અચાનક આવતા હાર્ટ અટેક પાછળના કારણો શું? જાણો કઈ રીતે તમારી જીવનશૈલી હૃદયને મજબૂત બનાવી શકે છે

અચાનક આવતા હાર્ટ એટેકથી બચવું હોય તો બદલો તમારી જીવનશૈલી: જાણો નિષ્ણાત ડોક્ટરની ખાસ સલાહ

કોરોનાકાળ પછી હૃદય સંબંધિત બીમારીઓમાં મોટો ઉછાળો જોવા મળ્યો છે. ઇન્સ્ટિટ્યૂટ ઓફ હાર્ટ એન્ડ લંગ ડિસીઝ (IHLD) ના ચેરમેન અને જાણીતા કાર્ડિયો વેસ્ક્યુલર સર્જન ડો. રાહુલ ચંદોલા આ બાબતે જણાવે છે કે, આપણી આધુનિક જીવનશૈલી હૃદયરોગનું મુખ્ય કારણ બની રહી છે. જો આપણે કેટલીક પાયાની આદતોમાં સુધારો કરીએ, તો હાર્ટ એટેક જેવી જીવલેણ સ્થિતિથી બચી શકાય છે.

હૃદયની બીમારીઓ દૂર રાખવા શું કરવું?

ડો. રાહુલ ચંદોલાના મતે, હૃદયને સ્વસ્થ રાખવા માટે ‘લાઇફસ્ટાઇલ’ સૌથી મોટું પરિબળ છે. હૃદયને સુરક્ષિત રાખવા માટે નીચેની બાબતો અત્યંત જરૂરી છે:

1. સારો ખોરાક અને ઊંઘ: પૌષ્ટિક આહાર અને પૂરતી ઊંઘ હૃદય માટે અમૃત સમાન છે.
2. તણાવથી બચો: આજના સ્પર્ધાત્મક યુગમાં માનસિક તણાવ હૃદય પર સીધો બોજ નાખે છે, જેમાંથી મુક્તિ મેળવવી જરૂરી છે.
3. 40 પછી સ્ક્રીનિંગ: આંકડા દર્શાવે છે કે 50% હાર્ટ એટેકના કિસ્સામાં અગાઉ કોઈ ચેતવણી મળતી નથી. તેથી, 40 વર્ષની ઉંમર પછી નિયમિત હાર્ટ ચેકઅપ કરાવવું અનિવાર્ય છે.
4. આ આદતો ટાળો: અપૂરતી ઊંઘ, વધુ પડતો સ્ટ્રેસ, બેઠાડું જીવન અને પ્રોસેસ્ડ કે જંક ફૂડનું સેવન હૃદયરોગનું જોખમ અનેકગણું વધારી દે છે.

આવું હોવું જોઈએ તમારું ડેઇલી રૂટિન

નિષ્ણાતોના મતે હૃદયને મજબૂત રાખવા માટે દિવસ દરમિયાન આટલા ફેરફારો અવશ્ય કરવા જોઈએ:

• 7 થી 7.5 કલાકની ઊંઘ: શરીર અને હૃદયના રિપેરિંગ માટે આટલી ઊંઘ લેવી જ જોઈએ.
• બ્રિસ્ક વોક: માત્ર ચાલવાને બદલે ઝડપથી ચાલો જેથી શરીરમાંથી પરસેવો નીકળે.
• અઠવાડિયાની કસરત: અઠવાડિયામાં ઓછામાં ઓછી 150 મિનિટ કસરત કે શારીરિક શ્રમ માટે ફાળવો.
• આહારનું આયોજન: ગમે ત્યારે ગમે તે ખાવાને બદલે જમવાનો ચોક્કસ સમય નક્કી કરો અને હેલ્ધી ડાયેટ લો.

હૃદય માટે કયા ટેસ્ટ છે સૌથી અસરકારક?

સામાન્ય રીતે લોકો બીમાર પડ્યા પછી હોસ્પિટલ જાય છે, પરંતુ હવે સમય બદલાયો છે. પ્રિવેન્ટિવ કેર એટલે કે બીમારી આવે તે પહેલા જ સતર્ક થવું જરૂરી છે. ડોક્ટરો જણાવે છે કે ECG, Echo કે બ્લડ ટેસ્ટ હૃદયની વાસ્તવિક સ્થિતિ જણાવવામાં એટલા કારગર નથી જેટલી એન્જિયોગ્રાફી છે. પરંતુ એન્જિયોગ્રાફી દરેક માટે પીડાદાયક હોઈ શકે છે.

એસીમાં સૂતી વખતે સાંધા જકડાઈ જાય છે? જાણો ડોક્ટર પાસેથી તેનું અસલી કારણ!

તરસ નથી લાગતી? તો પણ તમે ડીહાઈડ્રેટેડ હોઈ શકો છો! જાણો કેમ ઓફિસમાં પાણી પીવું છે સૌથી જરૂરી

તેના વિકલ્પ તરીકે હવે નવી ટેકનોલોજી ઉપલબ્ધ છે. જેમ કે ‘iLive Connect’ જેવું બાયોસેન્સર ડિવાઇસ, જે શરીરમાં એક પેચની જેમ લગાવી શકાય છે. તે 5 દિવસ સુધી સતત, ચોવીસે કલાક તમે ઊંઘતા હોવ કે કામ કરતા હોવ ત્યારે તમારા હૃદયની ગતિવિધિઓનું નિરીક્ષણ કરે છે અને સચોટ પરિણામ આપે છે.