ભારત ગ્લોબલ એજ્યુકેશન હબ બનવા તરફ અગ્રેસર: શિક્ષણ મંત્રી ધર્મેન્દ્ર પ્રધાને ‘ઈન્ડિયા એડુ-ડિપ્લોમેટિક કોન્ક્લેવ’ને સંબોધિત કરી
કેન્દ્રીય શિક્ષણ મંત્રી ધર્મેન્દ્ર પ્રધાને નવી દિલ્હીમાં આયોજિત ‘સ્ટડી ઇન ઇન્ડિયા’ (Study in India) એડુ-ડિપ્લોમેટિક કોન્ક્લેવમાં 50થી વધુ દેશોના રાજદ્વારીઓ, હાઈ કમિશનરો અને પ્રતિનિધિઓને સંબોધિત કર્યા હતા. આ મહત્વપૂર્ણ કાર્યક્રમ દરમિયાન તેમણે રાષ્ટ્રીય શિક્ષણ નીતિ (NEP) 2020 દ્વારા ભારતીય શિક્ષણ પ્રણાલીમાં આવી રહેલા ક્રાંતિકારી ફેરફારો વિશે ચર્ચા કરી હતી. શિક્ષણ મંત્રીએ વૈશ્વિક સ્તરે ભારતીય શિક્ષણની પહોંચ, તેની ગુણવત્તા, નવીનતા (Innovation) અને પરવડે તેવા શિક્ષણ (Affordability) પર ભારતના ફોકસ પર ભાર મૂક્યો હતો.
જ્ઞાનનો સેતુ: વૈશ્વિક ભાગીદારી માટે આહવાન
શિક્ષણ મંત્રી ધર્મેન્દ્ર પ્રધાને તેમના સંબોધનમાં જણાવ્યું હતું કે, “આજની અનિશ્ચિતતા અને ઝડપથી બદલાતી દુનિયામાં શિક્ષણ એ વિવિધ સમાજો વચ્ચેનો સૌથી મજબૂત સેતુ છે.” ભારત અન્ય દેશો સાથે ‘જ્ઞાનનો સેતુ’ બનાવવા માટે ઉત્સુક છે. તેમણે હાજર રહેલા વૈશ્વિક રાજદ્વારીઓને આહવાન કર્યું હતું કે તેઓ ભારતના ઝડપથી વિકસતા, ઈનોવેશન સંચાલિત, મલ્ટી-ડિસિપ્લિનરી અને સુલભ શિક્ષણ પ્રણાલીમાં ભાગીદાર બને.
‘વિકસિત ભારત 2047’ અને આર્થિક ગતિશીલતા
વડાપ્રધાનના વિઝનને દોહરાવતા શિક્ષણ મંત્રીએ જણાવ્યું કે, વર્ષ 2047માં આઝાદીના 100 વર્ષ પૂર્ણ થવા પર ભારતને ‘વિકસિત ભારત’ બનાવવાનું લક્ષ્ય રાખવામાં આવ્યું છે. વર્તમાન વૈશ્વિક આર્થિક માહોલમાં ભારત એક તેજસ્વી દેશ તરીકે ઉભરી રહ્યો છે, જે શિક્ષણ, સંશોધન, નવીનતા અને તેના અમલીકરણ માટે શ્રેષ્ઠ વાતાવરણ પૂરું પાડે છે. ભારતની સૌથી મોટી શક્તિ તેનું વાઇબ્રન્ટ નોલેજ ઇકોસિસ્ટમ, યુવા વસ્તી (Demographic Dividend) અને ઝડપથી વિકસતું અર્થતંત્ર છે.
Hon. PM Shri @narendramodi ji has envisioned to drive India towards becoming a developed country when we complete 100 years of our independence in 2047.
In the global economic landscape today, India remains a bright spot and offers a space to learn, research, innovate and…
— Dharmendra Pradhan (@dpradhanbjp) March 2, 2026
NEP 2020 અને ગ્લોબલ સાઉથ મોડલ
NEP 2020 અને ‘સ્ટડી ઇન ઇન્ડિયા’ જેવી પહેલ દ્વારા ભારત વિદ્યાર્થીઓ, સંશોધકો અને શૈક્ષણિક સંસ્થાઓ માટે વૈશ્વિક માર્ગો ખોલી રહ્યું છે. આર્ટિફિશિયલ ઇન્ટેલિજન્સ (AI), બાયોટેક અને સેમિકન્ડક્ટરથી લઈને ટકાઉ ઉર્જા (Sustainable Energy) સુધીના ક્ષેત્રોમાં ભારત હવે એક વિશ્વાસપાત્ર ઇનોવેશન પાર્ટનર તરીકે ઉભરી રહ્યું છે. ભારત હવે સહયોગ, ક્ષમતા નિર્માણ અને જ્ઞાનની વહેંચણી પર આધારિત ‘ગ્લોબલ સાઉથ મોડલ’ને આગળ ધપાવી રહ્યું છે.
