સરકારી નોકરીનું સપનું જોતા વિદ્યાર્થીઓ માટે મોટી તક: DRDO ઇન્ટર્નશિપ 2026 શરૂ.
ડીઆરડીઓ (DRDO) અંતર્ગત આવતી કોમ્બેટ એરક્રાફ્ટ સિસ્ટમ્સ ડેવલપમેન્ટ એન્ડ ઇન્ટિગ્રેશન સેન્ટર (CASDIC) દ્વારા એન્જિનિયરિંગ અને પોસ્ટ ગ્રેજ્યુએટ વિદ્યાર્થીઓ માટે અત્યંત આકર્ષક ઇન્ટર્નશિપની જાહેરાત કરવામાં આવી છે. જે વિદ્યાર્થીઓ એન્જિનિયરિંગ અથવા સાયન્સ ક્ષેત્રે ઉચ્ચ અભ્યાસ કરી રહ્યા છે અને દેશના સંરક્ષણ ક્ષેત્રમાં કંઈક નવું શીખવા માંગે છે, તેમના માટે આ એક ઉત્તમ તક છે. આ ઇન્ટર્નશિપ માટે લાયક અને રસ ધરાવતા ઉમેદવારો DRDO ની સત્તાવાર વેબસાઇટ drdo.gov.in પર જઈને વિગતો મેળવી શકે છે અને અરજી કરી શકે છે. અરજી કરવાની છેલ્લી તારીખ ૧૧ ઓક્ટોબર, ૨૦૨૬ છે.
કુલ ૩૦ ખાલી જગ્યાઓ અને શાખાવાર વિભાજન
આ ભરતી પ્રક્રિયા દ્વારા કુલ ૩૦ ઇન્ટર્નશિપની જગ્યાઓ ભરવામાં આવશે. વિવિધ વિદ્યાશાખાઓ (Discipline) મુજબ જગ્યાઓનું વિભાજન નીચે મુજબ છે:
ઇલેક્ટ્રિકલ / ઇલેક્ટ્રોનિક્સ એન્ડ કોમ્યુનિકેશન / ઇલેક્ટ્રોનિક્સ એન્ડ ટેલિકોમ્યુનિકેશન: ૧૨ જગ્યાઓ
કોમ્પ્યુટર સાયન્સ / ઇન્ફોર્મેશન ટેક્નોલોજી: ૧૩ જગ્યાઓ
મેકેનિકલ એન્જિનિયરિંગ: ૫ જગ્યાઓ
આ તમામ જગ્યાઓ માટે ઉમેદવારોએ તેમની લાયકાત મુજબ યોગ્ય શાખામાં અરજી કરવાની રહેશે.
શૈક્ષણિક લાયકાત અને પાત્રતાના ધોરણો
આ ઇન્ટર્નશિપ કાર્યક્રમમાં ભાગ લેવા માટે ઉમેદવારોએ નીચે મુજબની શૈક્ષણિક યોગ્યતા ધરાવતા હોવું જરૂરી છે:
B.E./ B.Tech વિદ્યાર્થીઓ: જે વિદ્યાર્થીઓ તેમના એન્જિનિયરિંગ ડિગ્રીના અંતિમ (Final) વર્ષમાં અભ્યાસ કરી રહ્યા છે તેઓ અરજી કરી શકે છે. આ સાથે તમામ સેમેસ્ટરમાં ઓછામાં ઓછો ૭.૫ CGPA હોવો અનિવાર્ય છે.
M.Sc વિદ્યાર્થીઓ: પોસ્ટ ગ્રેજ્યુએટ ડિગ્રીના બીજા વર્ષમાં અભ્યાસ કરતા વિદ્યાર્થીઓ અરજી કરી શકશે. પ્રથમ વર્ષની પરીક્ષામાં ઓછામાં ઓછા ૭૦% ગુણ હોવા જરૂરી છે.
માનતા પ્રાપ્ત સંસ્થા: વિદ્યાર્થીઓએ AICTE અથવા UGC દ્વારા માન્યતા પ્રાપ્ત કોલેજ કે યુનિવર્સિટીમાંથી નિયમિત (Full-time) કોર્સમાં પ્રવેશ મેળવેલો હોવો જોઈએ.
ઇન્ટર્નશિપનો સમયગાળો અને સ્ટાઈપેન્ડ (માસિક વેતન)
આ ઇન્ટર્નશિપનો કુલ સમયગાળો ૬ મહિનાનો રહેશે. ૬ મહિના સફળતાપૂર્વક પૂર્ણ થયા બાદ જ વિદ્યાર્થીઓને સત્તાવાર પ્રમાણપત્ર (Completion Certificate) આપવામાં આવશે.
સ્ટાઈપેન્ડ: પસંદગી પામેલા ઉમેદવારોને દર મહિને ૫,૦૦૦ રૂપિયા સ્ટાઈપેન્ડ તરીકે મળશે.
શરતો: ૬ મહિનાના સમયગાળા દરમિયાન આ સ્ટાઈપેન્ડનો લાભ મેળવવા માટે વિદ્યાર્થીએ લેબમાં મહિનામાં ઓછામાં ઓછા ૧૫ દિવસ ઉપસ્થિત રહેવું ફરજિયાત છે.
ચુકવણીની પદ્ધતિ: આ રકમ બે હપ્તામાં ચૂકવવામાં આવશે. પ્રથમ હપ્તો ઇન્ટર્નશિપના ૩ મહિના પૂરા થયા પછી અને બીજો હપ્તો ૬ મહિના પૂરા થયા પછી આપવામાં આવશે.
પસંદગી પ્રક્રિયા અને અરજી કરવાની સરળ રીત
ઉમેદવારોની પસંદગી અગાઉની પરીક્ષાઓમાં મેળવેલા ગુણ અને જરૂરિયાત મુજબ ઓનલાઈન ઇન્ટરવ્યુ અથવા વાતચીતના આધારે કરવામાં આવશે. જે ઉમેદવારોની પસંદગી થશે તેમને અરજી ફોર્મમાં આપેલા મેઈલ આઈડી દ્વારા જ જોડાવવાની પ્રક્રિયા વિશે જાણ કરવામાં આવશે.
અરજી કરવા માટે નીચેના પગલાં અનુસરો: ૧. સૌપ્રથમ DRDO ની સત્તાવાર વેબસાઇટ drdo.gov.in ની મુલાકાત લો. ૨. હોમ પેજ પર આપેલી DRDO Internship 2026 ની લિંક પર ક્લિક કરો. ૩. એક નવું પેજ ખૂલશે જ્યાં તમને અરજી ફોર્મ મળી રહેશે. ૪. ફોર્મમાં માંગેલી તમામ માહિતી કાળજીપૂર્વક ભરો અને તેને [email protected] પર ઈમેલ દ્વારા મોકલી આપો.
