ત્વચાને અંદરથી ચમકાવવી છે? એક્સપર્ટે જણાવ્યું સફરજન-બીટ-ગાજરના જ્યુસનું અદભૂત ગણિત.
ઉનાળાની શરૂઆત થતા જ ધૂળ, પ્રદૂષણ અને સૂર્યના હાનિકારક કિરણો આપણી ત્વચાની કુદરતી નમી છીનવી લે છે. મોંઘા ફેસિયલ કે ક્રીમ માત્ર ઉપરછલ્લી અસર કરે છે, પરંતુ હેલ્થ એક્સપર્ટ્સ માને છે કે સાચી સુંદરતા ત્યારે જ દેખાય છે જ્યારે તમારું શરીર અંદરથી સ્વસ્થ અને ડિટોક્સ હોય. સફરજન (Apple), બીટરૂટ (Beetroot) અને ગાજર (Carrot) નું મિશ્રણ એટલે કે ‘ABC જ્યુસ’ અત્યારે બ્યુટી અને હેલ્થ વર્લ્ડમાં ટોપ પર છે.
કેવી રીતે કામ કરે છે આ ‘મિરાકલ ડ્રિંક’?
જ્યારે આપણે સફરજન, બીટ અને ગાજરને મિક્સ કરીએ છીએ, ત્યારે તે એન્ટી-ઓક્સિડન્ટ્સ, વિટામિન્સ અને મિનરલ્સનો પાવરહાઉસ બની જાય છે. આ જ્યુસ પીવાથી શરીરના ઝેરી તત્વો બહાર નીકળી જાય છે અને લોહી શુદ્ધ થાય છે, જેની સીધી અસર થોડા જ દિવસોમાં તમારા ચહેરા પર જોવા મળે છે.
૧. બીટરૂટ (Beetroot): બ્લડ પ્યુરિફાયર અને ઓક્સિજન બુસ્ટર
બીટરૂટમાં રહેલા નાઈટ્રેટ્સ શરીરમાં નાઈટ્રિક ઓક્સાઈડ બનાવે છે, જે રક્ત પરિભ્રમણને તેજ કરે છે. જ્યારે ત્વચાના કોષો સુધી પૂરતો ઓક્સિજન પહોંચે છે, ત્યારે ચહેરો આપોઆપ ગુલાબી અને ચમકદાર દેખાવા લાગે છે. તે લીવરને ડિટોક્સ કરે છે, જેથી ખીલ જેવી સમસ્યાઓ જડમૂળથી દૂર થાય છે.
૨. ગાજર (Carrot): એન્ટી-એજિંગનું હથિયાર
ગાજરમાં વિપુલ પ્રમાણમાં બીટા-કેરોટીન હોય છે, જે શરીરમાં જઈને વિટામિન-A માં રૂપાંતરિત થાય છે. તે ત્વચાને સૂર્યના તાપથી બચાવે છે અને ડેડ સેલ્સને દૂર કરી નવા કોષો બનાવવામાં મદદ કરે બને છે. તે ત્વચાને ડ્રાય થતા અટકાવી કુદરતી મોઈશ્ચરાઈઝર પૂરું પાડે છે.
૩. સફરજન (Apple): કોલેજનનો સ્ત્રોત
સફરજનમાં વિટામિન-C અને પોલિફીનોલ્સ હોય છે જે શરીરમાં કોલેજન (Collagen) નું ઉત્પાદન વધારે છે. કોલેજન ત્વચાની ઈલાસ્ટીસીટી જાળવી રાખે છે, જેનાથી વધતી ઉંમરે પણ કરચલીઓ પડતી નથી અને ત્વચા ટાઈટ રહે છે.
જ્યુસ બનાવવાની રીત અને સાવચેતી
-
સામગ્રી: ૧ મધ્યમ સફરજન, ૧ ગાજર અને અડધું બીટરૂટ.
-
રીત: ત્રણેયને બરાબર ધોઈ, ટુકડા કરી બ્લેન્ડરમાં નાખો. તેમાં થોડું આદુ અને લીંબુનો રસ ઉમેરવાથી સ્વાદ અને ગુણ બંને વધશે.
-
સમય: સવારે ભૂખ્યા પેટે અથવા નાસ્તાના ૧ કલાક પછી આ જ્યુસ પીવો સૌથી વધુ ફાયદાકારક છે. તેને ગાળ્યા વગર પીવાથી ફાઈબર પણ પૂરતા પ્રમાણમાં મળે છે.
જો તમે ઈચ્છો છો કે આ ઉનાળામાં તમારી સ્કીન નિસ્તેજ દેખાવવાને બદલે લાઈટ જેવી ચમકે, તો રાસાયણિક પ્રોડક્ટ્સ પાછળ ખર્ચ કરવાને બદલે આ કુદરતી ઉપાય અજમાવો. યાદ રાખો, સ્વસ્થ શરીર જ સુંદર ત્વચાનું રહસ્ય છે.
