ધરપકડ: રાજસ્થાનથી અમદાવાદમાં હથિયારો લાવનાર બે શખ્સોની 2 પિસ્તોલ અને 21 કારતુસ સાથે ધરપકડ,
એક આરોપી રાજસ્થાનમાં છ મહિના પહેલા આર્મ્સ એકટના ગુનામાં છે.
અમદાવાદ શહેરમાં હાલ પિસ્તોલ- તમંચો જેવા અનેક હથિયારોના હેરાફેરી વધતી જાય છે. નવરાત્રિના તહેવાર દરમિયાન જ ક્રાઈમ બ્રાન્ચે તાજેતરમાં જ હથિયારો સાથે કુખ્યાત આરોપીને ઝડપી પાડ્યો હતો. અમદાવાદમાં ઝોન 2 LCBએ એસપી રિંગ રોડ પર વૈષ્ણવદેવી પાસે આવેલા ગરનાળાથી રાજસ્થાનના બે શખ્સની બે પિસ્તોલ અને 21 કારતુસ સાથે ધરપકડ કરી છે. બંને આરોપીઓ હથિયાર વેચવા માટે અમદાવાદ આવ્યા હતા. જે હથિયારોને વેચવા માટે ફરતા હતા ત્યારે LCBની ટીમે ઝડપી પાડ્યા હતા.
રાજસ્થાનથી આવ્યા બે શખ્શો અમદાવાદ હથિયાર વેચવા.
ઝોન 2 ના ડીસીપી વિજય પટેલએ જણાવ્યું હતું કે એલસીબીને માહિતી મળી હતી કે રાજસ્થાનમાંથી બે વ્યક્તિઓ હથિયાર વેચવા અમદાવાદ આવ્યા હતા. રાજસ્થાન રાજ્યના જાલોર જિલ્લાના ભદ્રજુન ગામના ઓમપ્રકાશ મેઘવાલ અને અમિતકુમાર પટેલની માહિતીના આધારે ધરપકડ કરવામાં આવી છે. તેમની પાસેથી બે પિસ્તોલ અને 21 કારતુસ મળી આવ્યા છે. જણાય છે કે તે આ હથિયાર મધ્યપ્રદેશના સરદારજી નામના વ્યક્તિ પાસેથી લાવ્યા હતા.તેઓ અમદાવાદમાં હથિયારો કોને આપવાના હતા તે અંગે તપાસ શરૂ કરી છે.