Vahali Dikri Yojana 2026: દીકરીના જન્મ પર ₹1.10 લાખની સહાય, જાણો પાત્રતા અને અરજીની પ્રક્રિયા

દીકરી બનશે લખપતિ! ગુજરાત સરકારની વ્હાલી દીકરી યોજનામાં ₹1,10,000 મેળવવા માટે આ રીતે કરો અરજી

ગુજરાત સરકારના મહિલા અને બાળ વિકાસ વિભાગ દ્વારા દીકરીઓના જન્મદરને વધારવા અને તેમના શિક્ષણને પ્રોત્સાહન આપવા માટે ‘વ્હાલી દીકરી યોજના’ (Vahali Dikri Yojana) અમલમાં મૂકવામાં આવી છે. આ યોજના હેઠળ પાત્રતા ધરાવતી દીકરીઓને તેમના જન્મથી લઈને ૧૮ વર્ષની ઉંમર સુધી કુલ ₹1,10,000 ની આર્થિક સહાય પૂરી પાડવામાં આવે છે. આ રકમ દીકરીના ઉજ્જવળ ભવિષ્ય અને તેના ઉચ્ચ શિક્ષણ અથવા લગ્ન પ્રસંગે મદદરૂપ થવા માટે આપવામાં આવે છે.

સહાયના ત્રણ તબક્કા: ક્યારે અને કેટલા પૈસા મળશે?

વ્હાલી દીકરી યોજના હેઠળની કુલ ₹1.10 લાખની સહાય દીકરીના વિકાસના ત્રણ મહત્વના તબક્કે આપવામાં આવે છે:

1. પ્રથમ હપ્તો (ધોરણ-1 માં પ્રવેશ): જ્યારે દીકરીનું પ્રાથમિક શિક્ષણ શરૂ થાય અને તે ધોરણ-1 માં પ્રવેશ મેળવે ત્યારે તેને ₹4,000 ની સહાય આપવામાં આવે છે.

2. બીજો હપ્તો (ધોરણ-9 માં પ્રવેશ): દીકરી જ્યારે માધ્યમિક શિક્ષણમાં પ્રવેશે અને ધોરણ-9 માં આવે ત્યારે તેને ₹6,000 ની સહાય મળે છે.

3. ત્રીજો અને છેલ્લો હપ્તો (18 વર્ષની ઉંમરે): દીકરી જ્યારે ૧૮ વર્ષની ઉંમર પૂર્ણ કરે ત્યારે તેને ઉચ્ચ શિક્ષણ અથવા તેના લગ્ન માટે ₹1,00,000 ની મોટી રકમ આપવામાં આવે છે. (શરત એ છે કે દીકરીના બાળલગ્ન થયેલા હોવા જોઈએ નહીં).

પાત્રતા અને જરૂરી દસ્તાવેજો: કોણ કરી શકે છે અરજી?

આ યોજનાનો લાભ લેવા માટે સરકારે ચોક્કસ માપદંડો નક્કી કર્યા છે. અરજદાર ગુજરાતના કાયમી રહેવાસી હોવા જોઈએ અને દીકરીનો જન્મ 02/08/2019 કે ત્યારબાદ થયેલો હોવો જોઈએ. એક દંપતીની પ્રથમ ત્રણ સંતાનો પૈકીની દીકરીઓને આ લાભ મળી શકે છે. સૌથી મહત્વની શરત એ છે કે માતા-પિતાની સંયુક્ત વાર્ષિક આવક ₹2,00,000 થી વધુ ન હોવી જોઈએ.

મામાના ઘરે વેકેશન ગાળવા આવેલા ભાણેજ પર વીજળી બનીને ત્રાટકી કાળ, પરિવારમાં છવાયો શોક

એકસાથે અનેક ગુનાઓનો ભેદ ઉકેલાયો! ઉત્રાણ પોલીસે કરી વાહન ચોર અને પોક્સો આરોપીની ધરપકડ

અરજી માટે જરૂરી દસ્તાવેજો:

• દીકરીનું જન્મનું પ્રમાણપત્ર અને આધાર કાર્ડ.

• માતા-પિતાનું આધાર કાર્ડ અને રહેઠાણનો પુરાવો (રેશન કાર્ડ/વીજળી બિલ).

• સક્ષમ અધિકારી દ્વારા આપવામાં આવેલ આવકનો દાખલો (₹2 લાખથી ઓછી આવક).

• માતા-પિતાના લગ્નનું પ્રમાણપત્ર.

• દંપતીના તમામ જીવિત બાળકોના જન્મના દાખલા.

• બેંક પાસબુકની નકલ અને નિર્ધારિત નમૂનામાં સ્વ-ઘોષણા પત્રક.

અરજી કરવા માટે તમે સરકારના સત્તાવાર પોર્ટલ emahilakalyan.gujarat.gov.in પર જઈને ઓનલાઈન ફોર્મ ભરી શકો છો અથવા ગ્રામ પંચાયત (VCE), જન સેવા કેન્દ્ર કે મહિલા અને બાળ અધિકારીની કચેરીએ જઈને ઓફલાઈન ફોર્મ સબમિટ કરી શકો છો.