ચમત્કાર કે સ્ક્રિપ્ટેડ ડ્રામા? વાઘના પાંજરામાં પડ્યો બાળક, પછી જે થયું તે જોઈને દુનિયા દંગ રહી ગઈ
વાઘની સામેથી કોઈ જીવતું પાછું આવે તે વાત પર ભાગ્યે જ કોઈ વિશ્વાસ કરી શકે, પરંતુ સોશિયલ મીડિયા પર વાયરલ થઈ રહેલા એક વીડિયોમાં કંઈક આવું જ બતાવવામાં આવ્યું છે. હા, ઇન્ટરનેટ પર એક વીડિયો ખૂબ જ વાયરલ થઈ રહ્યો છે જેમાં એક બાળક વાઘના પાંજરામાં (Enclosure) પડી જાય છે.
આમ છતાં, તે બાળક સુરક્ષિત રીતે પાંજરાની બહાર આવી જાય છે. નવાઈની વાત તો એ છે કે તે બાળકને સુરક્ષિત બહાર કાઢનાર બીજું કોઈ નહીં પણ ખુદ વાઘ જ હોય છે.
વાઘના પાંજરામાંથી જીવતો પાછો આવ્યો બાળક
વાયરલ વીડિયોમાં જોઈ શકાય છે કે એક બાળક વાઘના પાંજરામાં પડેલું છે. ઉપરથી લોકો અને તે બાળકના માતા-પિતા બાળકને બહાર કાઢવા માટે મદદ માંગી રહ્યા છે. બીજી તરફ વાઘની નજર પણ બાળક પર પડે છે. હવે વાઘ ધીમે-ધીમે બાળક તરફ આગળ વધે છે. વાઘને પોતાની તરફ આવતો જોઈ ઉપરથી બૂમો પાડતા લોકો વધુ ગભરાઈ જાય છે અને મદદ માટે જોરજોરથી બૂમો પાડવા લાગે છે, પરંતુ આ દરમિયાન વાઘ તે બાળકની બિલકુલ નજીક આવીને ઊભો રહી જાય છે.
વાઘની દરિયાદિલીએ લોકોના દિલ જીત્યા
વાઘ બાળકની આટલી નજીક આવી ગયા પછી લોકો આશા છોડી દે છે કે તે બાળક જીવતું બચશે, પરંતુ ત્યારે જ એક ચમત્કાર થાય છે. તે વાઘ બાળકને વહાલ કરે છે અને પછી પોતાના બંને પંજા વડે બાળકને ઉઠાવીને પાંજરાની બહાર ઉભેલા લોકોને પકડાવી દે છે. બાળકની માતા તરત જ બાળકને પકડી લે છે. વાઘની આ દરિયાદિલીએ લોકોના દિલ જીતી લીધા છે અને લોકો તરત જ તાળીઓ પાડવા લાગે છે.
— Dogs are our lives (@loveDoges111) January 1, 2026
શું આ વીડિયો અસલી છે?
આ વાયરલ વીડિયો સોશિયલ મીડિયા પ્લેટફોર્મ X પર ‘Dogs are our lives’ નામના એકાઉન્ટ પરથી 1 જાન્યુઆરી, 2026 ના રોજ પોસ્ટ કરવામાં આવ્યો છે. 24 કલાકની અંદર આ વીડિયોને 10 લાખથી વધુ યુઝર્સ જોઈ ચૂક્યા છે. જોકે, વીડિયોની સત્યતા પર લોકો સવાલો ઉઠાવી રહ્યા છે. મોટાભાગના લોકોએ આ વીડિયોને AI (આર્ટિફિશિયલ ઇન્ટેલિજન્સ) જનરેટેડ વીડિયો ગણાવ્યો છે.
પરંતુ, X ના જ AI ટૂલ Grok એ વીડિયોની સત્યતા વિશેના સવાલનો જવાબ આપતા કહ્યું છે કે, આ વીડિયો અસલી છે, પરંતુ આ ઘટના કુદરતી નથી પણ ‘સ્ક્રિપ્ટેડ’ છે. Grok એ જવાબમાં જણાવ્યું છે કે આ વીડિયો પાકિસ્તાનમાં ઇન્ફ્લુએન્સર નૌમાન હસને (Nouman Hassan) પોતાના ભત્રીજા અને પાલતુ વાઘ સાથે શૂટ કર્યો છે.
