નગરપાલિકાની ચુંટણીમાં પણ ઉપયોગ થશે NOTA

ગુજરાત માં ૧૭ ફેબ્રુઆરીના રોજ યોજાનારી ૭૫ નગરપાલિકાની ચુંટણી EVM મશીનથી યોજાશે.તેમજ તેમાં પણ NOTA નો અમલ થશે તેમ રાજય ચુંટણી પંચે જણાવ્યું છે. આ ચુંટણીઓ માટે રાજ્યમાં ભાજપ અને કોંગ્રેસ બંને પક્ષોએ તૈયારીઓ આરંભી દીધી છે. આ ચુંટણી માટેનું ફરી મતદાન ૧૮ ફેબ્રુઆરીના રોજ થશે અને પરિણામ ૧૯ ફેબ્રુઆરીના રોજ જાહેર કરવામાં આવશે. જો કે હાલ નગરપાલિકા ચુંટણી માટે ઉમેદવારી પત્રો ભરવાની શરૂઆત થઈ ચુકી છે.
ગુજરાત રાજ્ય ચુંટણી પંચે રાજ્યની ૭૫ નગરપાલિકાની ચુંટણી માટેની તારીખની જાહેરાત કરી છે. જેમાં રાજકોટ મહાનગરપાલિકાની ખાલી જગ્યા માટે પણ ચુંટણી યોજાશે. આ ૭૫ નગરપાલિકામાં કુલ ૧૯ લાખની વધુ મતદારો છે. જેમાં ૫૩૦ જેટલા સંવેદનશીલ મતદાન મથકો અને ૯૫ જેટલા અતિ સંવેદનશીલ મથકો છે. રાજ્ય ચુંટણી પંચે કરેલી જાહેરાત મુજબ આ તમામ નગરપાલિકામાં ઈવીએમથી મતદાન યોજાશે તેમજ ૧૭ ફેબ્રુઆરીએ મતદાન હાથ ધરવામાં આવશે તેમજ જો ફરી મતદાન કરવાની ફરજ પડશે તે સ્થળે ૧૮ ફેબુઆરીએ મતદાન કરવામાં આવશે. જયારે ૧૯ ફેબ્રુઆરીના રોજ પરિણામ જાહેર કરવામાં આવશે.