IND vs ENG Live Streaming: સેમીફાઈનલના જંગ માટે ભારત અને ઇંગ્લેન્ડ તૈયાર, જાણો ક્યારે, ક્યાં અને કેવી રીતે જોશો LIVE
T20 વર્લ્ડ કપ 2026 ની પ્રથમ સેમીફાઈનલનું પરિણામ જાહેર થઈ ચૂક્યું છે. ન્યુઝીલેન્ડે દક્ષિણ આફ્રિકાને હરાવીને શાનદાર રીતે ફાઈનલમાં પોતાનું સ્થાન નિશ્ચિત કરી લીધું છે. હવે દુનિયાભરના ક્રિકેટ ચાહકોની નજર બીજી ફાઈનલિસ્ટ ટીમ પર ટકેલી છે. ટુર્નામેન્ટની બીજી સેમીફાઈનલમાં વર્તમાન ચેમ્પિયન ભારતનો સામનો મજબૂત ઇંગ્લેન્ડ સામે થશે. આ હાઈ-વોલ્ટેજ મુકાબલો 5 માર્ચના રોજ મુંબઈના ઐતિહાસિક વાનખેડે સ્ટેડિયમમાં રમાશે.
ઈતિહાસ રચવાની સુવર્ણ તક
ભારત અને ઇંગ્લેન્ડ બંને ટીમો પાસે આ પ્રતિષ્ઠિત ટુર્નામેન્ટમાં સૌથી વધુ વખત ટ્રોફી જીતનારી ટીમ બનવાની તક છે. અત્યાર સુધી બંને ટીમો બબ્બે વખત T20 વર્લ્ડ કપ જીતી ચુકી છે. ભારતીય ટીમ સુપર-8ના ગ્રુપ 1 માં બીજા ક્રમે રહી હતી, જ્યારે ઇંગ્લેન્ડે ગ્રુપ 2 માં ટોચનું સ્થાન મેળવીને સેમીફાઈનલમાં પ્રવેશ કર્યો છે. ન્યુઝીલેન્ડ પહેલેથી જ ફાઈનલમાં છે, ત્યારે જોવાનું એ રહેશે કે કોલકાતામાં રમાનારી ફાઈનલ મેચમાં તેની સામે કોણ ટકરાશે.
IND vs ENG સેમીફાઈનલની વિગતો
જો તમે આ રોમાંચક મેચનો આનંદ માણવા માંગતા હોવ, તો આ મહત્વની વિગતો નોંધી લેજો:
- તારીખ: 5 માર્ચ 2026
- દિવસ: ગુરુવાર
- સમય: સાંજે 7:00 વાગ્યે (ભારતીય સમય મુજબ)
- ટોસ: સાંજે 6:30 વાગ્યે (ભારતીય સમય મુજબ)
- સ્થળ: વાનખેડે સ્ટેડિયમ, મુંબઈ
ટીવી અને ઓનલાઇન ક્યાં જોશો LIVE?
ટીવી પર જીવંત પ્રસારણ:
ભારતીય ચાહકો આ સેમીફાઈનલ મેચ સ્ટાર સ્પોર્ટ્સ નેટવર્ક (Star Sports Network) ની વિવિધ ચેનલો પર જોઈ શકશે. આ મેચનું કોમેન્ટ્રી ગુજરાતી સહિતની વિવિધ પ્રાદેશિક ભાષાઓમાં પણ ઉપલબ્ધ હશે, જેથી દર્શકો પોતાની મનપસંદ ભાષામાં રમતનો આનંદ માણી શકે.
ઓનલાઇન લાઇવ સ્ટ્રીમિંગ:
જે દર્શકો મોબાઈલ કે લેપટોપ પર મેચ જોવાનું પસંદ કરે છે, તેઓ Disney+ Hotstar એપ અને વેબસાઇટ પર લાઇવ સ્ટ્રીમિંગ જોઈ શકે છે. આ પ્લેટફોર્મ પર મેચના દરેક રોમાંચક પળ અને અપડેટ્સ ઉપલબ્ધ રહેશે.
#T20WorldCup Semi-Final 2 loading ⏳
Who claims the final spot to face New Zealand for the ultimate prize?
Tournament broadcast details 📲 https://t.co/NPykWM7qqY pic.twitter.com/eyjwa2q5RF
— ICC (@ICC) March 5, 2026
બંને ટીમોની સ્ક્વોડ
ભારત:
સૂર્યકુમાર યાદવ (કેપ્ટન), અભિષેક શર્મા, તિલક વર્મા, સંજુ સેમસન, શિવમ દુબે, ઈશાન કિશન, હાર્દિક પંડ્યા, અર્શદીપ સિંહ, જસપ્રિત બુમરાહ, મોહમ્મદ સિરાજ, વરુણ ચક્રવર્તી, કુલદીપ યાદવ, અક્ષર પટેલ, વોશિંગ્ટન સુંદર, રિંકુ સિંહ.
In it to win it! 🤩🚀⏳
With a ticket to the final on the line, which team takes the win tonight?
ICC Men’s #T20WorldCup Semi-Final 2 👉 #INDvENG | THU, 5 MAR, 5:30 PM pic.twitter.com/t2OCR5PQZb
— Star Sports (@StarSportsIndia) March 5, 2026
ઇંગ્લેન્ડ:
હેરી બ્રુક (કેપ્ટન), રેહાન અહેમદ, જોફ્રા આર્ચર, ટોમ બેન્ટન, જેકબ બેથલ, જોસ બટલર, સેમ કરન, લિયામ ડોસન, બેન ડકેટ, વિલ જેક્સ, જેમી ઓવરટન, આદિલ રાશિદ, ફિલ સોલ્ટ, જોશ ટંગ, લ્યુક વુડ.
