ડોનાલ્ડ ટ્રમ્પની બિલ્ડિંગમાં શંકાસ્પદ વસ્તુ મળતા દોડધામ: સુરક્ષા એજન્સીઓ એલર્ટ પર, આસપાસનો વિસ્તાર સીલ

ન્યૂયોર્કના ટ્રમ્પ ટાવરમાંથી શંકાસ્પદ પેકેજ મળતા ખળભળાટ: પોલીસ અને બોમ્બ સ્ક્વોડ ઘટનાસ્થળે

અમેરિકાના રાષ્ટ્રપતિ ડોનાલ્ડ ટ્રમ્પ દ્વારા ઈરાન સામે છેડવામાં આવેલા જંગને કારણે સમગ્ર વિશ્વમાં ભારે તણાવ જોવા મળી રહ્યો છે. અમેરિકી સેના છેલ્લા કેટલાક દિવસોથી ઈરાન પર ભીષણ બોમ્બમારો કરી રહી છે. આ યુદ્ધની વચ્ચે રાષ્ટ્રપતિ ટ્રમ્પ સાથે જોડાયેલી એક ચોંકાવનારી ઘટના સામે આવી છે. અમેરિકાના મેનહટન સ્થિત સુપ્રસિદ્ધ ‘ટ્રમ્પ ટાવર’ માંથી એક શંકાસ્પદ પેકેજ મળી આવ્યું હોવાની જાણકારી મળતા જ ન્યૂયોર્ક પોલીસ અને સીક્રેટ સર્વિસ એક્શન મોડમાં આવી ગઈ હતી.

મેલરૂમમાંથી મળ્યું પેકેજ: સુરક્ષા એજન્સીઓ થઈ એલર્ટ

પ્રાપ્ત વિગતો અનુસાર, સોમવારે બપોરે મેનહટન ખાતે આવેલા ટ્રમ્પ ટાવરના મેલરૂમમાં એક શંકાસ્પદ પેકેટ મળી આવ્યું હતું. આ જોતા જ સીક્રેટ સર્વિસે તાત્કાલિક 911 પર કોલ કરીને ન્યૂયોર્ક સિટી પોલીસ ડિપાર્ટમેન્ટ (NYPD) ને જાણ કરી હતી. પોલીસના બોમ્બ સ્ક્વોડે તુરંત સ્થળ પર પહોંચીને તપાસ હાથ ધરી હતી. તપાસ દરમિયાન સાવચેતીના ભાગરૂપે ટાવરની આસપાસ સુરક્ષાનો ચુસ્ત બંદોબસ્ત ગોઠવી દેવામાં આવ્યો હતો. જોકે, રાહતની વાત એ છે કે આ ઘટનામાં કોઈ જાનહાનિ થઈ નથી અને કોઈને ઈજા પણ પહોંચી નથી.

ટ્રાફિક જામ અને જાહેર ચેતવણી

ટ્રમ્પ ટાવર ફિફ્થ એવન્યુ અને વેસ્ટ 56 સ્ટ્રીટ જેવા વ્યસ્ત વિસ્તારમાં આવેલું હોવાથી, આ ઘટના બાદ ત્યાં પોલીસ અને ઈમરજન્સી સેવાઓના વાહનોનો જમાવડો જોવા મળ્યો હતો. ન્યૂયોર્ક સિટીની ઈમરજન્સી ઇન્ફોર્મેશન સિસ્ટમ દ્વારા એક એડવાઈઝરી જારી કરવામાં આવી હતી, જેમાં જણાવાયું હતું કે: “મેનહટનમાં ફિફ્થ એવન્યુ પાસે પોલીસની હાજરીને કારણે ટ્રાફિકમાં વિલંબ, રસ્તાઓ બંધ અને જાહેર પરિવહનમાં ખલેલ પડી શકે છે. નાગરિકોને આ વિસ્તારમાં જવાનું ટાળવા વિનંતી છે.”

“જો હું ન હોત તો તું જેલમાં હોત…” – ડોનાલ્ડ ટ્રમ્પે ઇઝરાયેલી પીએમ નેતન્યાહૂને કેમ આપવી પડી આવી કડક ચેતવણી?

મધ્ય-પૂર્વમાં ફરી યુદ્ધના ભણકારા: બૈરૂત પર હુમલો થયો તો ઈરાન નહીં બેસે ચૂપ

યુદ્ધ વિરોધી પ્રદર્શનો અને હાઈ એલર્ટ

અહેવાલ મુજબ, બોમ્બ સ્ક્વોડની તપાસ બાદ હવે આ પેકેજને જોખમની શ્રેણીમાંથી હટાવી દેવામાં આવ્યું છે, એટલે કે તેમાં કોઈ વિસ્ફોટક મળી આવ્યું નથી. આ ઘટના એવા સમયે બની છે જ્યારે ઈરાન સાથેના યુદ્ધને લઈને અમેરિકામાં કાયદા અમલીકરણ એજન્સીઓ ‘હાઈ એલર્ટ’ પર છે. ઉલ્લેખનીય છે કે, સોમવારે રાત્રે જ ટ્રમ્પ ટાવરની બહાર મોટી સંખ્યામાં યુદ્ધ વિરોધી પ્રદર્શનકારીઓએ એકઠા થઈને અમેરિકાની સૈન્ય કાર્યવાહીનો વિરોધ કર્યો હતો.

આ ઘટના બાદ ટ્રમ્પ ટાવર અને રાષ્ટ્રપતિ ટ્રમ્પ સાથે જોડાયેલી અન્ય મિલકતોની સુરક્ષામાં ધરખમ વધારો કરી દેવામાં આવ્યો છે.