’s U19 Asia Cup on 8th November, 10:30 AM onwards, LIVE on Sony Sports Network TV channels & Sony LIV!
#SonySportsNetwork #SonyLIV #INDvPAK
— Sony Sports Network (@SonySportsNetwk) November 6, 2026
પાકિસ્તાને ત્રણ વિકેટે જીતી મેચ, અર્જુન રાજપૂતની સદી નિષ્ફળ ગઈ
ભારત અને પાકિસ્તાન વચ્ચેની આ મેચમાં ભારતીય ટીમે પ્રથમ બેટિંગ કરતાં 46.3 ઓવરમાં 208 રન બનાવ્યા હતા. ભારત તરફથી અર્જુન રાજપૂતે શાનદાર બેટિંગ કરીને 85 બોલમાં 107 રન ફટકાર્યા હતા. તેમની ઇનિંગ્સમાં 11 ચોગ્ગા અને પાંચ છગ્ગા સામેલ હતા. કાવ્ય પટેલે પણ 23 રનનું યોગદાન આપ્યું હતું.પાકિસ્તાન તરફથી અલી રઝા, રિઝવાનુલ્લાહ અને નિકાબ શફીકે ત્રણ-ત્રણ વિકેટ ઝડપી હતી. 209 રનના લક્ષ્યાંકનો પીછો કરવા ઉતરેલી પાકિસ્તાની ટીમે 48.1 ઓવરમાં સાત વિકેટ ગુમાવીને જીત મેળવી હતી. આ રીતે પાકિસ્તાને ભારતને ત્રણ વિકેટથી હરાવ્યું હતું.
