આઇ-ખેડુત પોર્ટલ પર પૂર્વ મંજુરી મેળવનાર ખેડુતોએ ક્લેમ સબમિટ કરવા અંતિમ તારીખ જાહેર
અરવલ્લી જિલ્લાના બાગાયત ખાતા દ્વારા વર્ષ ૨૦૨૫-૨૬ માટે વિવિધ સહાયલક્ષી યોજનાઓ હેઠળ પૂર્વ-મંજુરી મેળવનાર ખેડૂતોને એક મહત્વપૂર્ણ સૂચના આપવામાં આવી છે. જે ખેડૂતોએ આઇ-ખેડૂત (i-Khedut) પોર્ટલ પર વિવિધ ઘટકો માટે અરજી કરી હતી, તેઓએ પોતાની ખરીદી અથવા વાવેતરના અસલ બિલો ૩૧ જાન્યુઆરી, ૨૦૨૬ સુધીમાં ઓનલાઇન અપલોડ કરવાના રહેશે.
કઈ યોજનાઓ અને ઘટકોમાં સહાય મળશે?
નીચે મુજબના વિવિધ બાગાયતી ઘટકોમાં પૂર્વ-મંજુરી મેળવનાર ખેડૂતોએ બિલો રજૂ કરવાના છે:
-
બિયારણ અને વાવેતર: હાઇબ્રીડ શાકભાજી બિયારણ, છૂટા ફૂલો, જામફળ અને આંબા જેવા ફળ પાકોનું વાવેતર.
-
ખેતી ટેકનોલોજી: ટ્રેલીઝ મંડપ (કાચા, અર્ધપાકા અને પાકા), પ્લાસ્ટિક મલ્ચિંગ, શાકભાજી માટે ક્રોપ કવર.
-
ઇનપુટ્સ અને યાંત્રીકરણ: પેકિંગ મટીરીયલ્સ, વોટર સોલ્યુબલ ખાતર, કૃષિ યાંત્રીકરણ પ્રોત્સાહન અને ટીસ્યું કલ્ચર પ્લાન્ટીંગ મટીરીયલ.
‘ક્લેમ સબમિટ’ કરવાની પ્રક્રિયા
સહાયની રકમ સીધી બેંક ખાતામાં મેળવવા માટે ખેડૂતોએ નીચે મુજબની પ્રક્રિયા પૂર્ણ કરવી પડશે:
૧. આઇ-ખેડૂત પોર્ટલ પર જઈ વાવેતર કે ખરીદીના અસલ બિલો સ્કેન કરવા.
૨. તમામ જરૂરી સાધનિક કાગળો સાથે તા. ૩૧/૦૧/૨૦૨૬ સુધીમાં “ક્લેમ સબમિટ” (Claim Submit) કરવું.
૩. નિર્ધારિત સમય બાદ અપલોડ કરેલા બિલોને વહીવટી પ્રક્રિયામાં ધ્યાને લેવામાં આવશે નહીં.
સંપર્ક અને માર્ગદર્શન
વધુ માહિતી માટે ખેડૂતો નીચેના સરનામે અથવા ફોન નંબર પર સંપર્ક કરી શકે છે:
-
સરનામું: નાયબ બાગાયત નિયામકની કચેરી, ઓફિસ નં. ૧૦, સી-બ્લોક, બીજો માળ, જિલ્લા સેવા સદન, મોડાસા, અરવલ્લી.
-
ફોન નંબર: ૦૨૭૭૪-૨૫૦૧૯૫
-
ઇ-મેઇલ: [email protected]
