Video: ઓવરટેક કરવાના ચક્કરમાં સર્જાયો ભયાનક અકસ્માત, કારના કુરચેકુરચા ઊડી ગયા; હચમચાવી દેશે આ વીડિયો
વાયરલ વીડિયો: રસ્તા પર ઓવરટેક કરવું હંમેશા જોખમી સાબિત થાય છે. ઘણીવાર તે લોકોનો જીવ લે છે, તો વળી ક્યારેક લોકો ગંભીર રીતે ઇજાગ્રસ્ત થાય છે. સોશિયલ મીડિયા પર અત્યારે એક એવો જ વીડિયો વાયરલ થઈ રહ્યો છે, જેમાં એક કાર ચાલક ઓવરટેક કરવાના ચક્કરમાં કેવી રીતે ભયાનક અકસ્માતનો શિકાર બને છે તે જોઈ શકાય છે.
તમને ડ્રાઈવિંગ આવડે છે એટલું જ પૂરતું નથી, પરંતુ ડ્રાઈવિંગની સાચી પરીક્ષા રસ્તા પર શરૂ થાય છે. એવા ઘણા લોકો છે જે રસ્તાઓ પર ખૂબ જ રફ ડ્રાઈવિંગ કરે છે અને પોતાના જીવની સાથે બીજાનો જીવ પણ જોખમમાં મૂકે છે. તમે સાંભળ્યું હશે કે વારંવાર ઓવરટેક ન કરવાની સલાહ આપવામાં આવે છે, કારણ કે તે ખતરનાક હોય છે, છતાં કેટલાક લોકો માનતા નથી અને અકસ્માતનો ભોગ બને છે. આવો જ એક વીડિયો સોશિયલ મીડિયા પર વાયરલ થઈ રહ્યો છે, જેને જોઈને લોકો ચોંકી ગયા છે. વીડિયોમાં એક કાર ચાલક બીજી કારને ઓવરટેક કરવાનો પ્રયાસ કરે છે અને પછી ભયાનક અકસ્માત સર્જાય છે.
પથ્થર સાથે અથડાઈને કાર હવામાં ફંગોળાઈ
વીડિયોમાં તમે જોઈ શકો છો કે ગાડીઓ રસ્તા પર ફૂલ ઝડપે દોડી રહી છે. ત્યારે જ એક કાર બીજી કારને ઓવરટેક કરવાનો પ્રયાસ કરતી જોવા મળે છે. શરૂઆતમાં લાગે છે કે કદાચ કાર આસાનીથી ઓવરટેક કરી લેશે, પરંતુ આ ચક્કરમાં અચાનક તેનું બેલેન્સ બગડે છે અને એક પથ્થર સાથે અથડાતા જ કાર પલટી જાય છે. આ ટક્કર એટલી જબરદસ્ત હતી કે કારના કુરચેકુરચા ઊડી જાય છે અને તેના કાચ તૂટીને રસ્તા પર વેરવિખેર થઈ જાય છે. આ ભયાનક અકસ્માત બીજી કારમાં સવાર વ્યક્તિએ પોતાના કેમેરામાં કેદ કરી લીધો હતો, જે જોતજોતામાં વાયરલ થઈ ગયો છે.
बस 3 सेकंड भी इंतज़ार कर लेते..
जिनके पास गाड़ी है, चलाते वक़्त सब्र ना हो तो अक्सर उन्हें नुक़सान का सामना करना पड़ता है ! pic.twitter.com/jsUGaP27RT
— Wasiuddin Siddiqui (@WasiuddinSiddi1) January 23, 2026
ઓવરટેક કરવાનું કાર ચાલકને ભારે પડ્યું
આ વીડિયો સોશિયલ મીડિયા પ્લેટફોર્મ એક્સ (ટ્વિટર) પર @WasiuddinSiddi1 નામની આઈડીથી શેર કરવામાં આવ્યો છે. કેપ્શનમાં લખ્યું છે કે, ‘માત્ર 3 સેકન્ડ પણ રાહ જોઈ લીધી હોત.. જેમની પાસે ગાડી છે, જો ચલાવતી વખતે ધીરજ ન હોય તો અવારનવાર તેમને નુકસાનનો સામનો કરવો પડે છે’.
માત્ર 17 સેકન્ડના આ વીડિયોને અત્યાર સુધીમાં 94 હજારથી વધુ વખત જોવામાં આવ્યો છે. સેંકડો લોકોએ વીડિયો લાઈક કર્યો છે અને વિવિધ પ્રતિક્રિયાઓ આપી છે. કોઈએ કહ્યું કે, ‘મુસાફરીમાં હંમેશા સાવધાની અને ધીરજથી ગાડી ચલાવવી જોઈએ. સાવચેતી હટી, દુર્ઘટના ઘટી’, તો કોઈએ કહ્યું કે, ‘ધીરજ જ તો નથી, ખબર નથી લોકોને શેની ઉતાવળ હોય છે’.
