ઘર બેઠા જાણી લો આ વાત નહીં તો ખાતામાંથી કપાઈ જશે મસમોટો દંડ! એક્સિસ બેંકનો મોટો ફેરફાર!
આજના સમયમાં મોટાભાગના લોકો પાસે બેંક અકાઉન્ટ હોય છે, કારણ કે તેના દ્વારા પૈસાની લેવડદેવડ અને નાણાકીય કામકાજ ખૂબ જ સરળ બની જાય છે. જો તમારું પણ બેંકમાં ખાતું છે અને તમે નિયમિતપણે પૈસા જમા કરાવો કે ઉપાડો છો, તો બેંક સાથે જોડાયેલી દરેક નાની-મોટી અપડેટથી માહિતગાર રહેવું ખૂબ જ જરૂરી છે.
જો તમારું ખાતું પ્રાઈવેટ સેક્ટરની દિગ્ગજ બેંક એવી ‘એક્સિસ બેંક’ (Axis Bank) માં સેવિંગ્સ અકાઉન્ટ ધરાવે છે, તો આ સમાચાર ખાસ તમારા કામના છે. બેંકે પોતાના ગ્રાહકો માટે કેશ ટ્રાન્ઝેક્શન (રોકડ લેવડદેવડ) અને મિનિમમ બેલેન્સ સાથે જોડાયેલા નિયમોમાં ફેરફાર કર્યો છે. તો ચાલો વિગતવાર જાણીએ કે બેંકે શું બદલાવ કર્યા છે અને તમારા પર તેની શી અસર પડશે.
ક્યારથી અમલમાં આવશે નવા નિયમો?
સૌથી પહેલા એ જાણી લઈએ તે આ ફેરફારો ક્યારથી લાગુ થવા જઈ રહ્યા છે? એક્સિસ બેંક દ્વારા લેવાયેલા આ નિર્ણયો આગામી 1 ડિસેમ્બરથી સત્તાવાર રીતે લાગુ થઈ ચૂક્યા છે. તેથી, જો તમારું આ બેંકમાં ખાતું છે, તો તમારે નવા નિયમો અને ચાર્જ વિશે અગાઉથી જ જાણી લેવું યોગ્ય રહેશે, જેથી ભવિષ્યમાં અણધાર્યો દંડ ન ભરવો પડે.
ફ્રી કેશ ટ્રાન્ઝેક્શનની મર્યાદા થઈ ઓછી
એક્સિસ બેંકે ઘરેલુ અને એનઆરઆઈ (NRI) ઈઝી એક્સેસ સેવિંગ્સ અકાઉન્ટ સહિત કેટલાક અન્ય બચત ખાતાઓમાં મફત (ફ્રી) કેશ ટ્રાન્ઝેક્શનની સંખ્યા ઘટાડવાનો મોટો નિર્ણય લીધો છે. સૌથી મહત્વની વાત એ છે કે આ ફેરફારની અસર કૃષિ અને ઘરેલુ સેવિંગ્સ અકાઉન્ટ પર પણ પડવાની છે.
હાલની વ્યવસ્થા મુજબ, ઈઝી એક્સેસ, કૃષિ, ઘરેલુ સેવિંગ્સ અકાઉન્ટ અને NRI ઈઝી એક્સેસના ગ્રાહકો મહિને ચાર વખત ફ્રી કેશ ટ્રાન્ઝેક્શન કરી શકતા હતા અને સાથે જ કુલ કેશ લેવડદેવડની મર્યાદા 1 લાખ રૂપિયા સુધીની હતી. આમાંથી જે પણ મર્યાદા પહેલા પૂરી થાય, ત્યારબાદ ગ્રાહકોએ વધારાનો ચાર્જ ચૂકવવો પડતો હતો.
પરંતુ હવે નિયમમાં ફેરફાર એ થયો છે કે ફ્રી કેશ ટ્રાન્ઝેક્શનની જે સંખ્યા અત્યાર સુધી ચાર હતી, તેને ઘટાડીને માત્ર ત્રણ કરી દેવામાં આવી છે. એટલે કે હવે તમે મહિનામાં માત્ર ત્રણ જ વખત મફતમાં કેશ જમા કે ઉપાડી શકશો. જો કે, રાહતની વાત એ છે કે કુલ 1 લાખ રૂપિયાની કેશ લેવડદેવડની મર્યાદામાં કોઈ ફેરફાર કરવામાં આવ્યો નથી, તે યથાવત રહેશે.
મિનિમમ બેલેન્સ ન રાખવા પર પેનલ્ટી વધી
બેંકે માત્ર ફ્રી કેશ લેવડદેવડની લિમિટ જ નથી ઘટાડી, પરંતુ ખાતામાં લઘુત્તમ સિલક (Minimum Balance) ન જાળવવા પર લાગતા દંડમાં પણ વધારો કર્યો છે. એક્સિસ બેંકે મિનિમમ બેલેન્સ ન રાખવા પર લાગતો મહત્તમ માસિક ચાર્જ વધારી દીધો છે, જેની વિગતો નીચે મુજબ છે:
અર્ધ-શહેરી શાખાઓ: અર્ધ-શહેરી વિસ્તારોમાં આવેલા ઈઝી એક્સેસ અકાઉન્ટ માટેનો દંડ અગાઉ રૂ. 300 હતો, જે વધારીને હવે રૂ. 600 કરી દેવામાં આવ્યો છે.
મેટ્રો અને શહેરી શાખાઓ: આ શાખાઓમાં મહત્તમ ચાર્જ અગાઉની જેમ જ રૂ. 600 યથાવત રાખવામાં આવ્યો છે.
વેતનભેાગી ગ્રાહકો: ખાસ ધ્યાન રાખવું કે સેલેરી અકાઉન્ટ પર આ મિનિમમ બેલેન્સ સંબંધિત પેનલ્ટી લાગુ થશે નહીં.
NRI ઈઝી એક્સેસ અકાઉન્ટ: આ અકાઉન્ટ માટે અર્ધ-શહેરી અને ગ્રામીણ શાખાઓમાં પેનલ્ટી રૂ. 300 થી વધારીને રૂ. 600 કરવામાં આવી છે.
ગ્રામીણ શાખાઓ: ગ્રામીણ વિસ્તારોની શાખાઓમાં આ ચાર્જ અગાઉ માત્ર રૂ. 150 હતો, જે સીધો વધારીને હવે રૂ. 600 કરી દેવામાં આવ્યો છે.
મર્યાદા પૂરી થયા પછી શું થશે?
ગ્રાહકોએ એ બાબતનું ખાસ ધ્યાન રાખવું પડશે કે જ્યારે બેંક દ્વારા નક્કી કરાયેલી ફ્રી લિમિટ (મહિનાના 3 ફ્રી ટ્રાન્ઝેક્શન) પૂરી થઈ જશે, ત્યારે ત્યારબાદ રોકડ ઉપાડવા કે જમા કરાવવા પર ગ્રાહકોએ પોતાની પાસેથી વધારાનો ચાર્જ (એક્સ્ટ્રા ચાર્જ) ચૂકવવો પડશે.
તેથી, જો એક્સિસ બેંકમાં તમારું પણ સેવિંગ્સ અકાઉન્ટ છે, તો હવેથી મહિના દરમિયાન બેંકમાં કરવામાં આવતી રોકડ લેવડદેવડની ગણતરી અને ફ્રી લિમિટનું ખાસ ધ્યાન રાખવું તમારા માટે ખૂબ જ અનિવાર્ય બની ગયું છે.
