મે મહિનામાં બેંકોમાં રજાઓનો મારો: કામ પર નીકળતા પહેલા જોઈ લો RBIનું આ નવું લિસ્ટ
મે મહિનાની શરૂઆત માત્ર કેલેન્ડરના પાના જ નથી બદલતી, પરંતુ સામાન્ય માણસના ખિસ્સા અને દિનચર્યા સાથે જોડાયેલા અનેક નિયમોમાં પણ મોટા ફેરફારો લાવે છે. એપ્રિલના અંત સાથે જ 1 મે 2026થી દેશમાં ગેસ સિલિન્ડરના ભાવથી લઈને ઓનલાઇન ગેમિંગ અને બેંકિંગ ક્ષેત્રે પાંચ મોટા ફેરફારો અમલી બન્યા છે.
મે 2026 થી અમલી બનેલા 5 મોટા ફેરફારો
1. રાંધણ ગેસ (LPG) અને ઇંધણના ભાવમાં ફેરફાર
આંતરરાષ્ટ્રીય બજારમાં તેલના ભાવમાં સતત વધારો જોવા મળી રહ્યો છે. ભારતમાં હાલમાં પેટ્રોલ અને ડીઝલના છૂટક ભાવમાં સ્થિરતા જોવા મળી રહી છે કારણ કે સરકારી તેલ કંપનીઓ આ વધારાનો બોજ પોતે સહન કરી રહી છે. જોકે, દર મહિનાની પહેલી તારીખે LPG સિલિન્ડરના ભાવની સમીક્ષા કરવામાં આવે છે.
નિષ્ણાતોના મતે, 1 મેથી કોમર્શિયલ અને ઘરેલું LPG સિલિન્ડરની કિંમતોમાં વધારો થવાની પૂરેપૂરી શક્યતા છે. જો ગેસના ભાવ વધશે તો સામાન્ય માણસના રસોડાનું બજેટ ખોરવાઈ શકે છે.
2. ઓનલાઇન ગેમિંગ માટે નવા અને કડક નિયમો
ડિજિટલ દુનિયામાં સૌથી મોટો ફેરફાર ઓનલાઇન ગેમિંગ ક્ષેત્રે આવ્યો છે. ‘ઓનલાઇન ગેમિંગ રૂલ્સ 2026’ હેઠળ હવેથી તમામ ઓનલાઇન ગેમ્સ પર સરકારની કડક નજર રહેશે.
-
OGAI ની રચના: ભારત સરકારે ‘ઓનલાઇન ગેમિંગ ઓથોરિટી ઓફ ઇન્ડિયા’ (OGAI) ની સ્થાપના કરી છે.
-
ગેમ્સનું વર્ગીકરણ: ગેમ્સને ત્રણ મુખ્ય ભાગમાં વહેંચવામાં આવશે: ઓનલાઇન મની ગેમ્સ, સોશિયલ ગેમ્સ અને ઈ-સ્પોર્ટ્સ.
-
સુરક્ષા અને નોંધણી: જે ગેમ્સમાં નાણાકીય જોખમ વધારે છે, તેમના માટે રજીસ્ટ્રેશન ફરજિયાત રહેશે. બાળકો માટે પેરેન્ટલ કંટ્રોલ અને ગેમ રમવાની સમય મર્યાદા જેવા નિયમો પણ લાગુ કરવામાં આવ્યા છે. વિદેશી ગેમિંગ કંપનીઓએ પણ જો ભારતીય યૂઝર્સને સેવા આપવી હશે, તો આ નિયમોનું પાલન કરવું જ પડશે.
3. CNG, PNG અને હવાઈ ઇંધણ (ATF) ના ભાવ
1 મેથી માત્ર રસોડાનો ગેસ જ નહીં, પણ વાહન ચલાવવું અને વિમાન પ્રવાસ પણ મોંઘો થઈ શકે છે.
-
ATF માં ફેરફાર: એર ટર્બાઇન ફ્યુઅલ (ATF) ના ભાવમાં સુધારો થવા જઈ રહ્યો છે. અગાઉ એપ્રિલમાં ભાવ બમણા કરાયા બાદ વિરોધને પગલે પાછા ખેંચાયા હતા, પરંતુ હવે ફરીથી ભાવ વધારાની તલવાર લટકી રહી છે.
-
CNG-PNG: પાઇપલાઇન દ્વારા મળતા ગેસ (PNG) અને સીએનજીના ભાવમાં ફેરફાર થવાથી પરિવહન ખર્ચ વધશે, જે આડકતરી રીતે શાકભાજી અને અન્ય ચીજવસ્તુઓના ભાવમાં વધારો કરી શકે છે.
4. બેંકોમાં રજાઓનો મારો
જો તમારે મે મહિનામાં બેંકનું કોઈ મહત્વનું કામ પતાવવાનું હોય, તો આરબીઆઈ (RBI) ની રજાઓની યાદી અચૂક જોઈ લેવી જોઈએ. મે મહિનામાં રજાઓનું લાંબુ લિસ્ટ છે:
-
મુખ્ય રજાઓ: 1 મે ના રોજ ‘મહારાષ્ટ્ર દિવસ’ અને ‘લેબર ડે’ નિમિત્તે અનેક રાજ્યોમાં બેંકો બંધ રહેશે. આ ઉપરાંત રવીન્દ્રનાથ ટાગોર જયંતી અને ઈદ-ઉલ-અઝહા (બકરીદ) જેવા તહેવારોને કારણે પણ કામકાજ બંધ રહેશે.
-
તમામ રવિવાર અને બીજા તથા ચોથા શનિવારે બેંકોમાં રજા રહેશે, તેથી ડિજિટલ બેંકિંગનો ઉપયોગ કરવો હિતાવહ રહેશે.
5. એસબીઆઈ (SBI) ક્રેડિટ કાર્ડના નિયમોમાં ફેરફાર
ક્રેડિટ કાર્ડ વાપરનારાઓ માટે SBI કાર્ડ દ્વારા મોટા ફેરફારોની જાહેરાત કરવામાં આવી છે:
-
લેટ પેમેન્ટ ચાર્જ: જો તમારું બિલ 100 થી 500 રૂપિયાની વચ્ચે બાકી હશે, તો હવે 100 રૂપિયા લેટ ફી લાગશે. જો બાકી રકમ 500 થી 1000 રૂપિયાની વચ્ચે હશે, તો આ ચાર્જ વધારીને 500 રૂપિયા કરવામાં આવ્યો છે.
-
વાર્ષિક ફી માફીની મર્યાદા: BPCL SBI ક્રેડિટ કાર્ડ ધારકો માટે વાર્ષિક ફી માફી મેળવવા માટેનો ખર્ચ મર્યાદા (Spending Limit) હવે 50,000 થી વધારીને 1 લાખ રૂપિયા કરી દેવામાં આવી છે. એટલે કે, જો તમે વર્ષમાં 1 લાખ રૂપિયા ખર્ચશો તો જ તમારી એન્યુઅલ ફી માફ થશે.
