Jio નો માસ્ટરસ્ટ્રોક પ્લાન: ₹૮૯૯ માં ૩ મહિનાની વેલિડિટી, ફ્રી OTT સબ્સ્ક્રિપ્શન અને હજારો રૂપિયાના AI લાભ
રિલાયન્સ જીઓ (Reliance Jio) હંમેશાં પોતાના ગ્રાહકો માટે સમયસમય પર સસ્તા અને શાનદાર ઓફર્સવાળા પ્લાન્સ રજૂ કરવા માટે જાણીતું છે. જો તમે પણ વારંવાર રિચાર્જ કરાવવાની ઝંઝટમાંથી મુક્તિ મેળવવા માંગો છો અને એક એવો પ્લાન શોધી રહ્યા છો જેમાં લાંબી વેલિડિટીની સાથે અનલિમિટેડ ડેટા અને પ્રીમિયમ ઓટીટી (OTT) એપ્સનો લાભ મળે, તો જીઓ એક શાનદાર પ્લાન લઈને આવ્યું છે. જીઓનો આ નવો પ્રીપેડ પ્લાન ટેલિકોમ માર્કેટમાં ધૂમ મચાવી રહ્યો છે કારણ કે તેમાં ગ્રાહકોને કિંમત કરતાં ઘણું વધારે વળતર મળી રહ્યું છે.
ભારતની અગ્રણી ટેલિકોમ કંપની રિલાયન્સ જીઓ પોતાના યૂઝર્સના સંતોષ અને સુવિધા માટે હંમેશાં નવા પ્રયોગો કરતી રહે છે. આ કડીમાં જીઓએ પોતાના પ્રીપેડ ગ્રાહકો માટે ₹૮૯૯ નો એક એવો પ્લાન લોન્ચ કર્યો છે જે લાંબી વેલિડિટીની સાથે ડેટાનો મોટો ભંડાર પૂરો પાડે છે. આ પ્લાન ખાસ કરીને એવા યુઝર્સ માટે ડિઝાઇન કરવામાં આવ્યો છે જેઓ હેવી ઇન્ટરનેટ યુઝર્સ છે અને જેમને ઓફિસ કે પર્સનલ કામ માટે સતત હાઇ-સ્પીડ ડેટાની જરૂર રહે છે.
વેલિડિટી અને ડેટાનું પાવરફુલ કોમ્બિનેશન
જિયોનો આ દમદાર પ્લાન પૂરા ૯૦ દિવસની લાંબી વેલિડિટી સાથે આવે છે, એટલે કે ગ્રાહકોને આશરે ત્રણ મહિના સુધી વારંવાર રિચાર્જ કરાવવાની ચિંતામાંથી મુક્તિ મળી જાય છે. ડેટાની વાત કરીએ તો, આ પ્લાનમાં ગ્રાહકોને દરરોજ 2GB હાઇ-સ્પીડ ડેટા આપવામાં આવે છે. આટલું જ નહીં, કંપની પોતાના ગ્રાહકોને ખુશ કરવા માટે આ પ્લાન સાથે વધારાનો 20GB બોનસ ડેટા સંપૂર્ણપણે મફત આપી રહી છે. આ રીતે, ૯૦ દિવસના સમગ્ર ગાળા દરમિયાન યુઝર્સને કુલ ૨૦૦GB ડેટા વાપરવા માટે મળે છે. જો દૈનિક ડેટા લિમિટ ખતમ થઈ જાય, તો પણ ઇન્ટરનેટ બંધ નહીં થાય પરંતુ તેની સ્પીડ લિમિટ ઘટીને 64Kbps થઈ જશે.
અનલિમિટેડ કોલિંગ, SMS અને True 5G ની મજા
આ પ્લાનમાં ગ્રાહકોને દેશભરના તમામ નેટવર્ક (Jio, Airtel, Vi, BSNL) પર વાત કરવા માટે લોકલ અને એસટીડી અનલિમિટેડ વોઇસ કોલિંગની સુવિધા મળે છે. તેની સાથે દરરોજ ૧૦૦ ફ્રી એસએમએસ (SMS) નું ભથ્થું પણ આપવામાં આવે છે. સૌથી મહત્વની વાત એ છે કે, જે વિસ્તારોમાં Jio નું 5G નેટવર્ક ઉપલબ્ધ છે અને જે ગ્રાહકો પાસે 5G સ્માર્ટફોન છે, તેઓ આ પ્લાન હેઠળ કોઈપણ વધારાના ચાર્જ વગર અનલિમિટેડ ટ્રુ 5G (Unlimited True 5G) ડેટાનો હાઇ-સ્પીડ મનોરંજન માણી શકશે.
JioHotstar અને ફ્રી ક્લાઉડ સ્ટોરેજની ભેટ
આ પ્લાન માત્ર ડેટા કે કોલિંગ પૂરતો મર્યાદિત નથી, પરંતુ મનોરંજનના શોખીનો માટે પણ આમાં ખાસ સરપ્રાઈઝ છુપાયેલી છે. આ પ્લાન સાથે ગ્રાહકોને ૩ મહિના માટે JioHotstar મોબાઈલનું પ્રીમિયમ સબ્સ્ક્રિપ્શન બિલકુલ મફત મળે છે. આ સબ્સ્ક્રિપ્શનની મદદથી યુઝર્સ ગમે ત્યારે ગરમાગરમ મૂવીઝ, લેટેસ્ટ વેબ સિરીઝ અને લાઈવ સ્પોર્ટ્સ મેચોનો મન મૂકીને આનંદ માણી શકે છે. આ ઉપરાંત, તમારા ફોનનો કિંમતી ડેટા, ફોટા અને વીડિયો સુરક્ષિત રાખવા માટે JioAICloud તરફથી 50GB મફત ક્લાઉડ સ્ટોરેજ સ્પેસ પણ આપવામાં આવે છે.
Google Gemini Pro નું પ્રીમિયમ સબ્સ્ક્રિપ્શન તદ્દન મફત
આ પ્લાનની સૌથી મોટી અને આશ્ચર્યજનક હાઇલાઇટ એ છે કે, Jio આ રિચાર્જ સાથે Google Gemini Pro નું ૧૮ મહિનાનું પ્રીમિયમ સબ્સ્ક્રિપ્શન ફ્રી ઓફર કરી રહ્યું છે. બજાર કિંમત પ્રમાણે જોવા જઈએ તો આ સબ્સ્ક્રિપ્શનનો વાસ્તવિક ફાયદો આશરે ₹૩૫,૧૦૦ જેટલો મોટો છે. આ પ્રીમિયમ સુવિધા હેઠળ યુઝર્સને 5000GB (૫ ટેરાબાઈટ) સુધીનું વિશાળ ક્લાઉડ સ્ટોરેજ મળે છે, જે વ્યવસાયિક લોકો અને કન્ટેન્ટ ક્રિએટર્સ માટે આશીર્વાદ સમાન છે. આ સાથે જ ગ્રાહકો અદ્યતન આર્ટિફિશિયલ ઇન્ટેલિજન્સ (AI) ફીચર્સનો ઉપયોગ પણ સરળતાથી કરી શકશે. આમ, જિયોનો આ ₹૮૯૯ નો પ્લાન માત્ર એક રિચાર્જ નથી, પરંતુ સુવિધાઓનો આખો ખજાનો છે.
