LSGની હાર બાદ મેદાન પર જ સંજીવ ગોયન્કા અને ઋષભ પંત વચ્ચે ગરમાગરમ ચર્ચા, VIDEO વાયરલ થતા ક્રિકેટ જગતમાં ખળભળાટ
IPL 2026ની શરૂઆત લખનૌ સુપર જાયન્ટ્સ (LSG) માટે આઘાતજનક રહી છે. દિલ્હી કેપિટલ્સ સામેની કારમી હાર બાદ સ્ટેડિયમમાં જે દ્રશ્યો જોવા મળ્યા, તેણે રમત કરતા વધુ વિવાદોને જન્મ આપ્યો છે. મેચ પૂરી થયા પછી ટીમ માલિક સંજીવ ગોયન્કા, કેપ્ટન ઋષભ પંત અને હેડ કોચ જસ્ટિન લેંગર વચ્ચે મેદાન પર જ લાંબી અને ગંભીર વાતચીત થતી જોવા મળી હતી, જેનો વીડિયો અત્યારે સોશિયલ મીડિયા પર આગની જેમ ફેલાઈ રહ્યો છે.
શું માલિક અને કેપ્ટન વચ્ચે બધું બરાબર છે?
દિલ્હી સામે 6 વિકેટે મળેલી હાર બાદ જ્યારે બંને ટીમના ખેલાડીઓ એકબીજા સાથે હાથ મિલાવી રહ્યા હતા, ત્યારે કેમેરાનું ધ્યાન સંજીવ ગોયન્કા તરફ ગયું. વીડિયોમાં જોઈ શકાય છે કે ગોયન્કા ખૂબ જ આકરા મૂડમાં દેખાઈ રહ્યા છે. તેઓ કેપ્ટન પંત અને કોચ લેંગરને કંઈક સમજાવી રહ્યા હતા અથવા કદાચ ટીમની રણનીતિ અંગે સવાલો કરી રહ્યા હતા.
આ દ્રશ્યોએ ચાહકોને ફરી એકવાર ભૂતકાળની એ ઘટના યાદ અપાવી દીધી જ્યારે કેએલ રાહુલ લખનૌનો કેપ્ટન હતો. તે સમયે પણ હાર બાદ ગોયન્કાએ રાહુલ સાથે સાર્વજનિક રીતે જે વર્તન કર્યું હતું, તેની ઘણી ટીકા થઈ હતી. હવે ઋષભ પંત સાથેની આ ‘ગંભીર ચર્ચા’ બાદ સોશિયલ મીડિયા પર ફેન્સ પૂછી રહ્યા છે કે શું લખનૌના કેમ્પમાં ફરીથી જૂનો તણાવ પાછો ફર્યો છે?
મેચનો ટર્નિંગ પોઈન્ટ: રિઝવી અને સ્ટબ્સની તોફાની બેટિંગ
જો મેચની વાત કરીએ તો, લખનૌએ જીતવા માટે માત્ર 142 રનનો ટાર્ગેટ આપ્યો હતો. શરૂઆતમાં એવું લાગતું હતું કે લખનૌના બોલરો બાજી પલટી નાખશે, કારણ કે દિલ્હીએ વહેલી વિકેટો ગુમાવી દીધી હતી. પરંતુ ત્યારબાદ જે થયું તેણે લખનૌના તમામ પ્લાન પર પાણી ફેરવી દીધું.
- 119 રનની અજેય ભાગીદારી: સમીર રિઝવી અને ટ્રિસ્ટન સ્ટબ્સે મળીને દિલ્હીની ઈનિંગને સંભાળી જ નહીં, પણ લખનૌના બોલરોની બરાબરની ધોલાઈ કરી.
- સમીર રિઝવીનો કહેર: રિઝવીએ માત્ર 47 બોલમાં અણનમ 70 રન ફટકારીને સાબિત કરી દીધું કે તે આ સીઝનનો ઉભરતો સ્ટાર છે.
- ટ્રિસ્ટન સ્ટબ્સનો સાથ: સ્ટબ્સે પણ સંયમપૂર્વક 32 બોલમાં 39 રન બનાવી રિઝવીને પૂરો સાથ આપ્યો.
Sanjiv Goenka and Rishabh pant 😭 pic.twitter.com/0RzMSkp0vE
— Faiyaz (@FaiyazWhat) April 1, 2026
પંત માટે આકરો પડકાર
ઋષભ પંત માટે આ મેચ બેવડો ફટકો સાબિત થઈ છે. એક તરફ કેપ્ટન તરીકે રણનીતિમાં નિષ્ફળતા અને બીજી તરફ મેચ બાદ માલિક સાથેની એ ચર્ચા. પંતે મેચ બાદ સ્વીકાર્યું હતું કે ઓછા સ્કોર પર ડિફેન્ડ કરવું અઘરું હતું, પરંતુ વધારાના રન (Extras) આપવા ટીમને ભારે પડ્યા.
Sanjiv Goenka and LSG
Utho — khelo — Haaro — discuss karo — so jao pic.twitter.com/RJf2QMrx49
— ChaiPeCricket (@ChaiPeCric) April 1, 2026
