અક્ષર પટેલ vs વોશિંગ્ટન સુંદર: ટીમ ઇન્ડિયાની પસંદગી પર પૂર્વ ક્રિકેટરોએ વ્યક્ત કરી નારાજગી

વ્યૂહરચના ઉંધી પડી: અક્ષર પટેલને પડતા મૂકી વોશિંગ્ટન સુંદરને રમાડવાનો નિર્ણય ટીમ ઈન્ડિયાને ભારે પડ્યો?

નરેન્દ્ર મોદી સ્ટેડિયમમાં દક્ષિણ આફ્રિકા સામે મળેલી 76 રનની કારમી હાર બાદ હવે ટીમ ઇન્ડિયાની પસંદગી પ્રક્રિયા કઠેડામાં આવી છે. ખાસ કરીને ઇન-ફોર્મ ઉપકપ્તાન અક્ષર પટેલને પ્લેઇંગ ઇલેવનમાંથી બહાર રાખી વોશિંગ્ટન સુંદરને સ્થાન આપવાના નિર્ણય પર ક્રિકેટ નિષ્ણાતોએ સવાલો ઉઠાવ્યા છે.

કોચની દલીલ: ‘લેફ્ટ આર્મ’ બેટ્સમેનો સામે ઑફ-સ્પિનનો દાવ

મેચ બાદ સહાયક કોચ રાયન ટેન ડોશેટે આ વિવાદાસ્પદ નિર્ણય પાછળનું તર્ક રજૂ કર્યું હતું. તેમના મતે, દક્ષિણ આફ્રિકાના ટોપ ઓર્ડરમાં ક્વિન્ટન ડી કોક, રાયન રિકલટન અને ડેવિડ મિલર જેવા ખતરનાક ડાબોડી બેટ્સમેનો હોવાથી ટીમ મેનેજમેન્ટે ઑફ-સ્પિનર વોશિંગ્ટન સુંદર પર ભરોસો મૂક્યો હતો. કોચે જણાવ્યું કે, “અમને લાગ્યું કે પાવરપ્લેમાં સુંદર ડાબોડી બેટ્સમેનોને અંકુશમાં રાખી શકશે, તેથી અક્ષરને બદલે તેની પસંદગી કરવામાં આવી હતી.”

આંકડાકીય તુલના: પાવરપ્લે વિરુદ્ધ મિડલ ઓવર્સ

જો આંકડાકીય દૃષ્ટિકોણથી જોવામાં આવે તો પાવરપ્લેમાં સુંદરનો રેકોર્ડ અક્ષર કરતા ચડિયાતો છે, પરંતુ મધ્ય ઓવરોમાં અક્ષરની ખોટ સાલી હતી.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

અક્ષર પટેલ vs વોશિંગ્ટન સુંદર (T20I પ્રદર્શન):

જ્યારે વરુણ ચક્રવર્તી રન લૂંટાવી રહ્યા હતા, ત્યારે ભારતને મધ્ય ઓવરોમાં વિકેટ લેનારા બોલરની જરૂર હતી. સુંદરે આ ગાળામાં માત્ર બે ઓવર ફેંકી 17 રન આપ્યા અને ખાલી હાથે રહ્યા. નિષ્ણાતોનું માનવું છે કે અક્ષર પટેલ પોતાની ચાર ઓવરના ક્વોટામાં દક્ષિણ આફ્રિકાની રન ગતિને લગામ લગાવી શક્યા હોત.

મેચનો ટર્નિંગ પોઈન્ટ: મિડલ ઓવર્સમાં નિષ્ફળતા

દક્ષિણ આફ્રિકાની ટીમ એક સમયે 20 રનમાં 3 વિકેટ ગુમાવીને સંકટમાં હતી. પરંતુ મધ્ય ઓવરોમાં ભારતીય સ્પિનરો દબાણ જાળવી શક્યા નહીં. ડેવિડ મિલર અને ડેવાલ્ડ બ્રેવિસે આ તકનો લાભ ઉઠાવ્યો અને ભારતીય બોલિંગ લાઇનઅપને વેરવિખેર કરી નાખી. વિકેટ ન મળવાને કારણે ભારત રક્ષણાત્મક મોડમાં આવી ગયું, જે હારનું મુખ્ય કારણ બન્યું.