એપલ લવર્સ માટે ખુશખબર, દમદાર ફીચર્સ સાથે ભારતમાં આવ્યો નવો આઈપેડ મિની, જાણો કિંમત
એપલે ગેજેટ પ્રેમીઓને મોટો ઝટકો આપતા ભારતમાં પોતાનો લેટેસ્ટ અને અત્યંત શક્તિશાળી iPad Mini (2026) લોન્ચ કરી દીધો છે. ટેક માર્કેટમાં આ નવા ટેબ્લેટની લાંબા સમયથી રાહ જોવામાં આવી રહી હતી, અને કંપનીએ આ વખતે મિની ટેબ્લેટ સેગમેન્ટમાં એવા શાનદાર અપગ્રેડ્સ આપ્યા છે જે ફ્લેગશિપ ડિવાઈસીસને પણ ટક્કર આપે છે. શાનદાર ડિસ્પ્લેથી લઈને પાવરફુલ પરફોર્મન્સ સુધી, ચાલો આ નવા ડિવાઈસની દરેક ખાસિયત વિગતવાર જાણીએ.
સૌથી મોટો ફેરફાર: 8.5 ઇંચની OLED ડિસ્પ્લે
આ નવા iPad Mini ની સૌથી મોટી ખાસિયત તેની સ્ક્રીન છે. એપલે આ સિરીઝમાં પહેલીવાર 8.5 ઇંચની Super Retina XDR OLED ડિસ્પ્લે આપી છે, જે વિઝ્યુઅલ અનુભવને એકદમ નેક્સ્ટ લેવલ પર લઈ જાય છે. તેનું રિઝોલ્યુશન 2316×1512 પિક્સલ છે અને તેમાં P3 વાઈડ કલર ગેમટનું સપોર્ટ મળે છે. આ સ્ક્રીનની પીક બ્રાઇટનેસ 1,200 નીટ્સ સુધી છે, એટલે કે તડકામાં પણ તેનો ઉપયોગ કરવામાં કોઈ મુશ્કેલી નહીં પડે. ખાસ વાત એ છે કે કંપનીએ રિફ્લેક્શનથી બચવા માટે ‘નેનો-ટેક્સચર ડિસ્પ્લે’નો ઓપ્શન પણ આપ્યો છે.
પાવરફુલ પરફોર્મન્સ: A20 Pro ચિપસેટ
આ ટેબ્લેટમાં 2nm પ્રોસેસ પર બનેલું લેટેસ્ટ અને અત્યંત શક્તિશાળી A20 Pro ચિપસેટ આપવામાં આવ્યું છે. એપલના દાવા મુજબ આ ચિપ અગાઉની જનરેશન કરતાં લગભગ 4.5 ગણી ફાસ્ટ AI (આર્ટિફિશિયલ ઇન્ટેલિજન્સ) પરફોર્મન્સ અને 2.7 ગણી વધુ સારી ગ્રાફિક્સ પર્ફોર્મન્સ આપે છે. આ ડિવાઈસ લેટેસ્ટ Apple Intelligence ફીચર્સ અને iPadOS 27 પર કામ કરે છે.
કેમેરા અને કનેક્ટિવિટી
ફોટોગ્રાફી અને વિડિયો કોલિંગ માટે ટેબ્લેટના ફ્રન્ટ અને રિયર બંને તરફ 12-12 મેગાપિક્સલનો કેમેરા આપવામાં આવ્યો છે. ફ્રન્ટ કેમેરા ‘Center Stage’ સપોર્ટ સાથે આવે છે, જ્યારે રિયર કેમેરાથી 60fps પર 4K વિડિયો રેકોર્ડિંગ કરી શકાય છે.
કનેક્ટિવિટી માટે તેમાં લેટેસ્ટ Wi-Fi 7, બ્લૂટૂથ 6.0 અને N1 વાયરલેસ ચિપ મળે છે. સેલ્યુલર મોડેલમાં C2 મોડેમ અને eSIM સપોર્ટ પણ ઉપલબ્ધ છે. સુરક્ષા માટે તેમાં IP67 રેટીંગ આપવામાં આવી છે, જે તેને ધૂળ અને પાણીથી સુરક્ષિત રાખે છે. બેટરી લાઈફની વાત કરીએ તો તે સિંગલ ચાર્જ પર 10 કલાક સુધીનો વિડિયો પ્લેબેક ટાઈમ આપે છે અને તેમાં 35W વાયર્ડ ફાસ્ટ ચાર્જિંગ સપોર્ટ છે.
ભારતમાં કિંમત અને ઉપલબ્ધતા
એપલે આ નવા iPad Mini (2026) ને બે મુખ્ય વેરિયન્ટમાં રજૂ કર્યું છે:
Wi-Fi મોડેલ: પ્રારંભિક કિંમત 82,900 રૂપિયા છે.
Wi-Fi + Cellular મોડેલ: કિંમત 1,00,900 રૂપિયા છે.(કંપની આના પર એજ્યુકેશન ડિસ્કાઉન્ટ પણ આપી રહી છે, જેના પછી આ 76,900 રૂપિયાની પ્રભાવી કિંમતે મળી શકે છે. તેને 128GB, 256GB અને 512GB સ્ટોરેજ ઓપ્શનમાં ખરીદી શકાય છે.)
તેને Midnight અને Starlight કલરમાં રજૂ કરાયું છે. તેના પ્રી-ઓર્ડર એપલ ઇન્ડિયાની વેબસાઇટ અને એપલ સ્ટોર એપ પર શરૂ થઈ ગયા છે, જ્યારે ઓફિશિયલ સેલ આવતા મહિને 6 નવેમ્બરથી શરૂ થશે. કંપનીએ 8,500 રૂપિયાની કિંમતમાં નવું Smart Folio કવર તથા Apple Pencil Pro (11,900 રૂપિયા) અને Apple Pencil USB-C (7,900 રૂપિયા) પણ રજૂ કર્યા છે.
