વલસાડ જિલ્લામાં ગ્રામ પંચાયતની ચૂંટણી દરમિયાન વિજય સરઘસમાં સરપંચની સાથે ગાડીમાં સવાર થવા બાબતે સીટી પોલીસ મથક ના ઈન્ચાર્જ પીઆઇ ને સસ્પેન્ડ કરી દેવાયા છે.
વલસાડ જિલ્લા માં તા.21-22 ડિસેમ્બરે વિજેતા સરપંચ ના સરઘસ માં વલસાડ સીટી પોલીસ મથકના ઇન્ચાર્જ PI વી.એચ. જાડેજા ખુલ્લી જીપમાં ડ્રાઈવર સીટ ઉપર યુનિફોર્મમાં બેસેલા હોવાનો વીડિયો અને ફોટા સાથે પ્રહરી ચેરીટેબલ ટ્રસ્ટના પ્રમુખે ADGને લેખિત ફરિયાદ કરતા સુરત એડિશનલ DGએ આ અંગે ની ગંભીર નોંધ લઈ ઇન્ચાર્જ PI વી.એચ.જાડેજાને તાત્કાલિક અસરથી સસ્પેન્ડ કરતો હુકમ કર્યો હતો. નોંધનીય છે કે કોસંબામાં સરપંચ તરીકે કિરીટ ટંડેલ અને તેઓની પેનલના સભ્યોનો વિજય થતા ગત તા. 21-22 ડિસેમ્બરના રોજ કોસંબાના મુખ્ય માર્ગો ઉપર સરપંચ કિરીટ ટંડેલ અને તેમના સમર્થકોએ વિજય સરઘસનું આયોજન કર્યું હતું. વિજય સરઘસમાં વલસાડ સીટી પોલીસ મથકના ઇન્ચાર્જ PI વી.એચ. જાડેજા જીપમાં ડ્રાઈવર સીટ ઉપર યુનિફોર્મમાં બેઠા હોવા મામલે ફરિયાદ થતા આ કાર્યવાહી હાથ ધરાતા આ મામલા એ વલસાડ પંથક માં ભારે ચર્ચા જગાવી હતી.
Tuesday, May 7