ટ્રમ્પની એન્થ્રોપિક AI પર ‘સર્જિકલ સ્ટ્રાઈક’! ફેડરલ ઓફિસોમાં ઉપયોગ પર લગાવ્યો પ્રતિબંધ, જાણો શું છે વિવાદ

Anthropic AI વિરુદ્ધ ટ્રમ્પનું મોટું પગલું: કેમ લેવાયો આ નિર્ણય અને કોને થશે ફાયદો?

અમેરિકી રાષ્ટ્રપતિ ડોનાલ્ડ ટ્રમ્પે આર્ટિફિશિયલ ઇન્ટેલિજન્સ (AI) ક્ષેત્રની દિગ્ગજ કંપની એન્થ્રોપિક (Anthropic) વિરુદ્ધ કડક કાર્યવાહીના સંકેત આપ્યા છે. ટ્રમ્પે તમામ ફેડરલ વિભાગોને એન્થ્રોપિકની ટેક્નોલોજીનો ઉપયોગ તાત્કાલિક બંધ કરવા નિર્દેશ આપ્યો છે. AI સુરક્ષા માપદંડોને લઈને પેન્ટાગન (અમેરિકી સંરક્ષણ વિભાગ) સાથે થયેલા વિવાદ બાદ આ મોટું પગલું ભરવામાં આવ્યું છે.

શું છે સમગ્ર વિવાદ?

ટ્રમ્પે પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર એક પોસ્ટમાં સ્પષ્ટપણે જણાવ્યું હતું કે, “હું અમેરિકી સરકારની દરેક ફેડરલ એજન્સીને એન્થ્રોપિકની ટેક્નોલોજીનો ઉપયોગ તરત જ બંધ કરવાનો આદેશ આપું છું. અમને તેની જરૂર નથી અને અમે તેમની સાથે ફરી ક્યારેય બિઝનેસ કરીશું નહીં!”

આ વિવાદની શરૂઆત ત્યારે થઈ જ્યારે પેન્ટાગોને એન્થ્રોપિકના ‘ક્લાઉડ ચેટબોટ’ના કોઈપણ પ્રતિબંધ વગરના ઉપયોગની માંગ કરી. બીજી તરફ, એન્થ્રોપિક કંપનીએ AI નો ઉપયોગ મોટા પાયે દેખરેખ (Surveillance) અને સ્વાયત્ત હથિયારો (Autonomous Weapons) માં કરવા પર મર્યાદા રાખવાનો આગ્રહ રાખ્યો હતો. કંપનીની આ ‘સેફ્ટી ફર્સ્ટ’ નીતિ ટ્રમ્પ પ્રશાસનને ગમી નથી.

“જો હું ન હોત તો તું જેલમાં હોત…” – ડોનાલ્ડ ટ્રમ્પે ઇઝરાયેલી પીએમ નેતન્યાહૂને કેમ આપવી પડી આવી કડક ચેતવણી?

મધ્ય-પૂર્વમાં ફરી યુદ્ધના ભણકારા: બૈરૂત પર હુમલો થયો તો ઈરાન નહીં બેસે ચૂપ

પેન્ટાગોને જાહેર કર્યું ‘સપ્લાય ચેઈન રિસ્ક’

રાષ્ટ્રપતિના નિર્દેશ બાદ સંરક્ષણ સચિવ પીટ હેગસેથે એન્થ્રોપિક PBC ને ‘સપ્લાય-ચેઈન રિસ્ક’ તરીકે જાહેર કરી દીધું છે. હેગસેથે એક્સ (X) પર લખ્યું કે, “અમેરિકાના લડવૈયાઓ ક્યારેય ‘બિગ ટેક’ કંપનીઓની વિચારધારાના બંધક નહીં બને.” પેન્ટાગોને તમામ કોન્ટ્રાક્ટરોને એન્થ્રોપિક સાથેની વ્યાપારી પ્રવૃત્તિઓ રોકવા માટે છ મહિનાનો સમય આપ્યો છે.

કોને થશે ફાયદો?

એન્થ્રોપિક પરના આ પ્રતિબંધથી AI માર્કેટમાં મોટું પરિવર્તન આવી શકે છે:

• ગ્રોક (Grok) ને ફાયદો: એલોન મસ્કની AI ફર્મ ‘ગ્રોક’ ને આ વિવાદથી સૌથી વધુ ફાયદો થવાની શક્યતા છે. પેન્ટાગોન તેને ક્લાસિફાઇડ મિલિટરી નેટવર્કનો એક્સેસ આપવાની યોજના બનાવી રહ્યું છે.
• Google અને OpenAI માટે ચેતવણી: આ નિર્ણય ગૂગલ અને ઓપન-એઆઈ (OpenAI) જેવી કંપનીઓ માટે પણ એક ચેતવણી સમાન છે, જેઓ હાલમાં સેનાને પોતાની સેવાઓ પૂરી પાડી રહ્યા છે. જો તેઓ પણ સૈન્ય ઉપયોગ પર શરતો લાદશે, તો તેમની સામે પણ આવી કાર્યવાહી થઈ શકે છે.

Thank you for your attention to this matter.

cc: @AnthropicAI @DarioAmodei pic.twitter.com/FLCByLHF73

— Pete Hegseth (@PeteHegseth) February 27, 2026

એન્થ્રોપિક કોર્ટમાં જશે

બીજી તરફ, એન્થ્રોપિક કંપનીએ પેન્ટાગોનના આ નિર્ણયને પડકારવાની તૈયારી કરી લીધી છે. કંપનીનું કહેવું છે કે તેઓ સપ્લાય-ચેઈન રિસ્ક તરીકે વર્ગીકૃત કરવાના નિર્ણય વિરુદ્ધ કોર્ટમાં જશે.

આ નિર્ણયથી સ્પષ્ટ થાય છે કે ટ્રમ્પ પ્રશાસન AI ના ક્ષેત્રમાં કોઈ પણ પ્રકારની ‘લિબરલ’ શરતો સ્વીકારવા તૈયાર નથી, ખાસ કરીને જ્યારે વાત રાષ્ટ્રીય સુરક્ષા અને સૈન્ય શક્તિની હોય.

અમેરિકા હવે રાષ્ટ્રપતિની મરજીથી હુમલો નહીં કરી શકે, સંસદની મંજૂરી બની અનિવાર્ય

ટ્રમ્પને જેનો ડર હતો તે જ થયું: સ્પીકરના તમામ અવરોધો છતાં યુએસ સંસદમાં રાષ્ટ્રપતિ વિરુદ્ધ ઐતિહાસિક ઠરાવ પસાર