વલસાડમાં જનતાનો ભારે આક્રોશ: વિરોધના ડરે ભાજપ પ્રદેશ પ્રમુખ જગદીશ વિશ્વકર્માએ વલસાડ પ્રવાસ રદ્દ કર્યો!
ગુજરાતમાં ભાજપ સરકાર અને સંગઠન સામે સ્થાનિક સ્તરે જનતાનો રોષ હવે ચરમસીમાએ પહોંચ્યો છે. વલસાડ જિલ્લામાં સ્થાનિક પ્રશ્નો, પડતર માંગણીઓ અને નિષ્ફળ વહીવટને કારણે જનતામાં ભયંકર આક્રોશ જોવા મળી રહ્યો છે. આ જનરોષનો સામનો કરવાની હિંમત ન ચાલતાં ભાજપના પ્રદેશ પ્રમુખ જગદીશ વિશ્વકર્માએ છેલ્લી ઘડીએ પોતાનો વલસાડ દૌરો રદ્દ કરી દીધો હોવાના સમાચાર સામે આવ્યા છે.
વિરોધ અને ઘેરાવની ભીતિ વચ્ચે ભાજપ બેકફૂટ પર
સૂત્રોના જણાવ્યા અનુસાર, પ્રદેશ પ્રમુખ જગદીશ વિશ્વકર્માના વલસાડ પ્રવાસને લઈને કાર્યકરો અને નેતાઓમાં તૈયારીઓ ચાલી રહી હતી. પરંતુ જમીની વાસ્તવિકતા અને સ્થાનિક લોકોમાં વધતા અસંતોષના અહેવાલો ગુપ્તચર વિભાગ તેમજ સ્થાનિક નેતાઓ દ્વારા હાઇકમાન્ડ સુધી પહોંચાડવામાં આવ્યા હતા. વલસાડમાં જનતા દ્વારા કાળા ઝંડા બતાવવા અને ઉગ્ર વિરોધ પ્રદર્શન (ઘેરાવ) કરવાની પૂરેપૂરી ભીતિ હોવાથી પ્રદેશ પ્રમુખે પોતાનો પ્રવાસ રદ્દ કરવાનો નિર્ણય લીધો હોવાનું માનવામાં આવે છે
સવાલોથી ભાગતા ભાજપના નેતાઓ!
ચૂંટણી સમયે મત માંગવા માટે ઘરે-ઘરે પહોંચતા ભાજપના નેતાઓ આજે પ્રજાના સાચા સવાલોથી ભાગી રહ્યા છે. વલસાડ જિલ્લાના રસ્તાઓ, સ્થાનિક સુવિધાઓ અને સંગઠનની આંતરિક ખેંચતાણથી કંટાળેલી જનતા હવે લાલ આંખ કરીને બેઠી છે. પ્રદેશ પ્રમુખ બન્યા બાદ મોટી-મોટી વાતો કરનાર જગદીશ વિશ્વકર્મા પ્રજાના સવાલોના જવાબ આપવાને બદલે મેદાન છોડીને ભાગી ગયા હોવાનો આરોપ સ્થાનિકો લગાવી રહ્યા છે.
મુખ્ય સવાલો જે ભાજપને ઘેરી રહ્યા છે:
જનતાથી શા માટે ડર?: જો ભાજપ સરકાર અને સંગઠને વિકાસ કર્યો છે, તો પ્રદેશ પ્રમુખને જનતા વચ્ચે જવામાં ડર શા માટે લાગે છે?
પડતર પ્રશ્નોનું શું?: વલસાડના સ્થાનિક મુદ્દાઓ પર વારંવાર રજૂઆતો છતાં નિર્ણય કેમ લેવાતો નથી?
પોકળ દાવાઓ: કાગળ પર વિકાસની વાતો કરતી ભાજપ સરકાર જમીની આક્રોશ સામે કેમ થરથરી રહી છે?
વલસાડમાં ઊભો થયેલો આ જનરોષ આવનારા દિવસોમાં ભાજપ માટે મોટો રાજકીય પડકાર બની શકે તેમ છે. નેતાઓ પ્રવાસ રદ્દ કરીને ક્યાં સુધી જનતાના આક્રોશથી બચશે તે હવે જોવું રહ્યું.
