અભિષેક શર્માનો વર્લ્ડ રેકોર્ડ ધરાશાયી! કીવી બેટ્સમેને માત્ર એક જ મહિનામાં મચાવી તબાહી

અભિષેક શર્માનો રેકોર્ડ 1 મહિનો પણ ન ટક્યો, ન્યૂઝીલેન્ડના ખેલાડીએ ઈતિહાસ બદલી નાખ્યો

ટી-૨૦ વર્લ્ડ કપ 2026ની 11મી મેચમાં ન્યૂઝીલેન્ડ અને યુએઈ વચ્ચે ચેન્નાઈના એમ.એ. ચિદમ્બરમ સ્ટેડિયમમાં રમાયેલી મુકાબલે ક્રિકેટ જગતમાં ભારે ચર્ચા જગાવી દીધી. આ મેચમાં ન્યૂઝીલેન્ડના વિસ્ફોટક ઓપનર ફિન એલને એવી ધમાકેદાર બેટિંગ કરી કે અનેક મોટા રેકોર્ડ તૂટી ગયા. ફિન એલને ટિમ સીફર્ટ સાથે મળીને પ્રથમ વિકેટ માટે 175 રનની જોરદાર ભાગીદારી નોંધાવી, જે ટી-૨૦ વર્લ્ડ કપના ઇતિહાસમાં કોઈપણ વિકેટ માટેની સૌથી મોટી ભાગીદારી બની છે.

આ પહેલાં આ રેકોર્ડ ઇંગ્લેન્ડના જોશ બટલર અને એલેક્સ હેલ્સના નામે હતો. બંનેએ 2022ના ટી-૨૦ વર્લ્ડ કપના સેમીફાઇનલમાં ભારત સામે 170 રનની અવિજય ભાગીદારી કરી હતી. પરંતુ હવે ફિન એલન અને ટિમ સીફર્ટે તે રેકોર્ડને પાછળ છોડી દીધો છે. યુએઈના બોલરોને બંને બેટ્સમેનોએ એક પણ મોકો આપ્યો નહોતો અને મેદાનના ચારેય બાજુ શોટ્સની વરસાદ વરસાવી દીધી હતી.

ફિન એલને આ ઐતિહાસિક ભાગીદારી દરમિયાન 50 બોલમાં 84 રનની શાનદાર ઇનિંગ રમી. તેની ઇનિંગમાં 5 ચોગ્ગા અને 5 ગગનચુંબી છગ્ગા સામેલ હતા. એલનની આ ઇનિંગ માત્ર મેચ જીતાડનારી જ નહોતી, પરંતુ અનેક રેકોર્ડ તોડનારી પણ સાબિત થઈ. તેની આ બેટિંગથી દર્શકોમાં ભારે ઉત્સાહ છવાઈ ગયો અને ક્રિકેટ વિશ્લેષકો પણ તેની પ્રશંસા કરતા થાક્યા નહીં.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

આ મેચ દરમિયાન ફિન એલને એક વધુ મોટો કારનામો કર્યો. તેણે ટી-૨૦ ક્રિકેટમાં સૌથી ઓછી બોલમાં 5000 રન પૂર્ણ કરવાનો વિશ્વ રેકોર્ડ પોતાના નામે કર્યો. એલને માત્ર 2854 બોલમાં 5000 રન પૂર્ણ કર્યા. આ સાથે તેણે ભારતના યુવા ઓપનર અભિષેક શર્માનો રેકોર્ડ તોડી નાખ્યો. અભિષેક શર્માએ ગયા મહિને 21 જાન્યુઆરીએ નાગપુરમાં ન્યૂઝીલેન્ડ સામેની પ્રથમ ટી-૨૦ આંતરરાષ્ટ્રીય મેચ દરમિયાન 2898 બોલમાં 5000 રન પૂર્ણ કર્યા હતા. પરંતુ તેમનો આ રેકોર્ડ એક મહિનો પણ ટકી શક્યો નહીં અને ફિન એલને તેને પાછળ મૂકી દીધો.

ટી-૨૦ ક્રિકેટમાં સૌથી ઓછી બોલમાં 5000 રન બનાવનાર બેટ્સમેનોની યાદી નીચે મુજબ છે:

ફિન એલન – 2854 બોલ
અભિષેક શર્મા – 2898 બોલ
આન્દ્રે રસેલ – 2942 બોલ
ટિમ ડેવિડ – 3127 બોલ
વિલ જેક્સ – 3196 બોલ
ગ્લેન મૅક્સવેલ – 3239 બોલ

આ સિવાય ફિન એલને છગ્ગાઓના મામલે પણ નવો ઇતિહાસ રચ્યો. તેણે માત્ર 871 બોલમાં 100 છગ્ગા પૂર્ણ કર્યા અને ટી-૨૦ આંતરરાષ્ટ્રીય ક્રિકેટમાં સૌથી ઝડપથી 100 છગ્ગા ફટકારનાર ત્રીજો બેટ્સમેન બન્યો. આ યાદીમાં વેસ્ટ ઇન્ડિઝના ઇવિન લુઇસ પ્રથમ સ્થાને છે, જેઓએ 789 બોલમાં 100 છગ્ગા ફટકાર્યા હતા. જ્યારે ઓસ્ટ્રિયાના કરણબીર સિંહે 813 બોલમાં આ સિદ્ધિ મેળવી હતી.

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

આઈપીએલ ફાઇનલમાં હાર બાદ શુભમન ગિલ ભાવુક: કહ્યું- ‘ટ્રોફીની આટલી નજીક આવીને હારવાનું મોટું દર્દ છે, નિરાશા ભારે પડી’

ફિન એલનની આ જબરદસ્ત ઇનિંગ અને રેકોર્ડબ્રેકિંગ પ્રદર્શનને કારણે ન્યૂઝીલેન્ડ ટીમને મજબૂત શરૂઆત મળી અને મેચ પર પૂરો કાબૂ રહ્યો. તેની આ ધમાકેદાર બેટિંગથી ટી-૨૦ વર્લ્ડ કપ 2026 વધુ રોમાંચક બની ગયો છે. ક્રિકેટ ચાહકો હવે આગળની મેચોમાં પણ ફિન એલન પાસેથી આવી જ વિસ્ફોટક પ્રદર્શનની અપેક્ષા રાખી રહ્યા છે.