ડિસેમ્બર 2025માં સાયબર ગુનાઓ સામે સેન્ટર ઓફ એક્સેલન્સની નોંધપાત્ર સિદ્ધિ
અમદાવાદ સહિત રાજ્યભરમાં સાયબર ગુનાઓના કિસ્સાઓ સતત સામે આવી રહ્યા છે. રાજ્ય સરકાર દ્વારા કાર્યરત 1930 સાયબર હેલ્પલાઇન પર સૌથી વધુ ફરિયાદો ડિજિટલ છેતરપિંડી સંબંધિત મળી રહી છે. મળેલી ફરિયાદો પર તાત્કાલિક કાર્યવાહી કરીને સાયબર સેન્ટર દ્વારા મોટી રકમ બચાવવામાં સફળતા મળી છે. કુલ ફરિયાદોમાંથી 50 ટકા કરતાં વધુ રકમ ફ્રીઝ કરીને નાગરિકોને રાહત અપાઈ છે.
ડિસેમ્બર 2025માં સાયબર સેન્ટરને નોંધપાત્ર સફળતા
સાયબર સેન્ટર ઓફ એક્સેલન્સના એસપી ડો. રાજદીપસિંહ ઝાલાએ માહિતી આપતાં જણાવ્યું કે ડિસેમ્બર 2025 સુધીમાં પાંચ મોટા કેસોમાં સફળ પરિણામ મળ્યા છે. તાજેતરમાં 121 કરોડ રૂપિયાની છેતરપિંડીની ફરિયાદ મળી હતી. આ કેસમાં સાયબર ટીમે ત્વરિત કાર્યવાહી કરીને અંદાજે 61 કરોડ રૂપિયા બચાવી લીધા. માત્ર પાંચ દિવસમાં આખી રકમ સુરક્ષિત કરવામાં પણ સફળતા મળી હોવાનું જણાવાયું છે.
1930 હેલ્પલાઇન પર વધતા કોલ્સ અને ફ્રીઝ થયેલી રકમ
તાજેતરમાં રવિવારે 1930 હેલ્પલાઇન પર 1475 કોલ મળ્યા હતા. આમાંથી 685 કોલ આર્થિક છેતરપિંડી સંબંધિત હતા. તે દિવસે નાગરિકોએ આશરે 157 કરોડ રૂપિયાનું નુકસાન થયાનું સામે આવ્યું હતું. સાયબર ક્રાઇમ ટીમે તમામ રકમ ફ્રીઝ કરીને મોટી સફળતા મેળવી છે.
સોમવારે પણ સાયબર ગુનાઓ સામે ઝડપી પ્રતિસાદ
સોમવારના રોજ હેલ્પલાઇન પર કુલ 2374 કોલ નોંધાયા હતા. જેમાંથી 1175 કોલ આર્થિક ગુનાઓના હતા. આ કોલ્સમાં નાગરિકોએ અંદાજે 10.54 કરોડ ગુમાવ્યાનું બહાર આવ્યું હતું. સાયબર ક્રાઇમ દ્વારા તેમાંથી 9.1 કરોડ રૂપિયા સમયસર ફ્રીઝ કરવામાં આવ્યા છે, જે નોંધપાત્ર સિદ્ધિ ગણાય છે.
અમદાવાદમાં ડિજિટલ રેસ્ટ કેસમાં મોટી બચત
અમદાવાદ શહેરમાં પણ ડિજિટલ રેસ પ્રકારના ગુનાઓમાં સાયબર ક્રાઇમને મોટી સફળતા મળી છે. શહેરમાં કુલ 7.12 કરોડ રૂપિયાનું નુકસાન થયાનું નોંધાયું હતું. તેમાંમાંથી 7.11 કરોડ રૂપિયા ફ્રીઝ કરીને બચાવવામાં આવ્યા છે. આ કાર્યવાહીથી પીડિત નાગરિકોમાં વિશ્વાસ વધ્યો છે.
નવા વર્ષમાં સાયબર સ્કેમથી સાવચેત રહેવાની અપીલ
નવા વર્ષને ધ્યાનમાં રાખીને સાયબર ક્રાઇમ વિભાગ વધુ સક્રિય બન્યું છે. નાગરિકોને ગિફ્ટ, ગ્રીટિંગ કાર્ડ અથવા અજાણી લિંક પર ક્લિક ન કરવાની સલાહ આપવામાં આવી છે. કોઈ એપ ડાઉનલોડ કે અપડેટ કરવા કહે તો અવગણવા સૂચના આપવામાં આવી છે. એપીકે ફાઇલ કે શંકાસ્પદ લિંક ખોલવાથી મોબાઇલ ડેટા ચોરી થવાની શક્યતા હોવાની ચેતવણી પણ આપવામાં આવી છે.
સાયબર ગુનાઓ સામે સતર્કતા જ શ્રેષ્ઠ બચાવ
ડિજિટલ ગુનાઓની વધતી સંખ્યાને ધ્યાનમાં રાખીને સાયબર ક્રાઇમ સતત એક્શન મોડમાં છે. હેલ્પલાઇન પર મળતી ફરિયાદોમાંથી ડિજિટલ રેસ્ટ કેસોમાં વિશેષ સફળતા મળી છે. તેમ છતાં સાયબર વિભાગ નાગરિકોને સતર્ક રહેવા સતત અપીલ કરી રહ્યું છે. તકેદારી રાખવાથી જ સાયબર ગુનાઓથી બચી શકાય તેવો સ્પષ્ટ સંદેશ આપવામાં આવી રહ્યો છે.
