NTAમાં નોકરી મેળવવા માટે આ છે છેલ્લી તારીખ, જાણો અરજીની સંપૂર્ણ પ્રક્રિયા
નેશનલ ટેસ્ટિંગ એજન્સી (NTA) માં છેલ્લા કેટલાક સમયથી વ્યવસ્થાકીય સુધારાઓ અને બદલાવની પ્રક્રિયા ચાલી રહી છે. આ જ પ્રક્રિયાના ભાગરૂપે NTA દ્વારા વિવિધ ડેપ્યુટેશન (પ્રતિનિયુક્તિ) પદો માટે કુલ ૧૩ ખાલી જગ્યાઓ પર ભરતી માટે સત્તાવાર જાહેરાત બહાર પાડવામાં આવી છે. આ રિક્રૂટમેન્ટ ડ્રાઇવ અંતર્ગત ડિરેક્ટર, જોઈન્ટ ડિરેક્ટર, રિસર્ચ સાયન્ટિસ્ટ, ડેપ્યુટી ડિરેક્ટર અને સિનિયર સુપરિન્ટેન્ડેન્ટ-સિનિયર સુપરિન્ટેન્ડેન્ટ (એકાઉન્ટ્સ) જેવા મહત્વના પદોનો સમાવેશ થાય છે.
લાયક અને ઇચ્છુક ઉમેદવારો આ પદો માટે આગામી ૧ ડિસેમ્બર ૨૦૨૬ સુધીમાં પોતાની અરજી મોકલી શકે છે. આ ભરતી માટે ઉમેદવારોએ NTA ની સત્તાવાર વેબસાઇટ http://nta.ac.in પર જઈને અરજી ફોર્મ ડાઉનલોડ કરવાનું રહેશે.
કયા પદ પર કેટલી જગ્યાઓ છે?
NTA દ્વારા આ ભરતી પ્રક્રિયા ૩ વર્ષના ડેપ્યુટેશન બેસિસ (પ્રતિનિયુક્તિ) એટલે કે ફોરેન સર્વિસ ટર્મ્સના આધારે કરવામાં આવી રહી છે. સત્તાવાર નોટિફિકેશન મુજબ જુદા-જુદા પદોની વિગત નીચે મુજબ છે:
ડિરેક્ટર (Director): ૭ જગ્યાઓ
જોઈન્ટ ડિરેક્ટર (Joint Director): ૩ જગ્યાઓ
રિસર્ચ સાયન્ટિસ્ટ (Research Scientist): ૧ જગ્યા
ડેપ્યુટી ડિરેક્ટર (Deputy Director): ૧ જગ્યા
સિનિયર સુપરિન્ટેન્ડેન્ટ – સિનિયર સુપરિન્ટેન્ડેન્ટ (એકાઉન્ટ્સ): ૧ જગ્યા
The National Testing Agency (NTA) has announced its 2026 recruitment drive.
13 vacancies are available across various roles including Director, Joint Director, and more. Applications close December 1, 2026, at 5:00 PM.
Check the details at https://t.co/qjlxb2UR60 and apply now.
#NTA #NayaNTA
— National Testing Agency (@NTA_Exams) November 12, 2026
કોણ કરી શકે છે અરજી? (પાત્રતાના ધોરણો)
આ તમામ પદો ડેપ્યુટેશન (પ્રતિનિયુક્તિ) આધારિત હોવાથી માત્ર તે જ અધિકારીઓ અરજી કરી શકે છે જેઓ પહેલેથી જ સરકારી કે અન્ય નિયમિત સેવામાં કાર્યરત છે.
આ પદો માટે કેન્દ્ર સરકાર કે રાજ્ય સરકારના કર્મચારીઓ, યુનિવર્સિટી એડમિનિસ્ટ્રેશન, ઓટોનોમસ બોડીઝ (સ્વાયત્ત સંસ્થાઓ), પીએસયુ (PSU) અથવા સમાન પદો પર કામ કરનારા તથા ફીડર-ગ્રેડ સર્વિસની આવશ્યકતાઓને પૂરી કરનારા અધિકારીઓ અરજી કરવા માટે યોગ્ય ગણવામાં આવશે. દરેક પદ માટે શૈક્ષણિક લાયકાત અને અનુભવ અલગ-અલગ હોવાથી ઉમેદવારોએ NTA ની સત્તાવાર વેબસાઇટ પર જઈને વિગતવાર માહિતી ચકાસી લેવી જરૂરી છે.
વય મર્યાદા અને અગ્રતા
NTA ની આ ભરતી માટે જારી કરાયેલા નોટિફિકેશન મુજબ, આ પદો પર અરજી કરવા માટે ઉમેદવારની મહત્તમ વય મર્યાદા અરજી કરવાની છેલ્લી તારીખ સુધીમાં ૫૬ વર્ષ હોવી જોઈએ.
આ ભરતી પ્રક્રિયામાં એવા ઉમેદવારોને વિશેષ પ્રાથમિકતા આપવામાં આવશે જેઓ એકેડેમિક, એજ્યુકેશનલ, ટેકનિકલ, ફાઇનાન્સ, એડમિનિસ્ટ્રેશન અથવા લીગલ બેકગ્રાઉન્ડ ધરાવતા હોય અને શૈક્ષણિક પરીક્ષાઓના આયોજન તથા સંચાલનમાં સમૃદ્ધ અનુભવ ધરાવતા હોય. આમાં પરીક્ષા સંબંધિત પ્રક્રિયાઓનું આયોજન, સમન્વય (કોર્ડિનેશન) અને એક્ઝિક્યુશનની કુશળતા પણ સામેલ છે.
કયા પદ પર કેટલી મળશે સેલેરી?
આ ભરતીમાં પદના અનુસંધાનમાં સાતમાં પગાર પંચ (7th CPC) મુજબ આકર્ષક વેતન ધોરણ નક્કી કરવામાં આવ્યું છે:
ડિરેક્ટર (ગ્રુપ A): સાતમાં સીપીસીના પે લેવલ ૧૩ મુજબ, આ પદ પર સેલેરી આશરે ૧,૨૩,૧૦૦ રૂપિયાથી લઈને ૨,૧૫,૯૦0 રૂપિયા સુધીની રહેશે.
જોઈન્ટ ડિરેક્ટર અને રિસર્ચ સાયન્ટિસ્ટ: આ બંને પદો માટે માસિક વેતન ૭૮,૮00 રૂપિયાથી લઈને ૨,૦૯,૨૦૦ રૂપિયા સુધીનું રહેશે.
ડેપ્યુટી ડિરેક્ટર (ગ્રુપ પદ): આ પદ પર પસંદગી પામનાર ઉમેદવારને ૬૭,૭૦૦ થી ૨,૦૮,૭૦૦ રૂપિયા સુધીનો પગાર મળશે.
સિનિયર સુપરિન્ટેન્ડેન્ટ / એકાઉન્ટ્સ: આ પદ માટે ૪૪,૯૦૦ રૂપિયાથી ૧,૪૨,૪૦૦ રૂપિયા સુધીનું વેતન નિર્ધારિત કરવામાં આવ્યું છે.
અરજી મોકલવાની સાચી અને સચોટ પ્રક્રિયા
NTA ની આ ભરતીમાં સીધી ઓનલાઈન અરજી કરવાના બદલે એક નિશ્ચિત પ્રોટોકોલ અને પ્રક્રિયાનું પાલન કરવાનું રહેશે. ઉમેદવારોએ ધ્યાનમાં રાખવું કે:
૧. સૌથી પહેલા NTA ની સત્તાવાર વેબસાઇટ પરથી એનેક્ઝર વી (Annexure-V) ફોર્મ ડાઉનલોડ કરવાનું રહેશે.
૨. ફોર્મમાં માંગવામાં આવેલી તમામ વિગતો યોગ્ય રીતે ભરીને તેની સાથે જરૂરી દસ્તાવેજો જોડવાના રહેશે.
૩. ભરેલા ફોર્મને યોગ્ય ચેનલ (એટલે કે કેડર કંટ્રોલિંગ ઓથોરિટીઝ અથવા સંબંધિત પેરેન્ટ ઓર્ગેનાઇઝેશન) મારફતે મોકલવાનું રહેશે.
૪. અરજી મોકલવાની અંતિમ તારીખ ૧ ડિસેમ્બર ૨૦૨૬ ના રોજ સાંજે ૫:૦૦ વાગ્યા સુધીની છે.
અરજી મોકલવાનું સરનામું: ડિરેક્ટર (એડમિનિસ્ટ્રેશન), નેશનલ ટેસ્ટિંગ એજન્સી, ૫મો માળ, ગવર્મેન્ટ ઓફ ઇન્ડિયા પ્રેસ બિલ્ડિંગ, મિન્ટો રોડ, નવી દિલ્હી – ૧૧૦૦૦૨.
આ ઉપરાંત, અરજીની એક નકલ [email protected] પર ઈમેલ દ્વારા પણ મોકલવાની રહેશે. સમય મર્યાદાને ધ્યાનમાં રાખીને વહેલી તકે પ્રક્રિયા પૂર્ણ કરવી હિતાવહ છે.
