વડનગરના મોલીપુરની કોરોનાગ્રસ્ત મહિલાએ જન્મ આપેલા જોડિયા સંતાનો પૈકી પુત્રને સોમવારે કોરોના પોઝિટિવ રિપોર્ટ આવતાં તંત્ર ચોંકી ઊઠયું છે. એક દિવસના બાળકને કોરોના પોઝિટિવ આવ્યો હોય તેવો ગુજરાતમાં આ પ્રથમ કેસ છે. વડનગર મેડિકલ કોલેજના સુપ્રિન્ટેન્ડેન્ટ એચ.ડી પાલેકરે આ રિપોર્ટને શંકાસ્પદ ગણાવ્યો હતો અને બે દિવસ બાદ બાળકનું પુનઃ સેમ્પલ લેવાશે તેમ જણાવ્યું હતું.
મોલીપુરની કોરોના સંક્રમિત હસુમતીબેન પરમારે ગત શનિવારે વડનગર મેડિકલ હોસ્પિટલમાં જોડિયા બાળકોને જન્મ આપ્યો હતો. બાળકોના વોર્ડમાં રખાયેલાં આ બંને બાળકોના કોરોના સેમ્પલ લેવાયા હતા. નવજાત બાળકીનો રિપોર્ટ નેગેટિવ આવ્યો છે, જ્યારે બાળકનો રિપોર્ટ પોઝિટિવ આવતાં બે દિવસ બાદ તેનું પુનઃ સેમ્પલ લેવાશે. પોઝિટિવ આવે તો બંને નવજાત બાળકોને આવે. સંક્રમણ થવા માટે મુખ્ય એવું બ્રેસ્ટ ફિડિંગ પણ કરાવ્યુ નથી અને બંને બાળકો એકસાથે જ છે ત્યારે પોઝિટિવ રીપોર્ટ આવવો શક્ય નથી, છતાં કન્ફર્મ કરીશું. – એચ.ડી.
