અમદાવાદના પોશ વિસ્તરમાં રહેતો યુવક સોશિયલ મીડિયામાં રોજ હજારો કમાવાના મેસેજ અને લોભામણી લાલચમાં ફસાયો હતો. યુવકે આપેલા નંબર પર કોન્ટેક્ટ કર્યો હતો. જે દરમિયાન સામેથી યુવકને કહ્યું કે, તમારે હાઇ પ્રોફાઈલ મહિલાઓ સાથે હોટલમાં જવું પડશે. જે માટે તમારે મારા કામસૂત્ર પેકેજ ખરીદવા પડશે. આ જાણીને યુવકે કહ્યા પ્રમાણે રૂપિયા ટ્રાન્સફર કર્યા હતાં. ત્યાર બાદ યુવકને ફોન આવ્યો અને પોશ વિસ્તરમાં બ્રિજ નીચે ઉભો રહેવા માટે કહ્યું હતું.યુવક કલાકો સુધી ઉભો રહ્યો પણ યુવતી આવી નહીં. જેથી યુવકે કંપનીના નંબર પર ફોન કર્યો હતો. જ્યાં સામેથી જવાબ મળ્યો કે યુવતી જતી રહી છે બીજી યુવતી આવશે. જેથી યુવકે ફોન કરીને રૂપિયા પરત માગ્યા તો સામેથી ફોન નંબર બ્લોક કરી દીધો હતો. આ અંગે યુવકને લાગ્યું કે તેની સાથે છેતરપિંડી થઈ છે જેથી યુવકે અમદાવાદ જીલ્લા સાયબર ક્રાઇમમાં ફરિયાદ નોંધાવી હતી.હાલ પોલીસે ગુનો નોંધીને આ ગેંગને પકડવા માટે પ્રયાસ હાથ ધર્યો છે.
