ભાવનગર ના તળાજા માં માસ્ક નો દંડ ફટકારતા જ મહિલા વિફરી ; બે મહિલા પોલીસ કર્મચારીઓ ને પકડી માર મારી બચકાં ભરી લીધા !

કોરોના ના કેસ વધતા જ પોલીસે માસ્ક અભિયાન ફરી ચાલુ કરી દીધું છે ત્યારે ભાવનગર ના તળાજા માં ઘર્ષણ નો બનાવ બન્યો છે અહીં પોલીસ ની ટીમ આજે સાંજના અરસામાં તળાજા શહેરના તિલક ચોકી ખાતે ફરજ ઉપર હતી તે સમયે એક મહિલા નાની બાળકીને લઈ દેવડી ચોકથી તિલક ચોક તરફ મોઢે માસ્ક પહેર્યા વિના નીકળ્યા હતા. જેને માસ્કના દંડની પાવતી પકડાવતા મહિલાએ પિત્તો ગુમાવી દઇ ઉશ્કેરાઈ જઈ ‘ શેનો દંડ ભરવાનો, મારે કોઈ દંડ ભરવાનો ન હોય, તમે મને ઓળખતા નથી, હું તમને જોઈ લઈશ’ તેમ કહેતા પોલીસ સાથે ઘર્ષણ થતા તેણે પોલીસ કોન્સ્ટેબલ વનિતાબેન ઘનેશ્વરભાઈ જાની અને હિરલબેન સોલંકી ને પકડી ઝપાઝપી કરી વાળ પકડી બન્નેને ખેંચી ચપ્પલ વડે મુંઢ માર મારી મોઢાના ભાગે નખ મારી દઈ મોઢા પર બચકું ભરી બન્ને મહિલા પોલીસને ઈજા પહોંચાડી નોકરીમાં હાની પહોંચાડવાની ધમકી આપતા પોલીસ કોન્સ્ટેબલ વનિતાબેન જાનીએ વનિતાબેન ભરતભાઈ બારૈયા (રહે, ટોકીઝનો ઢાળ, તળાજા) વિરૂધ્ધ આઈપીસી ૩૩૨, ૨૬૯, ૧૮૯, ૫૦૪ મુજબ ગુનો નોંધાવતા પોલીસ વધુ તપાસ કરી રહી છે.