ન્યૂયોર્કમાં IBSAના મંત્રીઓ સાથે જયશંકરે કરી ખાસ બેઠક, UNSC સુધારા સહિત દરિયાઈ સુરક્ષા અને વેપાર પર ફોકસ
IBSA દેશો સાથેની બેઠક દરમિયાન, જયશંકરે પરસ્પર ભાગીદારીને વધુ મજબૂત કરવા પર ભાર મૂક્યો અને એ સુનિશ્ચિત કર્યું કે આ મંચ દ્વારા વિકાસશીલ દેશોનો અવાજ વિશ્વ મંચ પર વધુ અસરકારક બને.
IBSA મંત્રીઓની બેઠક પર વિદેશ મંત્રીનો ભાર
ભારતના વિદેશ મંત્રી એસ. જયશંકરે સંયુક્ત રાષ્ટ્ર મહાસભા (UNGA) દરમિયાન ન્યૂયોર્કમાં ભારત, બ્રાઝિલ અને દક્ષિણ આફ્રિકાના (IBSA) એકેડેમિક ફોરમના મંત્રીઓ સાથે ખાસ બેઠક યોજી. આ દરમિયાન UNSC (સંયુક્ત રાષ્ટ્ર સુરક્ષા પરિષદ)ના કાયમી સભ્યપદમાં સુધારા સહિત દરિયાઈ સુરક્ષા, સંયુક્ત અભ્યાસ અને વેપાર જેવા મુદ્દાઓ પર મુખ્ય ધ્યાન કેન્દ્રિત કરવામાં આવ્યું.
વિદેશ મંત્રી જયશંકરે પોતાના ‘X’ (અગાઉ ટ્વિટર) એકાઉન્ટ પર પોસ્ટ કર્યું, “આજે સાંજે ન્યૂયોર્કમાં IBSA મંત્રીઓની એક ઉત્તમ બેઠક થઈ. IBSA એ સંયુક્ત રાષ્ટ્ર સુરક્ષા પરિષદ (UNSC)ના વ્યાપક સુધારાની જોરદાર માંગ કરી. સાથે જ IBSA એકેડેમિક ફોરમ, દરિયાઈ અભ્યાસ, ટ્રસ્ટ ફંડ અને IBSA ની અંદરના વેપાર પર પણ ચર્ચા થઈ. IBSA ભવિષ્યમાં પણ નિયમિત બેઠકોનું આયોજન કરતું રહેશે.”
A great meeting of the IBSA Ministers in New York this evening.
IBSA made a strong call for the transformative reform of the UNSC. Discussions also on IBSA Academic Forum, maritime exercise, Trust Fund and intra-IBSA trade.
IBSA will continue to meet frequently.
🇮🇳 🇧🇷 🇿🇦… pic.twitter.com/T2YXjgdybf
— Dr. S. Jaishankar (@DrSJaishankar) September 26, 2025
IBSA શું છે?
IBSA એટલે ઇન્ડિયા, બ્રાઝિલ અને સાઉથ આફ્રિકાનું એક એકેડેમિક ફોરમ. આ પ્લેટફોર્મ IBSA દેશો ભારત, બ્રાઝિલ અને દક્ષિણ આફ્રિકા વચ્ચે શૈક્ષણિક અને સંશોધન સહયોગને પ્રોત્સાહન આપે છે. તેનો ઉદ્દેશ આ ત્રણ ઉભરતી અર્થવ્યવસ્થાઓ વચ્ચે નીતિગત વિચાર-વિમર્શ, જ્ઞાનની વહેંચણી અને સામાજિક-આર્થિક પડકારોનું સમાધાન શોધવાનો છે.
IBSA એકેડેમિક ફોરમ કેવી રીતે કામ કરે છે?
આ ફોરમ યુનિવર્સિટીઓ, થિંક ટેન્ક્સ અને નીતિ નિર્માતાઓને જોડે છે, જેથી વિકાસ, આર્થિક સુધારા, સામાજિક ન્યાય, પર્યાવરણ સંરક્ષણ અને વૈશ્વિક શાસન જેવા વિષયો પર ઊંડાણપૂર્વક ચર્ચા થઈ શકે. ફોરમનો હેતુ માત્ર દેશો વચ્ચેના શૈક્ષણિક સંબંધો વધારવાનો જ નથી, પરંતુ વૈશ્વિક મંચો પર IBSAના સંયુક્ત અવાજને મજબૂત કરવાનો પણ છે.
UNGA દરમિયાન જયશંકરની મુલાકાતો
UNGA દરમિયાન વિદેશ મંત્રી એસ. જયશંકરે અનેક દેશોના નેતાઓ અને મંત્રીઓ સાથે દ્વિપક્ષીય અને બહુપક્ષીય સ્તરે મુલાકાત કરી હતી. IBSA દેશોના મંત્રીઓ વચ્ચેની વાતચીતમાં મુખ્ય મુદ્દાઓ આ હતા:
- IBSA એકેડેમિક ફોરમનો વિસ્તાર અને તેમાં વધુ યુનિવર્સિટીઓ, સંશોધન સંસ્થાઓને જોડવાની યોજના.
- સામૂહિક સહયોગથી વૈશ્વિક સમસ્યાઓ જેમ કે મહામારી, આબોહવા પરિવર્તન અને આર્થિક અસમાનતાનો સામનો કરવાના ઉપાયો.
- IBSAની અંદર વેપાર અને રોકાણને પ્રોત્સાહન આપવું.
- દરિયાઈ સુરક્ષા અને નૌસૈનિક અભ્યાસ જેવા પ્રાદેશિક સહયોગના પાસાઓ પર સહમતિ બનાવવી.
- સંયુક્ત રાષ્ટ્ર સુરક્ષા પરિષદના સુધારા સહિત વૈશ્વિક શાંતિ અને સુરક્ષાના મુદ્દા પર ધ્યાન કેન્દ્રિત કરવું.
