પારડીમાં “સ્વસ્થ ગુજરાત, મેદસ્વિતામુક્ત ગુજરાત” સંકલ્પ સાથે દ્વિદિવસીય તાલુકા કક્ષાની યોગ શિબિર યોજાઈ

હર ઘર યોગ અભિયાનને વેગ, પારડી ખાતે ૩૦૦થી વધુ યોગપ્રેમીઓની ઉપસ્થિતિમાં યોગ અભ્યાસ

વલસાડ જિલ્લાના પારડી તાલુકા સ્થિત સરદાર વલ્લભભાઈ પટેલ ઉદ્યાન ખાતે ગુજરાત રાજ્ય યોગ બોર્ડ દ્વારા બે દિવસીય તાલુકા કક્ષાની યોગ શિબિરનું ભવ્ય આયોજન કરવામાં આવ્યું હતું. વડાપ્રધાન નરેન્દ્રભાઈ મોદીના યોગને વિશ્વ સ્તરે લઈ જવાના અભિગમ અને રાજ્ય સરકારના ‘હર ઘર યોગ’ના સપનાને સાકાર કરવાના ઉમદા હેતુથી આ શિબિર યોજાઈ હતી. જેમાં પારડીના ૩૦૦થી વધુ યોગ પ્રેમીઓએ ઉત્સાહભેર ભાગ લીધો હતો.

વિવિધ ક્ષેત્રના મહાનુભાવોની ગરિમામય ઉપસ્થિતિ

તા. ૨૭ અને ૨૮ ફેબ્રુઆરીના રોજ આયોજિત આ શિબિરમાં નગરપાલિકાના કારોબારી ચેરમેન ચેતન ભંડારી, અખિલ હિન્દ મહિલા પ્રેસિડેન્ટ મીના કોઠારી, બ્રહ્માકુમારી સંસ્થાના બી.કે. પારુલ દીદી સહિતના મહાનુભાવો ઉપસ્થિત રહ્યા હતા. આ સાથે જ આઈ.ટી.આઈ. કોલેજના પ્રોફેસરો અને નગરપાલિકાના અધિકારીઓએ પણ હાજરી આપી યોગના આ સામાજિક અભિયાનને પ્રોત્સાહન પૂરું પાડ્યું હતું.

યોગ શિક્ષણ અને ટ્રેનર બનવા માટેનું વિશેષ માર્ગદર્શન

શિબિર દરમિયાન સહભાગીઓને વિવિધ આસનો, પ્રાણાયામ અને ધ્યાનની ગહન તાલીમ આપવામાં આવી હતી. આ શિબિરની સફળતાના પરિણામે આગામી માસમાં ૫૦થી વધુ લોકો યોગ ટ્રેનર તરીકે નોંધણી કરાવશે અને અનેક નવા નિઃશુલ્ક યોગ વર્ગો શરૂ થશે. ઝોન કો-ઓર્ડીનેટર પ્રીતિબેન પાંડે અને જિલ્લા કો-ઓર્ડીનેટર પ્રીતિબેન વૈષ્ણવના કુશળ સંચાલનથી આ શિબિરે સ્થાનિક સ્તરે યોગની જાગૃતિ વધારવામાં મહત્વની ભૂમિકા ભજવી છે.

વલસાડ ચૂંટણીના શોરમાં દબાયો મૃતાત્માઓનો આક્રંદ: પીએમ મોદીએ શોક વ્યક્ત કર્યો, પણ ગુજરાત મુખ્યમંત્રી પાસે સંવેદના માટે સમય નથી?

ઉમરગામ મામલતદારનો આપઘાત: વહીવટી તંત્રમાં ખળભળાટ અને પ્રશ્નોની હારમાળા

ઓનલાઇન રજીસ્ટ્રેશન અને ભાવિ આયોજન

વલસાડ જિલ્લા કો-ઓર્ડીનેટર પ્રીતિબેન વૈષ્ણવે જણાવ્યું હતું કે, આગામી દિવસોમાં પણ આ પ્રકારની શ્રુંખલાબદ્ધ શિબિરો યોજવામાં આવશે. જે નાગરિકો યોગ ટ્રેનર તરીકે સેવા આપવા માંગતા હોય તેઓ ગુજરાત રાજ્ય યોગ બોર્ડની સત્તાવાર વેબસાઈટ www.gsyb.in પર જઈને ઓનલાઇન રજીસ્ટ્રેશન ફોર્મ ભરી શકે છે. આ પોર્ટલ પરથી યોગ અને તેને લગતી વિવિધ તાલીમોની વધુ માહિતી પણ પ્રાપ્ત થઈ શકશે.