₹2000 ની ફિક્સ્ડ ડિપોઝિટ પર મળશે ક્રેડિટ કાર્ડ, ઓનલાઈન શોપિંગ અને UPI પર બમ્પર કેશબેક
આજના ડિજિટલ યુગમાં ક્રેડિટ કાર્ડ માત્ર એક સુવિધા નથી, પરંતુ સ્માર્ટ ફાયનાન્સ મેનેજમેન્ટનું એક અનિવાર્ય હથિયાર બની ગયું છે. પરંતુ નવા યુવાનો, ગૃહિણીઓ કે જેઓનો ક્રેડિટ સ્કોર (CIBIL Score) ખરાબ થઈ ગયો છે, તેમને બેંકો સામાન્ય રીતે ક્રેડિટ કાર્ડ આપવાનો સાફ ઇનકાર કરી દેતી હોય છે. ક્રેડિટ હિસ્ટ્રી ન હોવાને કારણે ફોર્મલ બેંકિંગ સિસ્ટમથી વંચિત રહી જતા આવા લાખો મધ્યમવર્ગીય ભારતીયો માટે બેંકિંગ ક્ષેત્રે એક ક્રાંતિકારી અને અત્યંત સસ્તો વિકલ્પ રજૂ કર્યો છે. હવે તમે માત્ર ૨૦૦૦ રૂપિયાની નાની બચત (FD) ના જોરે તમારું પોતાનું ક્રેડિટ કાર્ડ મેળવી શકો છો, જે તમારા ક્રેડિટ સ્કોરને સુધારવાની સાથે દરેક ખર્ચ પર કમાણી કરવાની તક પણ આપશે.
દેશના નાણાકીય બજારમાંથી મધ્યમ વર્ગના ગ્રાહકો માટે ખૂબ જ રાહતના સમાચાર સામે આવ્યા છે. દેશના અગ્રણી ડિજિટલ ફાઇનાન્સ પ્લેટફોર્મ ‘પૈસાબજાર’ અને ‘SBM બેંક ઇન્ડિયા’ એ સંયુક્ત ભાગીદારી કરીને એક અનોખું સુરક્ષિત ક્રેડિટ કાર્ડ લોન્ચ કર્યું છે, જેને ‘SBM પૈસાબજાર પૈસા+’ (Paisa+) નામ આપવામાં આવ્યું છે. આ ક્રેડિટ કાર્ડ ખાસ કરીને એવા નોકરિયાતો, ફ્રીલાન્સર્સ અને વિદ્યાર્થીઓને ધ્યાનમાં રાખીને તૈયાર કરવામાં આવ્યું છે જેમની કોઈ ક્રેડિટ હિસ્ટ્રી નથી અથવા ભૂતકાળમાં લોનની ચૂકવણીમાં વિલંબ થવાને કારણે તેમનો સિબિલ સ્કોર બગડી ગયો છે. આ સુરક્ષિત કાર્ડ મેળવવા માટે કોઈ મોટા સેલરી સર્ટિફિકેટની જરૂર નથી, માત્ર ₹૨,૦૦૦ ની નાની ફિક્સ્ડ ડિપોઝિટ કરાવીને પળવારમાં આ કાર્ડ મેળવી શકાય છે.
અરજી રિજેક્ટ થવાની ચિંતામાંથી કાયમી મુક્તિ
સામાન્ય રીતે જ્યારે પણ કોઈ ગ્રાહક ક્રેડિટ કાર્ડ માટે ઓનલાઈન ફોર્મ ભરે છે, ત્યારે બેંકો તેમની આવક અને જૂનો સ્કોર ચેક કરીને અરજી નામંજૂર (Reject) કરી દેતી હોય છે. વારંવાર એપ્લિકેશન રિજેક્ટ થવાથી ક્રેડિટ સ્કોર વધુ નબળો પડે છે. ‘પૈસા+’ એ ફિક્સ્ડ ડિપોઝિટ સમર્થિત (FD-Backed) સુરક્ષિત ક્રેડિટ કાર્ડ હોવાથી બેંક ગ્રાહકની FD ને ગેરંટી તરીકે ગણે છે. આ કારણે આ કાર્ડ મેળવતી વખતે ડોક્યુમેન્ટેશન નહિવત થઈ જાય છે અને અરજી નામંજૂર થવાની શક્યતા શૂન્ય ટકા જેટલી થઈ જાય છે. જો ગ્રાહકો આ કાર્ડનો સમજદારીપૂર્વક ઉપયોગ કરે અને દર મહિને સમયસર બિલની ચૂકવણી કરે, તો માત્ર થોડા જ મહિનામાં તેમનો ક્રેડિટ સ્કોર ૭૫૦ થી ઉપર પહોંચી શકે છે, જેનાથી ભવિષ્યમાં મોટી હોમ લોન કે કાર લોન લેવી આસાન બને છે.
ખર્ચ પર કમાણી: UPI ટ્રાન્ઝેક્શન પર પણ મળશે તગડું કેશબેક
આ કાર્ડની સૌથી આકર્ષક બાબત એ છે કે તે માત્ર કટોકટીના સમયે પૈસાની વ્યવસ્થા નથી કરતું, પરંતુ તમારા દરેક ખર્ચ પર મોટી બચત પણ કરાવે છે. ગ્રાહકો ઓનલાઈન પ્લેટફોર્મ, સુપરમાર્કેટમાં ઓફલાઈન શોપિંગ અથવા રોજિંદા UPI વ્યવહારો પર શાનદાર કેશબેક મેળવી શકે છે. આ કેશબેક ‘કેશ પોઈન્ટ્સ’ ના સ્વરૂપમાં મળે છે, જેમાં એક કેશ પોઈન્ટની કિંમત સીધી એક રૂપિયા બરાબર ગણાય છે. જો કોઈ ગ્રાહક ₹૧૦,૦૦૦ કે તેથી વધુની FD કરાવીને આ કાર્ડ લે છે, તો તેને ઓનલાઈન ખરીદી પર ૧.૫ ટકા સુધીનું બમ્પર કેશબેક મળે છે. આ ઉપરાંત, ઓફલાઈન સ્ટોર્સ અને ₹૨,૦૦૦ થી વધુના તમામ UPI વ્યવહારો પર સીધું ૧ ટકા કેશબેક આપવામાં આવશે. ગ્રાહકો આ કાર્ડ દ્વારા રોજિંદા વધુમાં વધુ ૫૦૦ કેશ પોઈન્ટ્સ અને આખા મહિનામાં કુલ ૩,૦૦૦ કેશ પોઈન્ટ્સ (રૂપિયા ૩,૦૦૦) સુધીની મજબૂત બચત કરી શકે છે.
તિજોરી સુરક્ષિત અને વ્યાજનો પણ ડબલ ધમાકો
ઘણા ગ્રાહકોને એવો પ્રશ્ન થાય છે કે ક્રેડિટ કાર્ડ વાપરવા માટે અમારી FD બ્લોક થઈ જશે તો અમારું વ્યાજ મરી જશે? પરંતુ આ કાર્ડમાં એવું બિલકુલ નથી. તમારી ₹૨,૦૦૦ કે તેથી વધુની જમા રકમ પર બેંક તમને વાર્ષિક ૭ ટકા સુધીનું આકર્ષક વ્યાજ ચૂકવવાનું ચાલુ જ રાખશે. એટલે કે એક તરફ તમારી બચત પર વ્યાજ વધતું રહેશે અને બીજી તરફ તમને બજારમાં વાપરવા માટે વ્યાજમુક્ત ક્રેડિટ લિમિટ પણ મળશે. આ કાર્ડ માટે કંપનીએ કોઈ પણ પ્રકારની જોઈનિંગ ફી (Joining Fee) રાખી નથી, જે ગ્રાહકો માટે આવકારદાયક છે. જોકે, કાર્ડને ચાલુ રાખવા માટે વાર્ષિક સબસ્ક્રિપ્શન ફી તરીકે માત્ર ₹૪૯૯ નક્કી કરવામાં આવ્યા છે, જે તેના કેશબેકના ફાયદા સામે ખૂબ જ મામૂલી છે. ભારતીય મધ્યમ વર્ગને આર્થિક રીતે આત્મનિર્ભર બનાવવા અને ફોર્મલ ક્રેડિટ સિસ્ટમ સાથે જોડવા માટે આ એક માસ્ટરસ્ટ્રોક સાબિત થશે.
