ગંભીરનો અનોખો અંદાજ: અમદાવાદમાં ફેન સાથેની મજેદાર વાતચીતનો વીડિયો વાયરલ, સુપર-8 પહેલા કોચ હળવા મૂડમાં
આઈસીસી ટી-20 વર્લ્ડ કપ 2026ના સુપર-8 તબક્કાનો પ્રારંભ થવા જઈ રહ્યો છે ત્યારે મેદાન પરના ગંભીર વાતાવરણ વચ્ચે ભારતીય ટીમના હેડ કોચ ગૌતમ ગંભીરનો એક અત્યંત હળવો અને મનોરંજક વીડિયો સોશિયલ મીડિયા પર ધૂમ મચાવી રહ્યો છે. અમદાવાદના નરેન્દ્ર મોદી સ્ટેડિયમ ખાતે પ્રેક્ટિસ સેશન દરમિયાન ગંભીરે એક પ્રશંસક સાથે કરેલી રમૂજી વાતચીતે નેટીઝન્સના દિલ જીતી લીધા છે. મેદાન પર હંમેશા ગંભીર રહેતા કોચનો આ ‘કૂલ’ અંદાજ સુપર-8ના હાઈ-વોલ્ટેજ મુકાબલા પહેલા ચાહકો માટે આશ્ચર્ય અને આનંદનો વિષય બન્યો છે.
ગંભીરનો સવાલ: “ભાઈ, આ મેનેજમેન્ટ કેવી રીતે કરો છો?”
વાયરલ થઈ રહેલા વીડિયોમાં જોઈ શકાય છે કે ગૌતમ ગંભીર સ્ટેડિયમમાં ચાહકોને ઓટોગ્રાફ આપી રહ્યા છે. આ દરમિયાન તેમની નજર એક એવા ફેન પર પડી જે અગાઉના તમામ વેન્યુ (Group Stage) પર પણ હાજર હતો. ગંભીરે હસીને તે ફેનને પૂછ્યું, “તમે દરેક વેન્યુ પર કેવી રીતે પહોંચી જાઓ છો? આ બધું મેનેજમેન્ટ કેવી રીતે કરો છો?”
પ્રશંસકે હસતા મુખે જવાબ આપ્યો કે, “સાહેબ, હું દિલ્હીમાં રહું છું અને ટીમ ઇન્ડિયાને સપોર્ટ કરવા ક્યાંય પણ પહોંચી શકું છું.” દિલ્હીના બે ‘છોકરાઓ’ વચ્ચેની આ મજેદાર વાતચીત અને ગંભીરનો નિખાલસ હાસ્ય અત્યારે સોશિયલ મીડિયા પર ચર્ચાનું કેન્દ્ર બન્યું છે. ક્રિકેટપ્રેમીઓ આ વીડિયો પર પ્રતિક્રિયા આપતા લખી રહ્યા છે કે ગંભીર ભલે બહારથી કડક દેખાય, પરંતુ તેઓ ચાહકોની લાગણીઓની કદર કરે છે.
અમદાવાદમાં આફ્રિકા સામે ‘મહાસંગ્રામ’
ભારતીય ટીમ અત્યારે વિજયી લયમાં છે. ગ્રુપ સ્ટેજની તમામ 4 મેચો જીતીને ભારત હવે સુપર-8માં પહોંચ્યું છે. 22 ફેબ્રુઆરીએ રવિવારના રોજ અમદાવાદના નરેન્દ્ર મોદી સ્ટેડિયમમાં ભારતનો મુકાબલો દક્ષિણ આફ્રિકા સામે થવાનો છે. દક્ષિણ આફ્રિકાની ટીમ પણ અત્યાર સુધી અજેય રહી છે, જે આ મુકાબલાને ટુર્નામેન્ટની સૌથી મોટી ટક્કર બનાવે છે.
2024ની ફાઈનલનો ‘રિવેન્જ’ કે ભારતનું વર્ચસ્વ?
યાદ અપાવી દઈએ કે 2024ના ટી-20 વર્લ્ડ કપની ફાઈનલમાં ભારતે દક્ષિણ આફ્રિકાને હરાવીને જ ટાઈટલ જીત્યું હતું. હવે એડન માર્કરામની સેના તે હારનો બદલો લેવા આતુર હશે, જ્યારે સૂર્યકુમાર યાદવની કેપ્ટન્સી હેઠળની ભારતીય ટીમ ઘરઆંગણે પોતાનું વર્ચસ્વ જાળવી રાખવા તૈયાર છે.
🚨Gautam Gambhir interacting with fans during the practice session while giving an autograph.
While signing, he said,
‘Arey yaar, aap har venue mein pahunch jaate ho, kaise manage karte ho itna sab? Kahaan rehte ho? Yahan par kahaan rehte ho?’
Gambhir was seen asking a fan a… pic.twitter.com/ldXpxeekW7
— Sonu (@Cricket_live247) February 21, 2026
ભારતની સંભવિત પ્લેઈંગ-11
ટીમ ઇન્ડિયાના કોમ્બિનેશન પર નજર કરીએ તો યુવા જોશ અને અનુભવનું શાનદાર મિશ્રણ જોવા મળી રહ્યું છે:
ઓપનર્સ: ઈશાન કિશન (વિકેટકીપર) અને સંજૂ સેમસન
મિડલ ઓર્ડર: તિલક વર્મા, સૂર્યકુમાર યાદવ (કેપ્ટન), રિંકુ સિંહ
ઓલરાઉન્ડર્સ: હાર્દિક પંડ્યા, શિવમ દુબે, વોશિંગ્ટન સુંદર
બોલર્સ: જસપ્રિત બુમરાહ, અર્શદીપ સિંહ, વરુણ ચક્રવર્તી
