કપરાડા સરકારી વિનયન અને વિજ્ઞાન કોલેજમાં વાર્ષિકોત્સવ “પલાશ પર્વ–૨૦૨૬” અને ઈનામ વિતરણ સમારોહ યોજાયો

કપરાડા સરકારી કોલેજમાં વાર્ષિક મેગેઝિન “સરવાણી”નું વિમોચન અને વિજેતા વિદ્યાર્થીઓને ઈનામ વિતરણ

વલસાડ જિલ્લાના કપરાડા તાલુકાની સરકારી વિનયન અને વિજ્ઞાન કોલેજમાં વાર્ષિકોત્સવ અને ઈનામ વિતરણ સમારોહ “પલાશ પર્વ – ૨૦૨૬” ઉત્સાહભેર ઉજવાયો હતો. કોલેજના ઈન્ચાર્જ આચાર્ય મનોજકુમાર પી. પટેલના નેતૃત્વમાં આયોજિત આ કાર્યક્રમમાં શિક્ષણ જગતના અનેક મહાનુભાવો ઉપસ્થિત રહ્યા હતા. મુખ્ય મહેમાન શ્રી હરેશ પટેલે વિદ્યાર્થીઓને સરકારની વિવિધ યોજનાઓ વિશે માર્ગદર્શન આપ્યું હતું અને પ્રેરણાદાયક વાતો દ્વારા તેમનું મનોબળ વધાર્યું હતું. આ કાર્યક્રમમાં કેસૂડાંના ફૂલોથી મહેમાનોનું સ્વાગત કરીને પ્રકૃતિ અને સંસ્કૃતિનો સંગમ રચવામાં આવ્યો હતો.

શિક્ષણ અને સાયબર જાગૃતિના પુસ્તકોનું વિમોચન

આ પ્રસંગે કોલેજના વાર્ષિક મેગેઝિન “સરવાણી” અને વિદ્યાર્થીઓને ડિજિટલ યુગમાં સુરક્ષિત રાખવા માટે “સાયબર જાગૃત્તિ પુસ્તિકા”નું વિમોચન કરવામાં આવ્યું હતું. ધારાસભ્ય શ્રી જીતુભાઈ ચૌધરીએ પણ આ પ્રસંગે મેગેઝિન માટે શુભેચ્છા સંદેશ પાઠવ્યો હતો. કોલેજના સપ્તધારા વિભાગના અહેવાલમાં વર્ષ દરમિયાન થયેલી વિવિધ શૈક્ષણિક અને ઈતર પ્રવૃત્તિઓની ઝલક રજૂ કરવામાં આવી હતી. આ પુસ્તિકાઓનું વિમોચન વિદ્યાર્થીઓમાં સર્જનાત્મકતા અને જાગૃતિ ફેલાવવાની દિશામાં એક મહત્વનું પગલું ગણાવવામાં આવ્યું હતું.

તેજસ્વી તારલાઓનું સન્માન અને ઈનામ વિતરણ

વર્ષ ૨૦૨૪-૨૫ દરમિયાન શૈક્ષણિક અને રમતગમત ક્ષેત્રે ઉત્કૃષ્ટ પ્રદર્શન કરનાર વિદ્યાર્થીઓને ઈનામો આપી પ્રોત્સાહિત કરવામાં આવ્યા હતા. આ કાર્યક્રમનું વિશેષ આકર્ષણ યુનિવર્સિટી કક્ષાએ ઇતિહાસ વિષયમાં ગોલ્ડ મેડલ મેળવનાર વિદ્યાર્થીની ઉર્વશીબેન વાધમાર્યાનું સન્માન હતું. આ ઉપરાંત, સમગ્ર વર્ષ દરમિયાન શ્રેષ્ઠ પ્રદર્શન કરનાર વિદ્યાર્થી અને વિદ્યાર્થીનીને ‘સ્ટુડન્ટ ઓફ ધ યર’નો એવોર્ડ એનાયત કરવામાં આવ્યો હતો. આ સિદ્ધિઓએ અન્ય વિદ્યાર્થીઓને પણ વધુ મહેનત કરવા માટે પ્રેરણા પૂરી પાડી હતી.

વલસાડ ચૂંટણીના શોરમાં દબાયો મૃતાત્માઓનો આક્રંદ: પીએમ મોદીએ શોક વ્યક્ત કર્યો, પણ ગુજરાત મુખ્યમંત્રી પાસે સંવેદના માટે સમય નથી?

ઉમરગામ મામલતદારનો આપઘાત: વહીવટી તંત્રમાં ખળભળાટ અને પ્રશ્નોની હારમાળા

સાંસ્કૃતિક કાર્યક્રમો અને વાલીઓનો ઉત્સાહ

ઈનામ વિતરણ બાદ કોલેજના વિદ્યાર્થીઓએ મનમોહક સાંસ્કૃતિક કૃતિઓ રજૂ કરીને સૌને મંત્રમુગ્ધ કર્યા હતા. આ કાર્યક્રમમાં સ્થાનિક સ્કૂલોના આચાર્યશ્રીઓ, બેંક મેનેજર અને મોટી સંખ્યામાં વાલીઓ તેમજ ગ્રામજનો ઉપસ્થિત રહ્યા હતા. કાર્યક્રમનું સંચાલન વિદ્યાર્થીનીઓએ જ કુશળતાપૂર્વક કર્યું હતું, જે કોલેજના આત્મવિશ્વાસપૂર્ણ વાતાવરણનું પ્રતિબિંબ પાડતું હતું. અંતમાં આભારવિધિ સાથે આ સફળ વાર્ષિક ઉત્સવનું સમાપન થયું હતું, જેણે વિદ્યાર્થીઓના માનસપટ પર અમિત છાપ છોડી હતી.