ચેતી જજો! ઓક્ટોબરથી મોંઘવારીનો મોટો ઝાટકો, આ 9 વસ્તુઓ પર થશે સીધી અસર!
દર મહિને નવા નિયમો બદલાતા હોય છે, પરંતુ ઓક્ટોબર મહિનાની શરૂઆતથી કેટલાક એવા મોટા ફેરફારો થવા જઈ રહ્યા છે જે સામાન્ય માણસના જીવન, ખિસ્સા અને નાણાકીય વ્યવહારો પર સીધી અસર કરશે. એલપીજી સબસિડીથી લઈને બેંકના નિયમો અને ટ્રાફિકના દંડ સુધીના આ ફેરફારો વિશે જાણવું દરેક માટે ખૂબ જ જરૂરી છે. ચાલો વિગતવાર સમજીએ કે કયા નિયમો બદલાઈ રહ્યા છે.
એલપીજી સબસિડી અને બાયોમેટ્રિક ઓથેન્ટિકેશન
જો તમે એલપીજી સિલિન્ડર પર સબસિડી મેળવો છો, તો તમારા માટે આ અત્યંત મહત્વપૂર્ણ અપડેટ છે. જો ગ્રાહકોએ હજુ સુધી તેમની બાયોમેટ્રિક ઓથેન્ટિકેશન પ્રક્રિયા પૂર્ણ કરી નથી, તો તેમણે ઓક્ટોબર ૧ પહેલાં તે ચોક્કસપણે કરાવી લેવી જોઈએ.
જો તમે આ નહીં કરો, તો તમારું ગેસ કનેક્શન કે સિલિન્ડર ડિલિવરી બંધ નહીં થાય, પરંતુ તમને સરકારી સબસિડી મળવાનું બંધ થઈ જશે. પરિણામે તમારે સિલિન્ડર માટે પૂરી માર્કેટ પ્રાઈસ ચૂકવવી પડશે. આ પ્રક્રિયા ઓઈલ માર્કેટિંગ કંપનીઓની મોબાઈલ એપ દ્વારા, ડિસ્ટ્રિબ્યુટરના શ્રોરૂમ પર અથવા સિલિન્ડર ડિલિવરી વખતે સરળતાથી પૂરી કરી શકાય છે.
ફિક્સ્ડ ડિપોઝિટ (FD) ના નિયમોમાં ફેરફાર
રિઝર્વ બેંક ઓફ ઈન્ડિયા (RBI) ની નવી ગાઈડલાઈન્સ મુજબ, ઓક્ટોબર ૧ થી તમામ બેંકોએ એક જ તારીખે જમા કરવામાં આવતી સમાન રકમની થાપણો માટે તમામ શાખાઓમાં અને તમામ ગ્રાહકોને એક સરખા વ્યાજ દરો ઓફર કરવા પડશે.
આ ઉપરાંત, તમામ સ્મોલ ફાઈનાન્સ બેંકો માટે હવે દરરોજ સવારે ૧૦ વાગ્યા સુધીમાં તેમની સત્તાવાર વેબસાઈટ પર એફડીના વ્યાજ દરના લિસ્ટને અપડેટ કરવાનું ફરજિયાત બનાવવામાં આવ્યું છે. આ પગલાનો મુખ્ય હેતુ પારદર્શિતા લાવવાનો અને ગ્રાહકો વચ્ચે વ્યાજ દરોના મામલે થતા ભેદભાવને અટકાવવાનો છે.
એસબીઆઈ (SBI) માં રોકડ ઉપાડના નવા નિયમો
જો તમારું ખાતું સ્ટેટ બેંક ઓફ ઈન્ડિયા (SBI) માં છે, તો આ સમાચાર તમારા માટે છે. બેંકે તેની શાખાઓ દ્વારા ખોલવામાં આવેલા ‘બેઝિક સેવિંગ્સ બેંક ડિપોઝિટ એકાઉન્ટ’માંથી રોકડ ઉપાડવાના ચાર્જમાં ફેરફાર કર્યો છે.
નવા નિયમો અનુસાર, મહિનામાં ચાર વખત રોકડ ઉપાડ મફત રહેશે. જો તમે આ મર્યાદા વટાવીને વધુ વખત પૈસા ઉપાડશો, તો દરેક ટ્રાન્ઝેક્શન પર ૧૫ રૂપિયા અને લાગુ પડતો જીએસટી (GST) ચાર્જ ચૂકવવો પડશે.
જન્મ અને મૃત્યુ પ્રમાણપત્ર માટે સખત નિયમો
સરકારે જન્મ અને મૃત્યુની નોંધણી બાબતે કડક નિયમો અમલમાં મૂક્યા છે. નવા નિયમો મુજબ, જો ઘટનાના ૨૧ દિવસની અંદર નોંધણી કરાવવામાં આવે તો તે સ્ટાન્ડર્ડ માનવામાં આવશે અને તે તદ્દન મફત રહેશે. આ સમયગાળા દરમિયાન હોસ્પિટલ કે સ્થાનિક સંસ્થાઓ (જેમ કે નગર નિગમ કે પંચાયત)માંથી સહેલાઈથી સર્ટિફિકેટ મળી જશે.
પરંતુ જો ૨૧ દિવસ પછી વિલંબથી નોંધણી કરાવવામાં આવે, તો એફિડેવિટ અને લેટ ફી આપવી પડશે. એક વર્ષ પછી પરંતુ બે વર્ષની અંદર નોંધણી માટે સક્ષમ એક્ઝિક્યુટિવ મેજિસ્ટ્રેટની મંજૂરી અનિવાર્ય રહેશે, અને જો બે વર્ષ પછી પણ નોંધણી ન થાય તો ફર્સ્ટ ક્લાસ જ્યુડિશિયલ મેજિસ્ટ્રેટની મંજૂરી લેવી પડશે.
નવી ‘એનપીએસ સ્વાસ્થ્ય’ (NPS Swasthya) યોજના
એનપીએસ (NPS) સબ્સ્ક્રાઇબર્સ માટે સારા સમાચાર છે. નિવૃત્તિની બચતની સાથે સાથે આરોગ્ય સંબંધિત લાભો આપવા માટે ‘એનપીએસ સ્વાસ્થ્ય’ યોજના શરૂ થઈ રહી છે.
આ યોજના હેઠળ સબ્સ્ક્રાઇબર્સને તેમના ‘એનપીએસ સ્વાસ્થ્ય’ ખાતા સાથે જોડાયેલી એક અલગ સુપર ટોપ-અપ હેલ્થ ઇન્શ્યોરન્સ પોલિસી મળશે. આ યોજનાથી દેશભરના આશરે ૨.૧૭ કરોડ એનપીએસ ગ્રાહકોને સીધો ફાયદો થવાની અપેક્ષા છે.
પ્રોપર્ટી ખરીદવી બનશે વધુ સરળ
એનઆરઆઈ (NRI) વેચનાર પાસેથી પ્રોપર્ટી ખરીદતા લોકો માટે પણ રાહતના સમાચાર છે. નવા ઇન્કમ ટેક્સ નિયમો અનુસાર, રેસિડેન્ટ વ્યક્તિગત ખરીદદારો અને હિન્દુ અનડિવાઇડેડ ફેમિલી (HUF) ને હવે એનઆરઆઈ પાસેથી પ્રોપર્ટી ખરીદતી વખતે ‘ટેક્સ ડિડકશન એન્ડ કલેક્શન એકાઉન્ટ નંબર’ (TAN) મેળવવાની જરૂર રહેશે નહીં.
તેઓ હવે માત્ર પોતાના પાનકાર્ડ (PAN) નો ઉપયોગ કરીને જ ટીડીએસ (TDS) કાપી શકશે અને રિપોર્ટ કરી શકશે. આ ફેરફારથી પ્રોપર્ટી ખરીદીની પ્રક્રિયા ઘણી સરળ બનશે.
ઘરના ઉપકરણો થશે મોંઘા
તહેવારોની સિઝનને ધ્યાનમાં રાખીને એલઇડી ટીવી, એસી (AC), વોશિંગ મશીન અને અન્ય હોમ એપ્લાયન્સીઝના મોટા ઉત્પાદકોએ તેમના ભાવ ૫% થી ૮% સુધી વધારવાનો નિર્ણય કર્યો છે.
વર્ષનો આ ત્રીજો ભાવવધારો હશે. કંપનીઓના જણાવ્યા અનુસાર, તાંબા (Copper), સ્ટીલ અને ક્રૂડ ઓઈલ આધારિત કાચા માલના વધતા ભાવ તેમજ પશ્ચિમ એશિયામાં ચાલી રહેલા તણાવ અને કરન્સીના ઉતાર-ચઢાવને કારણે આ પગલું ભરવું પડી રહ્યું છે.
પ્રદૂષણ નિયંત્રણ (PUC) બાબતે સરકાર કડક
શિયાળાની ઋતુમાં દિલ્હીમાં વધતા વાયુ પ્રદૂષણને ડામવા માટે સરકારે મોટો નિર્ણય લીધો છે. માન્ય પીયુસી (PUC) સર્ટિફિકેટ વગર વાહન ચલાવનારાઓ સામે ૧૦,૦૦ રૂપિયાનો મોટો દંડ ફટકારવામાં આવશે.
દિલ્હીના રસ્તાઓ અને સરહદો પર ટ્રાફિક પોલીસ અને ટ્રાન્સપોર્ટ ડિપાર્ટમેન્ટની ટીમો વાહનોના પ્રદૂષણ પ્રમાણપત્રોની સઘન ચકાસણી કરશે. મોટર વ્હીકલ્સ એક્ટ મુજબ આ નિયમનું ઉલ્લંઘન કરવા પર ૧૦,૦૦૦ રૂપિયાનો દંડ અને ૩ થી ૬ મહિનાની જેલની સજા કે બંને થઈ શકે છે.
