FRCના નવા નિયમ પછી શાળા ફીમાં વધારાની મનમાની બંધ, વાલીઓ સરળતાથી જાણકારી મેળવી શકશે
ગુજરાતમાં ખાનગી શાળાઓની ફી અંગે હવે વાલીઓ માટે સુપ્રીમ કોર્ટના ચુકાદા અનુસાર સંપૂર્ણ પારદર્શિતા લાવવામાં આવી છે. રાજ્યની 5,780 ખાનગી શાળાઓ દ્વારા વસૂલવામાં આવતી ફી હવે ફી રેગ્યુલેટરી કમિટી (FRC)ની સત્તાવાર વેબસાઇટ પર જાહેર કરી દેવામાં આવી છે. વાલીઓ હવે ઓનલાઇન જ જોઈ શકે છે કે તેમની બાળકોની શાળાએ કેટલું ફી વસૂલવી યોગ્ય છે.
ફી ઘટાડો થયેલ હોય તો એડજસ્ટ કરવું ફરજિયાત
અમદાવાદના ડીપાર્ટમેન્ટ ઓફ એજ્યુકેશનના અધિકારી રોહિત ચૌધરીના જણાવ્યા મુજબ, FRCએ અમદાવાદ ઝોનમાં 5,800 થી વધુ શાળાઓની ફી મંજૂર કરી છે. જો શાળાએ ફીમાં ઘટાડો કર્યો હોય, તો એડજસ્ટમેન્ટ કે પરત ફી આપવી ફરજિયાત રહેશે. શાળાઓએ FRCના ઓર્ડરનું કડકપણે પાલન કરવું પડશે. કેટલીક શાળાઓ આ આદેશ સામે અપીલ માટે અરજી કરી શકે, પરંતુ નિયમો સ્પષ્ટ છે.
વાલીઓ સરળતાથી ઓનલાઈન ચેક કરી શકશે
FRCની વેબસાઇટ http://frcgujarat.org/ પર જઈને વાલીઓ તેમના બાળકની શાળાનું નામ સર્ચ કરીને ફીની વિગત સરળતાથી જોઈ શકે છે. આ પગલાંથી શાળાઓની મનમાની બંધ થશે અને વાલીઓને ખોટા ચાર્જિંગ અંગે તરત ફરિયાદ કરવાની સુવિધા મળશે.
ગેરરીતિ સામે તુરંત કાર્યવાહી શક્ય
જ્યાં શાળાઓ FRC દ્વારા નક્કી કરેલી ફી કરતા વધારે રકમ વસૂલશે, ત્યાં વાલીઓ શિક્ષણ વિભાગમાં સીધી ફરિયાદ કરી શકે છે. આ પ્રક્રિયાથી નિયમોનો ઉલ્લંઘન કરનારા શાળા સંચાલકો સામે ઝડપી કાર્યવાહી શક્ય બનશે અને શાળાઓની પારદર્શિતા વધારે વધશે.
ફી બાબતે નવા નિયમો વાલીઓ માટે રાહત
આ નવી વ્યવસ્થા વાલીઓ માટે ખૂબ જ મદદરૂપ સાબિત થશે. શાળાઓમાં ફીની માહિતી ખુલ્લી હોવાને કારણે વાલીઓ હવે સહેલાઇથી તપાસ કરી શકે છે કે શાળા નિયમિત રીતે ફી વસૂલ કરે છે કે નહિ. આ સાથે જ ખોટી ફી વસૂલવામા ગેરરીતિ અટકવાની શક્યતા વધુ છે.
