તિનનું શેડ્યૂલ ફાઈનલ! ભારત-રશિયાની દોસ્તી નવા મુકામ પર, સુરક્ષા વ્યવસ્થા પર ખાસ રિપોર્ટ
રશિયાના રાષ્ટ્રપતિ વ્લાદિમીર પુતિન ગુરુવારે ભારત આવવાના છે. તેમની મુલાકાત પહેલા દિલ્હીમાં સુરક્ષા હાઇ એલર્ટ પર છે. ભારત અને રશિયાની સુરક્ષા એજન્સીઓએ દિલ્હીને અભેદ્ય કિલ્લામાં ફેરવી દીધું છે.
રશિયાના રાષ્ટ્રપતિ વ્લાદિમીર પુતિન ગુરુવાર, 4 ડિસેમ્બરના રોજ ભારત પહોંચવાના છે. પુતિનની ભારત મુલાકાત પર આખી દુનિયાની નજર છે. તેનું કારણ ભારત અને રશિયા વચ્ચે થનારી ડિફેન્સ ડીલ (રક્ષા સોદો) છે. વ્લાદિમીર પુતિન ભારતને માત્ર હથિયારો જ નહીં, પરંતુ તેની સંપૂર્ણ ટેક્નોલોજી પણ આપી રહ્યા છે. એટલે કે ભારતને હથિયારો તો મળશે જ, સાથે તેની ટેકનિક પણ મળશે. ભારત આ હથિયારો પોતાના દેશમાં જ બનાવી શકશે. આ બધાની વચ્ચે, સૂત્રોના હવાલાથી વ્લાદિમીર પુતિનની મુલાકાતનો સંપૂર્ણ કાર્યક્રમ સામે આવ્યો છે.
શું છે પુતિનની યાત્રાનો કાર્યક્રમ?
સૂત્રો પાસેથી મળેલી માહિતી મુજબ, એવી સંભાવના છે કે રશિયાના રાષ્ટ્રપતિ વ્લાદિમીર પુતિન ગુરુવાર, 4 ડિસેમ્બરના રોજ સાંજે 7 વાગ્યા સુધીમાં ભારત પહોંચશે. તે ગુરુવારે જ ભારતના વડાપ્રધાન નરેન્દ્ર મોદી સાથે મુલાકાત કરશે.
ત્યાર બાદ શુક્રવાર, 5 ડિસેમ્બરના રોજ વ્લાદિમીર પુતિન પહેલા રાજઘાટ જઈ શકે છે અને તે પછી તેમના હૈદરાબાદ હાઉસ જવાની પણ સંભાવના છે, જ્યાં દ્વિપક્ષીય બેઠક યોજાશે. આ બેઠક પછી સંયુક્ત નિવેદનો જાહેર કરવામાં આવશે.
રાષ્ટ્રપતિ ભવનમાં હશે પુતિન
સૂત્રોના હવાલેથી સામે આવેલી માહિતી મુજબ, રશિયાના રાષ્ટ્રપતિ વ્લાદિમીર પુતિન 5 ડિસેમ્બરના રોજ દિલ્હીમાં સ્થિત ભારત મંડપમ ખાતે FICCI દ્વારા આયોજિત એક કાર્યક્રમમાં ભાગ લઈ શકે છે. આ પછી પુતિન રાષ્ટ્રપતિ ભવનમાં આયોજિત એક રાજકીય ભોજન સમારોહ (State Banquet) માં સામેલ થઈ શકે છે.
