$૯૦ મિલિયનનો સંરક્ષણ સોદો: અમેરિકાએ ભારતને કયા હાઇ-ટેક હથિયારો વેચવાની આપી લીલી ઝંડી? જાણો વિશેષતા
અમેરિકાએ ભારતની સૈન્ય ક્ષમતા વધારવા અને દ્વિપક્ષીય વ્યૂહાત્મક ભાગીદારીને મજબૂત કરવાના હેતુથી એક મોટો સંરક્ષણ સોદો મંજૂર કર્યો છે. વોશિંગ્ટને ભારતને એક્સકેલિબર પ્રિસિઝન-ગાઇડેડ પ્રોજેક્ટાઇલ (Excalibur Precision-Guided Projectile) અને એફજીએમ-148 જેવલિન એન્ટિ-ટેન્ક મિસાઇલ સિસ્ટમ (FGM-148 Javelin Anti-Tank Missile System) ની સાથે વિવિધ સહાયક ઉપકરણોના વેચાણને લીલી ઝંડી આપી દીધી છે. આ સંરક્ષણ પેકેજની કુલ અંદાજિત કિંમત 90 મિલિયન ડોલર (રૂ. 750 કરોડથી વધુ) જણાવવામાં આવી રહી છે.
DSCA એ કોંગ્રેસને રિપોર્ટ સોંપ્યો
અમેરિકાની ડિફેન્સ સિક્યુરિટી કોઓપરેશન એજન્સી (DSCA) એ જણાવ્યું કે વિદેશ મંત્રાલયે બે અલગ-અલગ પ્રસ્તાવોને મંજૂરી આપી છે:
-
લગભગ $47.1 મિલિયનના 216 M982A1 Excalibur પ્રોજેક્ટાઇલ અને સંબંધિત ઉપકરણો.
-
લગભગ $45.7 મિલિયનની 100 Javelin મિસાઇલો, 25 કમાન્ડ-લૉન્ચ યુનિટ્સ, ટ્રેનિંગ એઇડ્સ, સિમ્યુલેશન રાઉન્ડ્સ, સ્પેર પાર્ટ્સ અને લાઇફસાઇકલ સપોર્ટ.
આ સોદામાં તકનીકી સહાયતા, ‘પોર્ટેબલ ઇલેક્ટ્રોનિક ફાયર કંટ્રોલ સિસ્ટમ’, ઇમ્પ્રૂવ્ડ પ્લેટફોર્મ ઇન્ટિગ્રેશન કિટ, રિપેર સેવાઓ અને લોજિસ્ટિક સપોર્ટ પણ સામેલ છે.
અમેરિકાએ કહ્યું: ભારત ક્ષેત્રમાં ‘સ્થિરતાની મહત્વપૂર્ણ શક્તિ’
DSCA એ કહ્યું કે આ વેચાણ અમેરિકાની વિદેશ નીતિ અને રાષ્ટ્રીય સુરક્ષાના ઉદ્દેશોને આગળ વધારે છે. ભારતને હિંદ-પ્રશાંત અને દક્ષિણ એશિયામાં સ્થિરતા, શાંતિ અને આર્થિક પ્રગતિની મહત્વપૂર્ણ શક્તિ ગણાવવામાં આવ્યું.
એજન્સીના જણાવ્યા મુજબ, આ હથિયારો ભારતની ચોક્કસ હુમલાની ક્ષમતા (Precision Strike Capability) વધારશે અને તેને વર્તમાન તેમજ ભવિષ્યના જોખમોનો સામનો કરવામાં વધુ સક્ષમ બનાવશે. આ ઉપરાંત, આ ખરીદી ભારતીય બ્રિગેડની “ફર્સ્ટ સ્ટ્રાઇક એક્યુરસી” ને પણ મજબૂત કરશે.
રિપોર્ટમાં કહેવામાં આવ્યું છે કે ભારતીય સશસ્ત્ર દળોને આ હથિયારો અને ઉપકરણોને એકીકૃત (Integrate) કરવામાં કોઈ મુશ્કેલી નહીં પડે. સાથે જ તે સ્પષ્ટ કરવામાં આવ્યું કે આ સંભવિત વેચાણથી ક્ષેત્રીય સૈન્ય સંતુલન પર કોઈ નકારાત્મક અસર નહીં પડે.
Washington 🇺🇸 has approved a $92.8 million defence package for India 🇮🇳,
Key approvals:
• Javelin FGM-148 ($45.7M)
Anti-tank guided missile with 2.5 km range (4.5 km with the Lightweight CLU), used for top-attack strikes on armored vehicles & hardened targets.
• Excalibur… pic.twitter.com/pRqZwHVO01
— Defence Core (@Defencecore) November 20, 2025
મુખ્ય કોન્ટ્રાક્ટર કોણ હશે?
-
આરટીએક્સ કોર્પોરેશન, આર્લિંગ્ટન(VA) — એક્સકેલિબર પ્રોજેક્ટાઇલ માટે.
-
RTX/લોકહીડ માર્ટિન જેવેલિન સંયુક્ત સાહસ— જેવલિન મિસાઇલ સિસ્ટમ માટે.
અમેરિકી સરકારે કહ્યું કે આ સોદાથી તેમની સંરક્ષણ તૈયારીઓ પર કોઈ નકારાત્મક અસર નહીં પડે અને ભારતને ઉપકરણો મોકલવા માટે કોઈ વધારાના સરકારી કે કોન્ટ્રાક્ટર પ્રતિનિધિની જરૂર નહીં પડે.
