દિવાળી પર માલામાલ થવાની સોનેરી તક! જાણો 8 નવેમ્બરે કયા સમયે થશે મુહૂર્ત ટ્રેડિંગ?
દિવાળીના પવિત્ર તહેવાર નિમિત્તે ભારતીય શેરબજારમાં મુહૂર્ત ટ્રેડિંગ (Muhurat Trading) માટેની તૈયારીઓ પૂર્ણ થઈ ગઈ છે. નેશનલ સ્ટોક એક્સચેન્જ (NSE), બોમ્બે સ્ટોક એક્સચેન્જ (BSE) અને મલ્ટી કોમોડિટી એક્સચેન્જ ઓફ ઇન્ડિયા (MCX) માં રવિવાર, ૮ નવેમ્બર ૨૦૨૬ ના રોજ ખાસ મુહૂર્ત ટ્રેડિંગ યોજાશે. આ દિવસ દિવાળી લક્ષ્મી પૂજન સાથે આવી રહ્યો છે. આ શુભ પ્રસંગે રોકાણકારો અને ટ્રેડર્સ ખાસ મુહૂર્તમાં શેરોની ખરીદ-વેચાણ કરીને નવા સંવત વર્ષની શરૂઆત કરી શકશે.
મુહૂર્ત ટ્રેડિંગ એ ભારતીય શેરબજારની દાયકાઓ જૂની અને પવિત્ર પરંપરા છે. તેને સમૃદ્ધિ અને નવા કારોબારની શુભ શરૂઆત તરીકે જોવામાં આવે છે. જોકે, આ દિવસે ટ્રેડિંગનો સમય સામાન્ય દિવસો કરતાં અલગ અને મર્યાદિત હોય છે. તેથી જો તમે પણ આ દિવસે બજારમાં ખરીદ-વેચાણ કરવાનું વિચારી રહ્યા હોવ, તો આખું સમયપત્રક (Timings) અગાઉથી જાણી લેવું અત્યંત જરૂરી છે.
શું છે મુહૂર્ત ટ્રેડિંગ અને તેનું મહત્વ?
‘મુહૂર્ત’ શબ્દનો અર્થ શુભ કે પવિત્ર સમય થાય છે. હિન્દુ પરંપરામાં કોઈ પણ નવા કાર્યની શરૂઆત કરવા માટે ચોક્કસ શુભ સમય પસંદ કરવાની પ્રથા છે. આ જ માન્યતાના આધારે દર વર્ષે દિવાળીના દિવસે શેરબજારમાં ખાસ મુહૂર્ત ટ્રેડિંગનું આયોજન કરવામાં આવે છે.
આ દરમિયાન શેરબજાર માત્ર થોડા સમય માટે જ ખુલે છે. અનેક રોકાણકારો આ ખાસ અવસર પર શુકન તરીકે શેરો ખરીદે છે અને તેને ધનની દેવી માં લક્ષ્મીના આશીર્વાદ તેમજ સન્માન સાથે જોડે છે. એવી માન્યતા છે કે દિવાળીના શુભ મુહૂર્તમાં કરવામાં આવેલું રોકાણ સમગ્ર વર્ષ દરમિયાન ધન અને સમૃદ્ધિ લાવે છે. જોકે, રોકાણકારોએ એ પણ ધ્યાન રાખવું જોઈએ કે આ માત્ર એક પરંપરાગત શુકન છે, તેનો અર્થ એવો નથી કે આ દિવસે કરેલા રોકાણ પર નફાની ગેરંટી મળે છે.
ઇક્વિટી માર્કેટનું વિગતવાર ટાઇમટેબલ
NSE દ્વારા જાહેર કરવામાં આવેલા શિડ્યુલ મુજબ, ૮ નવેમ્બર ૨૦૨૬ ના રોજ ઇક્વિટી માર્કેટમાં વિવિધ સત્રોનો સમય ભારતીય માનક સમય (IST) મુજબ નીચે મુજબ રહેશે:
ઇક્વિટી સત્રનું ટાઇમટેબલ
| સત્ર (Session) | શરૂ થવાનો સમય | પૂર્ણ થવાનો સમય |
| બ્લોક ડીલ સત્ર (Block Deal Session) | બપોરે ૧:૫૦ વાગ્યે | બપોરે ૨:૦૫ વાગ્યે |
| પ્રી-ઓપન ઓર્ડર એન્ટ્રી | બપોરે ૨:૦૫ વાગ્યે | બપોરે ૨:૧૦ વાગ્યે |
| પ્રી-ઓપન ઓર્ડર એન્ટ્રી (માત્ર લિમિટ ઓર્ડર) | બપોરે ૨:૧૦ વાગ્યે | બપોરે ૨:૧૫ વાગ્યે |
| પ્રી-ઓપન ઓર્ડર મેચિંગ અને ટ્રેડ કન્ફર્મેશન | બપોરે ૨:૧૫ વાગ્યે | બપોરે ૨:૧૭ વાગ્યે |
| પ્રી-ઓપન બફર પીરિયડ | બપોરે ૨:૧૭ વાગ્યે | બપોરે ૨:૨૦ વાગ્યે |
| રેફરન્સ પ્રાઇસ કેલ્ક્યુલેશન અને કન્ટીન્યુઅસ ટ્રેડિંગ (CTS થી CAS) | બપોરે ૩:૧૫ વાગ્યે | બપોરે ૩:૨૦ વાગ્યે |
| CAS ઓર્ડર એન્ટ્રી | બપોરે ૩:૨૦ વાગ્યે | બપોરે ૩:૨૫ વાગ્યે |
| CAS ઓર્ડર એન્ટ્રી (માત્ર લિમિટ ઓર્ડર) | બપોરે ૩:૨૫ વાગ્યે | બપોરે ૩:૩૦ વાગ્યે |
| CAS ઓર્ડર મેચિંગ અને ટ્રેડ કન્ફર્મેશન | બપોરે ૩:૩૦ વાગ્યે | બપોરે ૩:૩૫ વાગ્યે |
| CAS ટ્રાન્ઝિશન પીરિયડ | બપોરે ૩:૩૫ વાગ્યે | બપોરે ૩:૫૦ વાગ્યે |
| પોસ્ટ-ક્લોઝ સત્ર (Post-Close Session) | બપોરે ૩:૫૦ વાગ્યે | સાંજે ૪:૦૦ વાગ્યે |
બ્લોક ડીલ સત્રમાં મોટા રોકાણકારો કે સંસ્થાઓ નક્કી કરેલી કિંમતે જંગી શેરોની ખરીદ-વેચાણ કરે છે. પ્રી-ઓપન સત્ર દરમિયાન ઓર્ડર નોંધવા અને તેને સિસ્ટમમાં મેચ કરવાની પ્રક્રિયા થાય છે. આ પછી સામાન્ય બજારમાં સતત ટ્રેડિંગ શરૂ થતું હોય છે. નોંધનીય છે કે ઓર્ડર એન્ટ્રીના કેટલાક તબક્કામાં સિસ્ટમ છેલ્લા ૨ મિનિટ દરમિયાન રેન્ડમલી (અચાનક) સત્ર બંધ કરી શકે છે.
કોર્પોરેટ બોન્ડ્સમાં ટ્રેડિંગનો સમય
મુહૂર્ત ટ્રેડિંગ દરમિયાન કોર્પોરેટ બોન્ડ્સના ખરીદ-વેચાણ માટે પણ ખાસ સમય નક્કી કરવામાં આવ્યો છે. તેનો શિડ્યુલ નીચે મુજબ રહેશે:
કોર્પોરેટ બોન્ડ સત્ર વિગત
| સત્ર / વિભાગ | સમય (IST) | મંજૂર થયેલા કાર્યો |
| માત્ર કોર્પોરેટ બોન્ડ | બપોરે ૨:૦૫ થી ૩:૦૦ વાગ્યા સુધી | ટ્રેડિંગ, કન્ફર્મેશન, મોડિફિકેશન અને કેન્સિલેશન |
| માત્ર કોર્પોરેટ બોન્ડ (T+1 સેટલમેન્ટ) | બપોરે ૩:૦૦ થી ૩:૩૦ વાગ્યા સુધી | કન્ફર્મેશન, મોડિફિકેશન અને કેન્સિલેશન |
T+1 ડીલને સેટલમેન્ટના દિવસે સાંજે ૫ વાગ્યા સુધી પ્રવર્તમાન ટ્રેડ કેન્સિલેશન અને મોડિફિકેશન પોલિસી મુજબ રદ અથવા સુધારી શકાય છે. ઉલ્લેખનીય છે કે મુહૂર્ત ટ્રેડિંગ દરમિયાન CBRICS પ્લેટફોર્મ ઉપલબ્ધ રહેશે નહીં.
ફ્યુચર અને ઓપ્શન (F&O) ટ્રેડિંગનો સમય
વાયદા બજાર એટલે કે ફ્યુચર એન્ડ ઓપ્શન્સ (F&O) સેગમેન્ટમાં ટ્રેડિંગ કરતા રોકાણકારો માટે પણ અલગથી સત્ર જાહેર કરવામાં આવ્યું છે:
F&O સેગમેન્ટ સમયપત્રક
| સત્ર | શરૂ થવાનો સમય | પૂર્ણ થવાનો સમય |
| પ્રી-ઓપન ઓર્ડર એન્ટ્રી | બપોરે ૨:૦૫ વાગ્યે | બપોરે ૨:૧૦ વાગ્યે |
| પ્રી-ઓપન ઓર્ડર એન્ટ્રી (માત્ર લિમિટ ઓર્ડર) | બપોરે ૨:૧૦ વાગ્યે | બપોરે ૨:૧૫ વાગ્યે |
| પ્રી-ઓપન ઓર્ડર મેચિંગ અને ટ્રેડ કન્ફર્મેશન | બપોરે ૨:૧૫ વાગ્યે | બપોરે ૨:૧૭ વાગ્યે |
| પ્રી-ઓપન બફર પીરિયડ | બપોરે ૨:૧૭ વાગ્યે | બપોરે ૨:૨૦ વાગ્યે |
| સામાન્ય બજારમાં સતત ટ્રેડિંગ (CTS) | બપોરે ૨:૨૦ વાગ્યે | બપોરે ૩:૪૦ વાગ્યે |
| ટ્રેડ મોડિફિકેશનનો સમય | બપોરે ૨:૨૦ વાગ્યે | બપોરે ૩:૫૦ વાગ્યે |
