Video: મેટ્રો સ્ટેશન પર શરમજનક કૃત્ય, પૈસા ન આપતા યુવતીના માથા પર ગુટખા થૂંક્યા
સોશિયલ મીડિયા પર વાયરલ થઈ રહેલા એક વીડિયોએ મેટ્રો સ્ટેશનોની સુરક્ષા વ્યવસ્થા અને જાહેર સ્થળો પર સામાન્ય લોકોની સલામતી અંગે ગંભીર સવાલો ઉભા કર્યા છે. વાયરલ ક્લિપમાં એક ટ્રાન્સજેન્ડર વ્યક્તિ કથિત રીતે એક યુવતીના માથા પર ગુટખા થૂંકતી જોવા મળી રહી છે. જાણવા મળ્યું છે કે યુવતીએ પૈસા આપવાનો ઇનકાર કર્યો હતો, જેનાથી નારાજ થઈને આ હરકત કરવામાં આવી હતી.
કેવી રીતે શરૂ થયો વિવાદ?
પીડિતાના જણાવ્યા અનુસાર, તે મેટ્રો સ્ટેશન પરિસરમાં હાજર હતી, ત્યારે એક ટ્રાન્સજેન્ડર વ્યક્તિ તેની પાસે આવી અને પૈસાના બદલામાં આશીર્વાદ આપવાની વાત કરી. યુવતીએ નમ્રતાથી ના પાડી દીધી. ત્યારબાદ આરોપીએ કથિત રીતે તેને ડરાવવાનો પ્રયાસ કર્યો અને કહ્યું કે જો પૈસા નહીં આપે તો ખરાબ થશે. યુવતીએ શાંત રહીને તેને ત્યાંથી જઈ રહેવા કહ્યું.
“Transgenders are angry now.” 🚨
“After being recorded spitting, transgenders kept fighting with her to delete the video.” 🤡
It is clearly visible that if people had not been present, they would have tried to force her to delete it. This is harassment. https://t.co/3ZoO0Kx1ON pic.twitter.com/W4100t1r9B
— Suraj Kumar Bauddh (@SurajKrBauddh) February 3, 2026
કેમેરામાં કેદ થઈ શરમજનક હરકત
થોડીવાર પછી જ્યારે યુવતી એસ્કેલેટર પાસે ઉભી રહીને વીડિયો રેકોર્ડ કરી રહી હતી, ત્યારે પાછળથી તે જ ટ્રાન્સજેન્ડર વ્યક્તિએ તેના માથા પર ગુટખા થૂંક્યા. આ સમગ્ર ઘટના કેમેરામાં કેદ થઈ ગઈ હતી. વીડિયોમાં જોઈ શકાય છે કે યુવતી ગુસ્સામાં પોતાનું માથું અને ચહેરો લૂછે છે અને આરોપીને કહે છે કે બધું જ રેકોર્ડ થઈ ગયું છે અને હવે વીડિયો ડિલીટ કરાવવાનો કોઈ ફાયદો નથી.
અન્ય એક ક્લિપમાં ટ્રાન્સજેન્ડર વ્યક્તિ યુવતી પર વીડિયો હટાવવા માટે દબાણ કરતી પણ જોવા મળે છે. આ દરમિયાન ત્યાં હાજર કેટલાક લોકોએ હસ્તક્ષેપ કર્યો અને યુવતીનું સમર્થન કર્યું, જેના કારણે મામલો વધુ બિચકતા અટકી ગયો હતો.
સોશિયલ મીડિયા પર રોષ
આ ઘટના કયા શહેરના અને કયા મેટ્રો સ્ટેશનની છે તે હજુ સ્પષ્ટ થયું નથી, પરંતુ વીડિયો વાયરલ થતા જ સોશિયલ મીડિયા પર લોકોનો રોષ ફાટી નીકળ્યો છે.
- અનેક યુઝર્સે આરોપી સામે કડક કાર્યવાહીની માંગ કરી છે.
- એક યુઝરે લખ્યું, “જાહેર સ્થળ પર આવી હરકત સહન ન થવી જોઈએ.”
- અન્ય એકે કહ્યું, “કાયદાનો ડર ખતમ થઈ રહ્યો છે, તાત્કાલિક ધરપકડ થવી જોઈએ.”
“Transwoman spat Gutkha at a girl.” 🤡
A trans woman spat gutkha at a girl. She came to bless a girl in exchange for money.
When the girl refused to give money, she spat at her. This is shameful and disgusting.
Transgenders being nude, attacking, abusing, and snatching… pic.twitter.com/6Ulaw6ksL5
— Suraj Kumar Bauddh (@SurajKrBauddh) February 3, 2026
સુરક્ષા વ્યવસ્થા પર ઉઠ્યા સવાલ
આ ઘટનાએ ફરી એકવાર મેટ્રો સ્ટેશનો પર મુસાફરો, ખાસ કરીને મહિલાઓની સુરક્ષા અંગે ચિંતા વધારી દીધી છે. લોકો સવાલ ઉઠાવી રહ્યા છે કે જ્યારે સ્ટેશન જેવા હાઈ-સિક્યોરિટી વિસ્તારમાં આવી ઘટના બની શકે છે, તો સામાન્ય નાગરિકો પોતાને કેટલા સુરક્ષિત અનુભવે?
હાલમાં આ વીડિયો અંગે મેટ્રો પ્રશાસન કે પોલીસની કોઈ સત્તાવાર પ્રતિક્રિયા સામે આવી નથી, પરંતુ વાયરલ વીડિયોએ વહીવટીતંત્રની જવાબદારી અને કાયદો-વ્યવસ્થા પર ગંભીર ચર્ચા છેડી દીધી છે.
