તાપી જિલ્લાના ઉચ્છલમાં તાપી નદીમાં હોડી પલટી જતા 3 લોકોના મોત નિપજ્યા છે. હોડીમાં 15 જેટલા લોકો સવાર હતા. ઘટનાની જાણ થતા સ્થાનિક લોકો ત્યાં આવી પહોંચી ગયા હતા અને લોકોની મદદ કરી હતી. સ્થાનિક તરવૈયાઓએ 6 જેટલાનો બચાવી લેવામાં આવ્યો છે. જ્યારે એક બાળકીનો મૃતદેહ મળી આવ્યો હતો. હાલ અન્યોની સ્થાનિક તરવૈયાઓની મદદથી શોધખોળ ચાલી રહી છે.
હોળીની રજાઓને લઈને લોકો ફરવાના સ્થળે જઈ રહ્યા છે. દરમિયાન તાપી નદીની આસપાસ આવેલા સ્થળો મોટી સંખ્યામાં પ્રવાસીઓ ઉમટી પડ્યા છે. ઉચ્છલ તાલુકાના સુંદરપુર ગામના રહેવાસીઓ ફરવા માટે ગયા હતા. તાપી જિલ્લાના ઉચ્છલ તાલુકાના ભીસકુદ ગામ ખાતે આવેલી તાપી નદીમાં હોડીમાં સવાર થઈને 15 જેટલા લોકો જઈ રહ્યા હતા. દરમિયાન ભારે પવનના કારણે હોડી પલટી મારી ગઈ હતી. જેથી બૂમાબૂમ થઈ ગઈ હતી. કિનારે હાજર લોકો અને સ્થાનિક તરવૈયાઓ દ્વારા મદદે પહોંચ્યા હતા. 6 જેટલાનો બચાવ કરી કિનારે લાવ્યા હતા. જ્યારે એક બાળકીનો મૃતદેહ બહાર કાઢ્યો હતો. હાલ પણ સ્થાનિક તરવૈયાઓની મદદથી અન્યો 8ની શોધખોળ ચાલી રહી છે.