સાતને ડ્રગ્સની હેરાફેરી બદલ ફાંસી આપવામાં આવી હતી અને એક વ્યક્તિને તેની માતાની હત્યા કરવા બદલ ફાંસી
સાઉદી અરેબિયામાં ફરી એક વખત કડક કાયદાઓ હેઠળ ફાંસીની ઘટનાઓએ દુનિયાનું ધ્યાન ખેંચ્યું છે. રાજ્યના દક્ષિણી વિસ્તારમાં આવેલા નજરાન શહેરમાં એક જ દિવસમાં 8 લોકોને ફાંસી આપવામાં આવી હતી. જેમાંથી 7 વિદેશી નાગરિકો પર ડ્રગ્સની હેરાફેરીનો આરોપ હતો અને એક સાઉદી નાગરિકે પોતાની જ માતાની હત્યા કરી હતી. રાજ્યની અધિકૃત સમાચાર એજન્સી, સાઉદી પ્રેસ એજન્સી (SPA) દ્વારા આ માહિતી આપવામાં આવી છે.
ફાંસીની સજા મળનારા વિદેશી નાગરિકોમાં ચાર સોમાલી અને ત્રણ ઇથોપિયન નાગરિકોનો સમાવેશ થાય છે. બધા જણા હાશીશ જેવી ડ્રગ્સની દાણચોરીમાં દોષિત ઠેરવાયા હતા. એટલું જ નહીં, પણ 2025 ની શરૂઆતથી અત્યાર સુધીમાં કુલ 230 લોકો ફાંસી ચડી ચુક્યા છે, જેમાંથી 154 લોકોને માત્ર ડ્રગ્સ સંબંધિત ગુનાઓ માટે ફાંસી આપવામાં આવી છે.
વિશ્લેષકો માને છે કે 2025માં ફાંસીની ગતિ 2024 કરતાં પણ વધુ રહેશે.
ગયા વર્ષે 338 લોકોના મૃત્યુદંડના કેસ નોંધાયા હતા. આ વધારાનો મુખ્ય કારણ 2023માં શરૂ કરાયેલ “ડ્રગ્સ સામે યુદ્ધ” અભિયાન છે. આ અભિયાન અંતર્ગત અનેક વિદેશી અને સ્થાનિક નાગરિકોની ધરપકડ કરવામાં આવી છે અને તેમના પર કડક પગલાં લેવામાં આવી રહ્યા છે.
ડ્રગ્સ સંબંધિત ફાંસી અંગે 2019થી 2022 સુધી વચ્ચે ફાંસી પર અમુક હદ સુધી પ્રતિબંધ હતો. પરંતુ 2022માં 19 લોકો, 2023માં 2 લોકો, 2024માં 117 લોકો અને 2025માં અત્યાર સુધીમાં 154 લોકોને ફાંસી આપવામાં આવી છે.
માનવાધિકાર સંસ્થાઓ આ વધતી જતી ફાંસીની સંખ્યાને લઈને ચિંતા વ્યક્ત કરી રહી છે.
તેઓ કહે છે કે સાઉદી અરેબિયાની આ નીતિ તે દેશમાં ખુલ્લા અને આધુનિક સમાજના દાવાઓ સાથે સંવાદિત નથી. વિઝન 2030 અંતર્ગત સાવધાનીથી દેશની છબી ઘડી રહ્યાં છે ત્યારે આવી કડક શસ્તિ વિવાદનું કારણ બની શકે છે. બીજી તરફ, સરકારનું કહેવું છે કે મૃત્યુદંડ માત્ર ગંભીર ગુનાઓમાં અને તમામ કાયદાકીય પ્રક્રિયા પછી જ આપવામાં આવે છે, જેનો ઉદ્દેશ જાહેર વ્યવસ્થાની રક્ષા કરવાનો છે.
