DGCAએ બે વર્ષમાં 352 નોટિસ ફટકારી, નિયમ ભંગ બદલ એરલાઇન્સે જવાબ આપવો પડ્યો; 139 પર પેનલ્ટી
નાગરિક ઉડ્ડયન મહાનિદેશાલય (DGCA) એ છેલ્લા બે વર્ષમાં એરલાઇન્સ કંપનીઓને નિયમોના ઉલ્લંઘન બદલ 352 “શો-કોઝ નોટિસ” (કારણ દર્શાવો નોટિસ) જારી કરી છે. આ નોટિસમાં એરલાઇન્સને નિયમો કેમ તોડ્યા તે સ્પષ્ટ કરવા કહેવામાં આવ્યું હતું. DGCAએ આ મામલાઓમાં 139 એરલાઇન્સ પર પેનલ્ટી (દંડ) પણ લગાવી છે. એવિએશન મિનિસ્ટ્રીએ સોમવારે રાજ્યસભામાં આ માહિતી શેર કરી હતી.
એર ઈન્ડિયા અને ઈન્ડિગો સૌથી ઉપર
રાજ્ય મંત્રી મુરલીધર મોહોલે જણાવ્યું હતું કે, 1 જાન્યુઆરી 2024 થી 31 ડિસેમ્બર 2025 વચ્ચે ઈન્ડિગોને સૌથી વધુ 98 શો-કોઝ નોટિસ મોકલવામાં આવી હતી, જ્યારે એર ઈન્ડિયાને 84 નોટિસ મળી હતી. આ ઉપરાંત:
- એર ઈન્ડિયા એક્સપ્રેસ: 65 નોટિસ
- અકાસા એર: 17
- સરકારી એરલાઇન્સ: 23
- ફ્લાય બિગ: 12
- AIX કનેક્ટ: 7
- સ્ટાર એર: 1
DGCAએ આ કેસમાં 113 એરલાઇન્સને ચેતવણી આપી હતી અને 7 કેસમાં સંતોષકારક જવાબો પણ મળ્યા હતા. જોકે, બાકીની એરલાઇન્સ સામે શું કાર્યવાહી કરવામાં આવી તે અંગે મંત્રાલયે સ્પષ્ટતા કરી નથી.
ટેકનિકલ ખામીઓનો વિગતવાર રિપોર્ટ
DGCA મુજબ, જાન્યુઆરી 2025 થી અત્યાર સુધીમાં કુલ 377 વિમાનોમાં વારંવાર ટેકનિકલ ખામીઓ જોવા મળી છે. સૌથી વધુ સમસ્યાઓ એર ઈન્ડિયા ગ્રુપ અને ઈન્ડિગોના વિમાનોમાં નોંધાઈ છે.
ઈન્ડિગો:
- તપાસ કરાયેલા કુલ વિમાનો: 405
- વારંવાર ખામીવાળા વિમાનો: 148
એર ઈન્ડિયા ગ્રુપ (એર ઈન્ડિયા અને એર ઈન્ડિયા એક્સપ્રેસ):
- તપાસ કરાયેલા કુલ વિમાનો: 267
- વારંવાર ખામીવાળા વિમાનો: 191
-
એર ઈન્ડિયા: 166 માંથી 137
-
એર ઈન્ડિયા એક્સપ્રેસ: 101 માંથી 54
-
અન્ય એરલાઇન્સ:
- સ્પાઈસ જેટ: 43 માંથી 16 વિમાનોમાં ખામી
- અકાસા એર: 32 માંથી 14 વિમાનોમાં ખામી
એરલાઇન સેક્ટરમાં વધતી ફરિયાદો
છેલ્લા કેટલાક વર્ષોમાં ફ્લાઇટ્સમાં વિલંબ, કેન્સલેશન, રિફંડ અને ટિકિટના ભાવને લઈને ફરિયાદો વધી છે. વિપક્ષ પણ એરલાઇન્સ સામે કડક કાર્યવાહીની માંગ કરી રહ્યો છે. DGCA દ્વારા સતત તપાસ અને નોટિસ જારી કરવાનો ઉદ્દેશ્ય એ સુનિશ્ચિત કરવાનો છે કે એરલાઇન્સ નિયમોનું પાલન કરે અને મુસાફરોની સુરક્ષા તેમજ સુવિધાને પ્રાથમિકતા આપે.
નિષ્ણાતોનું કહેવું છે કે સતત દેખરેખ અને પેનલ્ટીને કારણે એરલાઇન કંપનીઓને તેમની સેવામાં સુધારો કરવામાં અને ટેકનિકલ ખામીઓને દૂર કરવામાં મદદ મળશે.
