બ્લડ પ્રેશર અને સ્ટ્રોક વચ્ચે શું છે કનેક્શન? જાણો ક્યારે BP જીવલેણ બની શકે છે અને તેનાથી બચવાના ઉપાય

બ્લડ પ્રેશર આ આંકડાથી વધે તો સ્ટ્રોકનું જોખમ વધી જાય છે, જાણો નિષ્ણાત ડોક્ટરોનું શું કહેવું છે

હાઈ બ્લડ પ્રેશર સ્વાસ્થ્ય માટે અત્યંત જોખમી માનવામાં આવે છે. બીપી વધવાને કારણે બ્રેઈન સ્ટ્રોક આવવાનું જોખમ રહેલું છે. છેલ્લા કેટલાક વર્ષોમાં હાઈ બીપીના કેસોમાં નોંધપાત્ર વધારો થયો છે, જેનું મુખ્ય કારણ આપણી બગડેલી જીવનશૈલી અને ખોટી ખાનપાનની આદતો છે. હાઈ બીપીને નિયંત્રણમાં રાખવું ખૂબ જ જરૂરી છે, કારણ કે જો તે વધે છે, તો તે જીવલેણ સાબિત થઈ શકે છે.

બ્લડ પ્રેશરનું જોખમી સ્તર કેટલું?

ડોક્ટરોના જણાવ્યા અનુસાર, બ્ડ પ્રેશરની સામાન્ય રેન્જ 120/80 mmHg ની આસપાસ માનવામાં આવે છે. પરંતુ જો તમારું બીપી સતત 140/90 mmHg અથવા તેનાથી વધુ રહેતું હોય, તો તેને હાઈપરટેન્શન કહેવામાં આવે છે. જો લાંબા સમય સુધી બીપી આ સ્તર પર રહે તો બ્રેઈન સ્ટ્રોક આવવાની શક્યતા ઘણી વધી જાય છે.

શા માટે વધે છે સ્ટ્રોકનું જોખમ?

દિલ્હીની જીબી પંત હોસ્પિટલના ન્યુરોસર્જરી વિભાગના પૂર્વ એચઓડી ડો. દલજીત સિંહ સમજાવે છે કે, જ્યારે બ્લડ પ્રેશર લાંબા સમય સુધી ઊંચું રહે છે, ત્યારે મગજ સુધી પહોંચતી નસો પર તેની સીધી અસર થાય છે. હાઈ બીપીને કારણે નસોમાં બ્લોકેજ થઈ શકે છે, જેના કારણે મગજને પૂરતો ઓક્સિજન મળતો નથી. આ સ્થિતિમાં બ્રેઈન સ્ટ્રોકનો ખતરો રહે છે. કેટલીકવાર બીપી એટલું વધી જાય છે કે મગજની નસ ફાટી પણ શકે છે, જે અત્યંત જોખમી અને જીવલેણ હોય છે.

એસીમાં સૂતી વખતે સાંધા જકડાઈ જાય છે? જાણો ડોક્ટર પાસેથી તેનું અસલી કારણ!

તરસ નથી લાગતી? તો પણ તમે ડીહાઈડ્રેટેડ હોઈ શકો છો! જાણો કેમ ઓફિસમાં પાણી પીવું છે સૌથી જરૂરી

શરૂઆતમાં લક્ષણો ખબર પડતા નથી

ડો. દલજીત વધુમાં જણાવે છે કે હાઈ બીપીની સૌથી મોટી સમસ્યા એ છે કે તે એક ‘સાયલન્ટ કિલર’ છે. શરૂઆતના તબક્કામાં દર્દીને કોઈ ખાસ તકલીફ અનુભવાતી નથી, પરંતુ જ્યારે સ્થિતિ ગંભીર બને છે ત્યારે જ જાણ થાય છે. તેમ છતાં, જો શરીરમાં નીચે મુજબના સંકેતો દેખાય તો તેને ક્યારેય અવગણવા જોઈએ નહીં:

• માથામાં સતત દુખાવો (ખાસ કરીને માથાના પાછળના ભાગમાં).
• વારંવાર ચક્કર આવવા.
• થોડું ચાલવા પર પણ શ્વાસ ચઢવો.
• શરીરમાં સતત થાક અને નબળાઈ અનુભવવી.

બ્લડ પ્રેશરને કેવી રીતે નિયંત્રિત કરવું?

બ્લડ પ્રેશરને કાબૂમાં રાખવા માટે તંદુરસ્ત જીવનશૈલી અનિવાર્ય છે. તેના માટે નીચે મુજબના ઉપાયો કારગત નીવડે છે:

• કસરત: દરરોજ ઓછામાં ઓછી અડધો કલાક શારીરિક કસરત અથવા યોગ કરો.
• આહાર: તમારા ખોરાકમાં નમક (મીઠું) નું પ્રમાણ ઘટાડવું. બહારના જંક ફૂડથી દૂર રહેવું.
• ઊંઘ: દરરોજ ઓછામાં ઓછી 7 કલાકની પૂરતી ઊંઘ લેવી.
• માનસિક શાંતિ: વધુ પડતો તણાવ ન લેવો અને જરૂર પડે તો મેડિટેશનનો સહારો લેવો.